Étude comparative de la méthode d’enseignement de la langue Amazighe dans l’école publique et privée au cycle moyen
| dc.contributor.author | BEDRICI Thiziri | |
| dc.date.accessioned | 2024-02-19T09:50:59Z | |
| dc.date.available | 2024-02-19T09:50:59Z | |
| dc.date.issued | 2023 | |
| dc.description | 71 p. ; 30 cm. (+CD-Rom) | |
| dc.description.abstract | Amahil-agi nneɣ yerza aḥric n tuymest, iswi ines d aɛqal d tesleḍt n tarrayin n uselmed deg uɣerbaz alemmas, ama n ddula neɣ d uslig, Nebrez ɣef yiselmaden akken ad d-naf tarrayt yettwasqedcen s waṭas, nefren aseqdec n tsastant , acku yesɛa tagruma n yiseqsiyen iṣukken akken ilaq , iswi-ines d agmar n yisalen d wumlan ,akked tririt ɣef yisastanen n unadi . akken ad nesseddu amahil-agi nneɣ akken ilaq, nefka-d tamukrist-agi; D acu-tt tarrayt i nesseqdac s waṭas deg uselmed n tmaziɣt , d acu i d ibaɣuren-ines ? nefka-d kra n turdiwin d tiririt i tmukrist nneɣ . Tef way-a nufa-d belli, ama d iselmaden n uɣerbaz uslig neɣ n ddula, seqdacen tarrayt tamaynut (anekmar s tzemmar) imi d nettat kan i iwulmen deg uselmed n tmaziɣt , tettara anelmad d ilelli . Iswi n tarrayt-agi, d awelleh ɣer wasnas, maca nufa kra n yiselmaden n uɣerbaz uslig seqdacen tarrayt taqburt, acku ur tuḥwaǧ ara aseqdec n waṭas n wallalen d yirmad, tarrayt-agi sexdamen-tt yiselmaden n uɣerbaz uslig d wid n ddula. Iselmaden n sin yiɣerbazen-agi ttaffen-d aɣbel deg useddu n tneɣrit, imi inelmaden ur ttaran ara lwelha nsen ɣer tɣuri , heddren gar-asen , Almend n yiselmaden agi akud yettunefken i uselmed n tmaziɣt drus, diɣen taččart n tesmilin (amḍan n yinelmaden) d ayen i d-igellun s usubbu n uswir n yinelmaden, llan kra n yiselmaden xeddmen-d agzul i temsirt yezrin s yisastanen ,ay-agi yegla-d s uwenneɛ n uswir n yinelmaden, imi llan kra d iɛrbawalen neɣ urǧin ɣrin tamaziɣt deg uɣerbaz amenzu , iselmaden seqdacen diɣen tutlayin nniḍen am taɛrabt neɣ tafṛansist , akken ad d-segzin awalen iwaɛṛen di tmaziɣt. Ma d ayen yerzan adlis aɣurbiz iselmaden akk sexdament maca mačči di yall armud, acku seqdacen isulal nniḍen . Almend n tririyin n yiselmaden, armud n usenfali s tmenna, d armud agejdan, tuget n yiselmaden tarrayt n taywalt, ma d wiyaḍ d tuzzigt almend n uswir n yinelmaden. Asenfali s tmenna yesnernay amaval n unelmad imi s warmud-agi nezmer ad nektazel tizemmar yerzan timenna ɣer unelmad-agi. Di tuget Aɣerbaz uslig yettak aṭas azal i tegzi n tmenna d tira ma d aɣerbaz n baylek yerra lwelha-s s afares s tira d tegzi n tmenna. Ahil s way-s teddun yiɣerbazen-agi yesɛa lexṣaṣ ama deg wayen yerzan akud yettunefken i uselmad n tanga-agi, diɣen amḍan meqqren n yinelmaden yettilin deg yiwet n tneɣrit, igellu-d s uswir ur ngerrez ara mliḥ ɣer yinelmaden. Ihi i wakken ad nesnerni aswir n yinelmaden deg tmaziɣt ilaq ad as-yettunefk ugar n wakud i uselmed-ines , d ufran n tarrayin iwulmen i wakken ad nesnerni aswir n unelmad deg umawal akked tullayt s umata, yewwi-d ɣef uselmad ad iwelleh inelmaden ɣer tɣuri, ma d ayen yerzan tucḍiwin n tira, tewwi-d ɣef unelmad ad yaru asebter ar sin ɣef usentel i yebɣa, syen ad yesseɣti imanis-i s usegzawal, anelmad ilaq ad yili yesɛa lebɣi s axeddim, adlis aɣurbiz ilaq ad yesɛu irmad ara yesnetmen izalmuden n yinelmaden, Ilaq daɣen ɣef ddula ad tebnu neɣ ad telli tineɣriyin nniḍen i wakken ad nessifses amḍan meqqren i yettilin deg yiwet n tesmilt, d ayen ara d-yeglun s ubaɣur ama i uselmad neɣ i unelmad d usnerni n uswir ines . Di tagara, Nessaram ad nili seg wid ara itekkin deg uwenneɛ d lebni n uselmed n tmaziɣt , akken ad tesɛu amkan-is deg usedwel aɣelnaw, diɣen tazrawt-agi nneɣ ad tili di Imendad n yinelmaden I tsutwin d-iteddun, d asalal i Yimahilen nniḍen deg uḥric n tuymest. | |
| dc.identifier.citation | Étude linguistique Amazighes | |
| dc.identifier.uri | https://dspace.ummto.dz/handle/ummto/23027 | |
| dc.language.iso | fr | |
| dc.publisher | Université Mouloud Mammeri | |
| dc.subject | Étude comparative | |
| dc.subject | Méthode d’enseignement | |
| dc.subject | Langue Amazighe | |
| dc.subject | L’école publique | |
| dc.subject | l’école privée | |
| dc.subject | Cycle moyen | |
| dc.title | Étude comparative de la méthode d’enseignement de la langue Amazighe dans l’école publique et privée au cycle moyen | |
| dc.type | Thesis |