Etude des marques de l’épistolaire et des techniques narratives dans le roman « Gar igenni d tmurt » de Dihya Lwiz.
Loading...
Date
2020
Authors
Journal Title
Journal ISSN
Volume Title
Publisher
UNIVERSITE MOULOUD MAMMERI TIZI-OUZOU
Abstract
Tazrawt i nexdem deg unadi nneɣ d ttin yerzan tasleḍt tasentalant n ungal i d- tura Dihya
Lwiz s uzwel «Gar igenni d tmurt ». asentel n wungal-a d win yeqqnen γer unnar n tsekla
yuran s tmaziγt.
Amahil- nneγ nebḍa-t γef kraḍ n yixefawen igejdanen, ixef amezwaru d win yerzan tasleḍt
tasentalant i wungal, anda i d-nekkes akk isental yejmaԑ ungal negga-asen tasleḍt syin akin
nesuffeγ-d asentel agejdan, syen si tama nniḍen nhedred ɣef ayen yeεnan ungal yebnan s
tebratin ; d’acu-t, amek ilaq ad tili tebratt,d akken id newwi awal ɣef twuri n tebrat.
Ixef wis sin d win yerzan alas n ungal-agi n Dihya Lwiz ; amgired n yinalasen id yufraren
deg-s. d akken id nefka si tama nniḍen, tasleḍt n yal analas amek i yella (d agensay neɣ
dazɣaray).
Ma deg yixef aneggaru nwal ayen yaεnan akud n tehkayt ; melmi id teḍra, melmi i tettwaru
neɣ id-tt-id ulsen (yal yiwen ayen id-as-yeḍran).
Ungal «Gar igenni d tmurt» d win i d- yefγen deg teẓrigin FRNTZ FANON, Tizi-Ouzzou,
2016. Γur-s 116 isebter, Yebḍa ɣef kraḍ n yiḥricen igejdanen, yal aḥric s unalas (Yuba, Dihya
Zehra), d akken, myal yiwen deg-sen ɣef wacu i d -yettmeslay. ungal-a d win yesɛan assaγ d
usentel d wuzwel-is, imi dakken i nwala, ungal-agi yewwid si tilawt ama d ayen id tules
Dihya ɣef tmaɣrast « Faḍma Ibelεiden » ɣef wayen akk i texdem d wayen i tesεedda ɣef tlelli
n tmurt, imi id as yefka rebbi tabɣest s wayes i tqubel acengu arumi, tefka tarwiḥt-id ɣef
tmurt.
Si tama nniḍen nufa-d tamyarutt tewwi-d asetel ɣef lḥif it-ttidir tmeṭṭut taqbaylit zik-nni,
akken id tules Zehra ɣef tmuḥqranit id tesεedda si tama n wargaz-is, ama si tama n yimalan-is
ladɣa xali-s id tt-yefkan ad tezweğ mebla ma yecawer-itt imi zikk-nni rray n wergaz i
yettεeddin, ma d rray n tmeṭṭut ur yesεi ara azal.
Si tama tis kraḍ, ad d-naf analas Yuba, mmi-s n mmi-s n Zehra. Syis-s id yebda wungal,
imi d netta id as icegεen tibratin i Dihya i wakken ad as-issaweḍ ayen i tura setti-s iwakken ad
ten-id suffeɣ Dihya d ungal, akken ad yesaweḍ lebɣi n setti-s. Yuba, di tebrat-is taneggarut
yewwi-d ameslay ɣef wayen id as-yeḍran di tmesbaniyin n 2001, d wayen i yesεedda di tallitnni
id-as yuɣalen d taberkant
Description
30cm.; 52p.+cd
Keywords
Citation
Littérature Amazighe et Imaginaire.