Analyse des erreurs d’orthographe dans les textes dictés à un échantillon d’étudiants de deux niveaux Licence et Master (Licence 3, Master 1 et Master 2) du département amazigh de TIZI-OUZOU
Loading...
Date
2022-12
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Asenked n usentel
Deg unadi-agi, nexdem tasleḍt ɣef yigulen i d-yettilin ɣer kra n yiseddawanen di tira n ufares, ɣef way-agi nefren-d sin n yeswiren Licence akked Master ( L3,M1 d M2 ), iswi n tesleḍt-agi d asishel n uselmed d ulmad n tutlayt n tmaziɣt.
Tamukrist
Ɣef way-a, tamukrist-nneɣ i d-yellan deg umahil-agi :
-Deg anwa aswir ideg llan waṭas n yigulen?
-Anwi leṣnaf n yigulen i d-yettuɣalen s tuget?
-D acu-tent tmental i yeǧǧan igulen ttnernin?
Turdiwin
-Lexṣaṣ yellan deg usemres n tutlayt n tmaziɣt ad yili d yiwet seg tmental n yigulen.
-Tira n tutlayt n tmaziɣt ur terkid ara, ad tili d yiwet seg tmental n yigulen.
-Tanḍawit yellan deg temsislit n kra n tmeslayin, am wugur n tussda d yiwen seg tmental n lexṣaṣ n usemres d ulmad n tutlayt n tmaziɣt.
Deg yixef amenzu, newwi-d awal ɣef leṣnaf n tira d wayen yezdin timsislit n tmaziɣt d tin n teqbaylit, di tezrawt yettwaxedmen ɣef way-agi, sin n yimusnawen yecban (A. MARTINET, A. BASSET), suffɣen-d yiwet n tifrat yettawin ɣer yiwen unagraw d arawsan. Syin ɣur-s, nemmeslay-d ɣef unagraw n temsislit s umata, anda ara d-naf leṣnaf n tiɣra i d-yeskanen azal-nsent deg wawal, Md: /ɣr/→[ār], d wid n tergalin anda ara d-naf ayen i d-yeskanen amgarad d usbaɣur n tenḍawit, Md: n tmeṭṭut→[tmeṬuṯ].
Deg yixef wis sin, nemmeslay-d ɣef tesleḍt i d-yellan gar yinelmaden n yal aswir, syin gar kṛaḍ n yeswiren ( L3, M1 d M2 ), anda i d-neffeɣ s ugemmuḍ i d-yeskanen d akken aswir n (M1)d wid yesmersen ugar n yilugen di tezdit (180 i d-yemmalen 30.20% n yigulen), aswir n (L3) d wid yesmersen amur ameqran n yigulen di tussda (251 i d-yemmalen 42.11%) , arkad n yilem (38 i d-yemmalen 6.37%) d umgired gar (a) d (e) (46 i d-yemmalen 7.71%) ,ma d aswir n (M2) d wid yesmersen amata n yilugen di temsertit (81 i d-yemmalen 13.59%). Akken daɣen ɣef wayen yezdin semmus n leṣnaf n yilugen-agi, d aswir n (L3) I yesmersen aṭas n yilugen ɣef yeswiren niḍen, ma d aswir n (M1) d win I d-yemmalen d nutni ur nessemres ara aṭas n yilugen ɣas akka ugur-nsen ameqran d tizdit.Ɣer tagara, nessaram d akken amahil-agi, yewwi-d kra n tmusni, akken daɣen nessaram aṭas n leqdic ara yilin deg-s ɣer sdat sɣur yinelmaden n ugezdu n tutlayt d yidles amaziɣ.
Description
87 p.; Tabl.; 30 cm. (+ CD-Rom)
Keywords
Citation
Etude linguistiques amazigh