La Monographie de la commune mixte de Dra El Mizan
| dc.contributor.author | SELLAMI, Karima | |
| dc.contributor.author | RABIA, Thinhinane | |
| dc.date.accessioned | 2023-02-02T08:44:41Z | |
| dc.date.available | 2023-02-02T08:44:41Z | |
| dc.date.issued | 2022 | |
| dc.description | 87p.; table.; ill. en coul.; 30cm.(+cd) | en |
| dc.description.abstract | Leqdic-agi nneγ d taynnirrawit n tγiwant taduklant n Draɛ Lmizan. Iwakken anessaweḍ anefhem taγiwant agi nexdem leqdic, deg ayeg id nemmeslay γef wayen yɛnan amezruy, tarakalt, aḍebber, lbilaǧ n Draɛ Lmizan, tadamsa neɣ, adlis d-tt-diyanit Leqdic-nneγ yebḍa d iḥricen: Aḥric n tasenarrayt Deg uḥric-agi neɛreḍ ad nemmel tarrayin i neḍfer di tezrawt-agi. Akken ad nawi tilɣa ad aɣ-yallen di leqdic-nneɣ, yiwwi-d fell-aneɣ ad neffeɣ s annar i wakken ad nwali u ad nefren ayen ilaqen i leqdic-nneɣ. Di tazwara nnuda-d ɣef idlisen id-yeḥkan ɣef tγiwant-agi, neseqdec daγen tittafttarin yellan deg Lwilaya n Tizi Wuzzu, neseqdec amnir n wahal i wakken ad nesaweḍ ad nejmaɛ issalen ilaqen s ɣur imezdaγ d imḍebren n tγiwant n Draɛ Lmizan Aḥric n umezruy Aḥric-agi newwit-id γef umezruy n tγiwant taduklant n Draɛ Lmizan nesbegn-ed degs abeddel-ines d wamek tettnarni di talit-nni unekcum afrensis, nwala daγen ṭraḍ igekren deg tγiwant taduklant n Draɛ Lmizan mgal n uɛdaw afrensis. Aẓar n yisem: Aṭas i yγilen dakken isem-agi “Draɛ Lmizan” yekka-d si taɛrabt, maca d aεeraben ittiεarben ma nuγal γer wayen id-yenna Tariq Bellehsen d imezdaγ n tγiwant- agi Draɛ Lmizan isem-agi d asfunnec n yisem amenzu n tγiwant -agi isem -ines aqbur Iγil amizur maεna yiwen ur yeẓri anta talit deg ayeg ikksen isem -agi. Aḥric n trakalt neγ tajiyugrafit Deg uḥric- agi nudr-d tilisa n tγiwant tucrikt n Draɛ Lmizan ama d tid yellan daxel n tγiwant ama d tid yellan berra-ines, nger-d tiɣri i leεruc yellan deg-s zik-nni, lhawa, tiliwa, imγan … Aḥric n tudsa tadblant Deg uḥric-agi naεreḍ ad-nesbeggen asnarni n ugraw udebber deg tγiwant n Draɛ Lmizan seg wasmi id-nnulfa alami dasmi itemsex, nesbegen-d iberdan udebber yemsetbεen id yeslulen aṭas n tisuda (structure) uḍebbar. Aḥric n tdamssa Taɣiwant n Draɛ Lmizan tadamsa-is tebna s waṭas ɣef tfellaḥt, tineqlin d tzemrin id lsas n temεict-nsen, deg nneεma anaf dakken d irden ixeddmen s waṭas ma dayen yeεnan tterbegga n iɣersiwen d ulli d kra n isredyan d yeγyal nuder-d daγen akk leswaq yellan degs d wayen yebna unekcum afransis deg iberdan d tliwa .Aḥric n lbilaǧ n Draɛ Lmizan Deg uḥric- agi nesefhem-d lbilaǧ n Draɛ Lmizan melmi id-inulfa ayen yebna degs unekcum afrensis ama d iγerbazen, taγiwant, axxam n ccreɛ, tiliwa, iberdan, leqhawi, sbiṭar…amek itettwaqɛed deg talit-nni d wamek iyuγalen assa d tigemmi tadelsant . Aḥric n yedles d-tt-diyanit Deg uḥric -agi n idles d- tt-diyanit nemeslay-d sumata γef iγarbazen yebna urumi deg tγiwant taduklant n Draɛ Lmizan, ad-nini dakken abeddel adelsan id-yeḍran deg tγiwant-agi γef laǧal iγerbazen agi yettwabnan ama di Draɛ Lmizan ama di temnaṭin nniḍen deg tmurt n leqbayel; ayen yeεnan tadiyanit nudder-ed zzawiyat, ṭṭariqat , iεessasen, timnaṭin anda llan nefk-ad daγen tabadut n tmeddurt-nsen. | en |
| dc.identifier.citation | Anthropologie du patrimoine et de la culture Amazighes | en |
| dc.identifier.uri | https://dspace.ummto.dz/handle/ummto/19509 | |
| dc.language.iso | fr | en |
| dc.publisher | Université Mouloud Mammeri Tizi-Ouzou | en |
| dc.title | La Monographie de la commune mixte de Dra El Mizan | en |
| dc.type | Thesis | en |