Asunneγ asenmetti n ḤALLI Ɛli d umecwar-is deg ccna
Loading...
Date
2023
Authors
Journal Title
Journal ISSN
Volume Title
Publisher
Université Mouloud Mammeri
Abstract
Tazwart -agi, d tin yeqqnen ɣer taɣult n tzsnalast d tussna n umdan sumata. Deg tegrayt n tezwart -agi neṣṣaweḍ nerra -d ɣef tmukrist n unadi -agi -nneɣ. Nemmeslay- d deg – s ɣef yiwen gar yinaẓuren n ccna atrar, win i wumi qaren Ḥalli Ɛli, i d - ibanen deg unnar n tẓuri. Andi- agi, nebḍa - t ɣef kraḍ n yiḥricen. Deg yixef amezwaru, nexdem akatar n tesnarayt, nuwi- d awal ɣef tmental i aɣ - yeǧǧan i wakken ad nefren asentel - nneɣ d wayen icudden ɣur - s, nsefḥem -d tafukkest d tarrayt i nexdem deg -s. Deg ixef wis sin, nemmeslay- d ɣef tmeddurt n Ḥalli Ɛli d tijmilin i as -yettwaxedmen d wayen akk icudden ɣur -s. Ma deg yixef Wis kraḍ nerra tasleḍt tasentalant i tezlatin n Ḥalli Ɛli, nessuffeɣ - d usental igejdanen n ccna – Ines.
Deg tsekla taqbaylit tatrart, tizlit teṭṭef taqacuct, tuɣal d nettat kan i d allal s wacu i yezmer umdan ad d - yessefali ayen yettḥulfu. Tazwart- agi, d ttbut ɣef wazal tesεa tezlit deg tmetti taqbaylit, d tin mucaεen ara naf ar win meqqren d win meẓẓiyen.
Γer taggara n ukatay - nneɣ, yessefk fell - anneɣ ad d- nawi igmaḍ iɣer nessaweḍ, iswan i aɣ - yeǧǧan nefren asentel -agi - nneɣ. D asentel i aɣ - yeǧǧan nbeggen -d s wudem ubriz tamedyazt taqbaylit d ucennay Ḥalli Ɛli, d asentel i aɣ - yeǧǧan ad nnadi ɣef wazal i yesεa ccna n teqbaylit.
Tazrawt- agi , Ḥalli Ɛli, tessebgan- d belli anaẓur- agi yuklal aṭas n wazal imi abrid -is deg ccna d anesbaɣur, yuwi- d ɣef yisentel yemgaraden, yezra taɣulin n tudert, yefka affud i temsalt icaɣben timetti ad d -banent ɣer unnar ; ama d tayri n tyemmat, tayri n tmeṭṭut, tadukli, taflest, insayen, lmut, tagmat, lḥif , tajaddit . is ireṣṣa tayri- is deg wul n yal yiwen Ara asent -yeslen i teẓlatin Ines sumata maca amur ameqqran n tuɣac -is d tid yeqqnen ɣer tayri.
Deg umaḥil - nneɣ, ɣef usentel -agi, nezmer ad d- nini annar n tmedyazt d ilel wessiεen, d tamerkantit s tewsatin - is d yisental- is, d agerruj ameqqran s wayes ara negzu timetti.
Γer taggara, ad d-nini tizlit taqbaylit tuklal aṭas n tezrawin xas nuwi -d kra seg tezrawin i d- iteddun.
Tizlatin n unaẓur- agi, ččurent d tikta d usirem, d tidet ara yeqqimen deg umezruy n ccna n teqbaylit, isem -is, yura- t s yisekkilen n wureɣ deg unnar n ccna n teqbaylit
Description
73 p.; 30 cm. (+CD-Rom)
Keywords
Tasekla taqbaylit, Tamedyazt, Ḥelli Ɛli, Ccna n teqbaylit
Citation
Tasekla Tamazight