Le paragraphe et sa place dans l’organisation textuelle dans les contes merveilleux de la grande Kabylie d’auguste Mouliéras Approche textuelle
Loading...
Date
2022
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Di tezwart n ukatay-na newwi-d awal ɣef uḍris s umata d akken neẓra aḍris d taguma n wawalen tuleɣ-d yiwet neɣ ugar n tefyar dduklen-t s tuqna yennejmaεen nezmer ad d-nini d akken tulmist n uḍris tettuɣal ɣer twuri-ines daɣen ɣer tayunt-ines dtuddsa-s .Meḥsub aḍris yettwaxdem i uglam ,ales, asfukkel ,lɣed, qennaε ,asebgen n yiḥulfan…..
Iwakken ad nebdu aḍris ilaq ad nerr lwelha-na ɣer twuri i nebɣa nweεed.
Aḍris yebḍa d tiseddarin ideg yal yiwet tettawi-d ɣef yiwen n usentel i yeqqnen ɣer tekti tamatut n uḍris .Taseddart teddes s tefyar i beddun s usekkil ameqqran ikeffun s wagaz. Ahil-agi yewwi-d awal ɣef tmacahut s umata nena-d d akken tamacahut , d asugen ixelq-it-id walaɣ n umdan d ayen yeqqnen ɣer tudert n umdan , tella di temti ,tulmisin-is :tesɛa azwel ,tutlayt isehlen yettwafahman .Tawuri-is d allal n usedhu d unecraḥ dtuksa n lxiq d ayen yellan akk di tmeti ,ttaɛraḍen ad ten-id-awin deg tmacahut.
Seg aya akatay-agi yebḍa ɣef sin yeḥricen:
Aḥric amezwaru nesenk-d deg-s tamedurt n umeskar dakken neẓra Auguste Mouliéras d aselmad aqdim n taɛrabt di tesnawit n wehran , d win yesuqulen awalen si tmaziɣt ɣer taɛrabt daɣen nehder-d ɣef ayen yesɛa uḍris ullis ama d ayen yerzan akud d wadeg d iwudam d tuddsa n tseddarin .Iwudam deg uḍris ullis sɛan azal d ameqqran ,mayla ulac-iten ,ulac ineḍruyen ,llan iwudam igejdanen , d isenaniyen .Adeg d amkan I deg llan ineḍruyen yesɛan azal d ameqqran ,amedya: axxam d adeg n tnezduɣt .Taddart anda ttidiren ixudam n teḥkayt .Tala d amḍiq n waman. Akud d lwaqt melmi I teḍra. Amedya: Zik ,di zman amezwaru․
aḍris ullis yebḍa ɣef kraḍ n tegnatin :
Tagnit n tazwara ad d-naf isallen ilaqen ad ilin ,yisen ara nefhem ineḍruyen n tmacahut ,yettili-d deg-s akud,adeg ,iwudam d liḥala amek ttɛicin ,tagnit-agi tettili terked ,ur yelli kra n wugur.
Tagnit tis snat tbeddu mi ara d-ilal wugur (aferdis n urway) ara yesluɣen tagnit-agi yeṭṭafar-itt uzrar n tigawin , kra n yiwudam ad ɛerḍen ad frun ugur wiyaḍ kkaten ad tt-skersen ugar ,tbeddu s unamal-agi :Yiwen wass ,armi d yiwen n wass , Yiwet n tikkelt..
Tagnit n taggara yettili deg-s ferru n wugur ,ɣef waken neẓra amur ameqqran kfan-t s wayen yelhan , drus maḍi anda t-id-naf tekfa s wayen n diri neɣ s temsirt .tagnit-agi am tin n tazwara acku ad tili terked ad tuɣal terwi, syin akin ad tuɣal terked ,syin akin nexdem tasleḍṭ I 7 n tmucuha I d –yewwi Auguste Mouliéras deg udlis-is ilmend n uzenziɣ n wullis .
Aric wis sin, nehder-d deg-s tamedurt n jean-Michel Adam d aselmad n tesnilest deg tsedawit d ameskar n watas n yedlisen n tesnilest diɣ neɛreḍ ad nexdem tazrawt I yeḍrisen-neɣ ilmend n uzenziɣ n wullis n Adam s akin nexdem awennit d ugzul I tmucuha-naɣ
Ar taggara n leqdic ̵agi nesaweḍ ad d nini d akken yella wanda ad d naf taseddart tesԑa amkan deg uḍris deg tseddart taamezwarut d tenggarut , maca yella wanda tikwal tseԑu amkan deg uḍris imara ama di tegnit n tazwara,tis snat ,d tegnit n taggara .Amedya deg uḍris “Lɣelb wis sin n At Jennad ɣef ṭurk”. Yella wanda ur yeԑi ara amkan. Ayagi akk yuɣal ɣer talɣa n uḍris d wamek yebna.
Description
71p.; 30cm.(+cd)
Keywords
Citation
Etudes Linguistiques Amazighes