Monographie du village Aït Irane (commune d Aït Bouaddou)
Loading...
Date
2024
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Asenfaṛ-nneɣ n unadi yewwi-d ɣef yiwet n taddart n leqbayel i wumi qqaren « At Irane », i dyezgan deg tɣiwant nat Bouaddou, agezdu n Tizi Wezzu, deg ukatar n tkatut n master di
tesniremt n tgemmi d yidles amaziɣ. Akatay-agi yewwi-d i wakken ad yessebgen udmawen yemgerraden n taddart « At Irane » deg yiwet n tizrawt tayenirrawit, i wakken ad nefhem ugar
anerni-ines, tanmettit-is, ansayen-is d liḥala-s tadelsant ger zik d ttura. Anadi-agi yebna ɣef tarrayt iseḥan, i d-yekkan seg unadi ɣef warraten imezruyanen, akked useqsi n yimezdaɣ n
taddart-agi, d tmuɣli n tsastent n wennar, aṭas n temsal yesɛan azal icudden ɣer temnaḍt-agi, am tseknakalt d uḥuddu, amezruy, taddyanit, tisemras tidelsanin akked liḥala tanmettit tadelsant.
Iswiyen igejdanen n unadi-agi d aḥraz akked tiririt n wazal, ladɣa deg ayen yerzan asitteɛ d yinig, tiririt tejmilt tabaɣurt i umezruy nat Irane, s usiweḍ n tmusni-is i tsutiwin id-i teddun,
iwakken ad ten-id-sbedden ɣef wazal n tgemmi-nsen d tmagit-nsen tadelsant. Amahil-nneɣ yebḍa ɣef seddis n yeḥricen, Deg uḥric amenzu, nemmeslay-ed ɣef tarrayt d
wallalen i nssexdem akken ad d-ner ɣef isseqsiyen-nneɣ igejdanen i deg nesseqdec tasestant n unnar, tadiwenit, tarrayin n unadi, d wayen nniḍen.etc. Di taggara nemmeslay-d ɣef wuguren i
d-yellan deg unadi-nneɣ. Aḥric wis sin n uwi-d awal ɣef tarakalt d uḥuddu n tɣiwant nat Bouaddou akked Taddart At Irane. Nbeder-d tuddar n tɣiwant sumata rnu nssebgen-d tiɣiwanin
n talast, syin nemmeslay-d ɣef taddart n At Irane i deg d nudder timnaḍin n talast d wuṭun n yimezdaɣ-is s iderma, leṣnaf n wakal-is, iɣersiwen-is, imɣan-isd iɣbula n waman-is.
Deg uḥric wis kraḍ nemmeslay-ed ɣef umezruy n tɣiwant nat Bouaddou d taddart at Irane uqbel tamḥersa tafransist akked lawan uɣmar afransis. Aḥric wis ukuẓ yewwid ɣef tudert
taddeyanit deg At Irane d wayen i-ten icudden ɣer « Tareḥmanit ». Nbeder-d aɛessas aneggaru n tṛehmanit Cix Muḥemmed d wassaɣ-is uḍyiq akked wat Irane, akken daɣen i d-newwi awal ɣef
tmeɣriwin tideyannin. Deg uḥric wis semmus newwi-d awal ɣef tmagit tadelsant d tmeɣriwin timensayin, nemmeslayed ɣef wayen yeɛnan idles deg temnaḍt-agi At Irane, amek tella ger zik d ttura, akken daɣen id nehḍeṛ ɣef tfellaḥt tatrart d tezrirt tatiknulujt, ansay imawi, tunigiwin ger rrbaḥ d uccqiṛṛew n tatrarit. Aḥric wis seddis aneggaru, newwi-d awal ɣef tanmettit tadamsant, nehḍeṛ-d sumata ɣef tuddsa tanmettit tansayant d tuddsa tamirant, nserwes garasent.
Description
136 p. ; ill. en coul. ; (+CD-Rom)
Keywords
Monographie, Village Aït Irane, Analyse synchronique
Citation
Anthropologie du patrimoine et de la culture Amazighs