Aglam n yiwudam deg ungal n Belaïd Aït Ali « Lwali n wedrar ».
| dc.contributor.author | Drif Imane | |
| dc.contributor.author | Djahmoum Hayet | |
| dc.date.accessioned | 2025-03-10T08:41:33Z | |
| dc.date.available | 2025-03-10T08:41:33Z | |
| dc.date.issued | 2024 | |
| dc.description | 80p.; 30 cm.(+CD-Rom) | |
| dc.description.abstract | Degtazwara nexdem-d tazwert tamatut, deg-s i d-nemmeslay ɣef tsekla taqbaylit tamensayt d tewsatin i d-yufraren seg-s. Nefren-d tawsit-agi n wungal acku d tin i aɣ-yeɛnan, nezwar-d di tmukrist anda d-nefka isteqsiyen ɣef way-deg ara tbedd tezrawt-agi; syen nekcem deg tbadut n tmiḍranin, nsenked-d daɣen ungal Lwali n Wedrar n Belaïd Aït Ali, nexdem-as agzul nessegra-d tameddurt-is s umata. Ixef amezwaru,newwi-d awal deg-s ɣef yiferdisen n wungal d tbadutin-nsen,akken i d-nemmeslay daɣen ɣef tewsit-agi n uglam d acu-tt s umata akked uglam n uwadem imi yerza asentel-nteɣ. Ma degyixef wis sin, yella-d d lsas n tezrawt-agi, neɛreḍ deg-s ad nessufeɣ iwudam igejdanen d yinaddayen i wakken ad nexdem tasleḍt i uglam yesseqdec Belaïd Aït Ali deg-s,ilmend n tulmisin n yiwudam i nesseqdec (rebɛa) :si tama n tfekka, tama n waggag, tanefsit, d tmetti; d wamek i tent-id-yeglem unaggal deg tsektiwin-agi. Nessaweḍ ad negzu belli deg uglam nyiwudam igejdanen Belaïd Aït Ali yemmed-asen si yal tama, abeɛda si tama n waggag d tnefsit ma yella si tama n tfekkaisqdec-it ɣef wasaḍ n teḥkayt Bu Leɣṭuṭ s waṭas, amek yella d wamek yuɣal.Гef way-a ad yeǧǧ meɣri ad t-id-yessugen s tugna igerrzen amzun issers-it-id ɣer rrif n wallen-is; ula d tameṭṭut n wasaḍ Faḍma «Taddadact» ur icuḥ ara deg uglam si yal tama. Ma yella d iwudam inaddayen, llan kra iglem-iten-id akken iwata, ma d wiyaḍur ten-id-yeglim ara d lemaḍi di kra n tsektiwin am tfekka; yernattemcabin aṭas deg tsekta n waggag d tnefsitakked tmetti. Belaïd Aït Ali deg uglam-is i yiwudam n wungal, nerra-d lwelha ɣer tmerna tamaynut d iwenniten i yessexdam yal tikkelt, ibeyyen-d deg-sen assaɣ n umdan d ddin, d acu ilaqen d wacu ur nlaq ara, d ayen izemren ad yili di tilawt s useqdec n umakun d uferriɣ; anda deg taggara ad yuɣal ɣer tilawt ad ileqqem s tmuɣliwin-is. Taneggarut-agi daɣen d tamaynut deg wungal aqbayli. Nufa-d aya abeɛda deg tnekda n «Bu Leɣṭuṭ» asaḍ n wungal, imudd-d timuɣliwin-is deg uglam-ines di yal tasekta, m akken yella d amestajer d ubeddel i as-d-yeḍran mi akken yuɣal d ccix n taddart ɣer Lwali, anda ara ad d-yeglem awadem-agi iwumi tettwakkes tlelli n tudert akken i tt-yebɣa, yettwakkes-as yisem n Lwali; deg-s yessaweḍ unaggal timuɣliwin-is i yimeɣri s yizen yeɛnan aggag d tneflist n tmetti, s yis-s yekkat ad ibeddel tineggura-agi s wayen yelhan d azrilaw d tidet. Ma yella d tanekda n yiwudam tella-d sɣur unaggal s timad-is, d netta i ten-id-yeglem s taɣect n umsawal. Akken daɣen nufa-d aglam yesseqdec fell-asen d aglam usrid acku iglem-iten-id qbala mebla tuzya deg wawal; imeɣri ad yefhem lewṣayef n uwadem s shala. Гer taggara, ad d-nini d akken Belaïd Aït Ali, d yiwen gar inaggalen yessemrasen aglam akken ilaq, yesseqdec-it s tfulka d ccbaḥa i d-yernan i wungal-is.Yesɛedda-d tugna n yiwudam i yimeɣri s tarrayt igarzen, acku yesɛa tazmert n tsekla; yessaweḍ ɣer telqayt n temsal i useqdec-ines i uglam. Nessaram d akken anadi ɣef unaggal-agi ur iḥebbes ara kan dagi, acku aṭas n yisental d tewsatin nniḍen yura deg tsekla mazal ur asent-xdimen ara tasleḍt. | |
| dc.identifier.citation | Tasekla Tamazight d Tsugent | |
| dc.identifier.uri | https://dspace.ummto.dz/handle/ummto/26962 | |
| dc.language.iso | other | |
| dc.publisher | Université Mouloud Mammeri Tizi-Ouzou | |
| dc.subject | Belaïd Aït Ali | |
| dc.subject | Aglam | |
| dc.subject | Awadem | |
| dc.title | Aglam n yiwudam deg ungal n Belaïd Aït Ali « Lwali n wedrar ». | |
| dc.type | Thesis |