Taseddast n temseɛraq n temnaḍt n At Wasif
Loading...
Date
2022
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Deg tezrawt n lmasṭer, nefren asentel-nneɣ ad yili ɣef tseddast n temseɛraq n teqbaylit.
Deg uḥric amezwaru, newwi-d awal ɣef wanawen n yiseɣra ama d umyigen ama d irumyigen, nessaweḍ nufa-d amur ameqqran n temseɛraq bnant ɣef yiseɣra umyigen,wwḍen 63,05%. Ma d iseɣra irumyigen ur ṭṭuqqten ara deg temseɛraq nufa-d azal n 36,95%. Nemmeslay-d daɣen ɣef tefyirt taḥerfit d umkan teṭṭef deg wammud-nneɣ, tumyigin ṭṭfent azal n 11,30%, ma d tirumyigin ṭṭfent 4,79%. Si tama nniḍen nemmeslay-d ɣef yisemmaden yesɛan azal meqqren deg usileɣ n tefyirt taḥerfit, imi yis-sen ay temmed tefyirt.
Deg uḥric wis sin newwid awal ɣef tefyirt tuddist d yiferdisen-is ama d asagel ama d taɣuni, nufa-d amur ameqqran n temseɛraq d tifyar tuddisin s wazal n 83,91%, tumyigin azal n 73,91% tirumyigin ṭṭfent 10%. Nessaweḍ nufa-d d timseɛraq yebnan s wassaɣ n tɣuni ay yugten, taɣuni melba tasɣunt teṭṭef 76,97% , ma d taɣuni s tesɣunt ur d-nufi ara aṭas n tefyar fell-as tesɛa azal n 3,91%. Asagel ur yugit ara deg wammud-nneɣ ama s tesɣunt 12,17%,ama melba tasɣunt 6,95%. Nwala daɣen anawen n yikenseɣra yellan d amur deg usagel ama d azwaran (usrid neɣ d arusrid) ama d arazwaran (usrid neɣ d arusrid).
Deg uḥric-agi daɣen newwi-d awal ɣef tarit taywalant, nwala amek i d-tekcem deg temseɛraq. Nemmeslay-d ɣef sin yiḥricen-is ama d asifrer n usentel deg-s tarit taywalant teǧhed nufa-d azal n 15.21% n temseɛaq yekcem deg-sent uferdis-agi n usentel. Ma d asifrer n yisali i deg tarit taywalant teǧhed mliḥ ur d-nufi ara imedyaten fell-as deg wammud-nneɣ, igmaḍ-ines 0%.
Ihi, deg tezrawt-a nufa-d d iseɣra umyigen ay yellan s waṭas deg temseɛraq, llant akk twuriwin tiseddasiyin ala asemmad agensay, d tifyar tuddisin ay yellan s waṭas ɣef tefyar tiḥerfiyin, daɣen d assaɣ n tɣuni ay yugten deg tefyirt tuddist. Aferdis n tarit taywalant yella deg temseɛraq. Maca d asifrer n usentel ay yellan ɣef usifrer n yisali.
Nessaram ixeddim-nneɣ ad yenerni w ad yili d tawwurt i yinelmaden n tmaziɣt ara ixedmen ɣef usentel n tseddast n temseɛraq.
Description
92p.; Table.; 30cm.(+cd)
Keywords
Citation
TASNILEST D TESNALMUDT