Analyse lexical et statistique du vocabulaire dans quelques émissions radiophonique (Radio Tizi Ouzou) Suivi d’une proposition d’un vocabulaire de spécialité
Loading...
Date
2023-10
Authors
Journal Title
Journal ISSN
Volume Title
Publisher
Université Mouloud Mammeri
Abstract
Tutlayt n tamaziɣt d yiwet ger drus n tutlayin tiqburin i d-yeqqimen arr ass-a, tella seg zman
aqdim, maca tesɛa lexsas ; ayagi yeooa-tt ad rḍel awalen seg tutlayin nniḍen ayen iwumi
neqqar awalen ireṭṭalen. Daɣen ad snulfu awalen imaynuten ayen iwumi neqqar
« tasnulfawalt » iwakken ad ban ger tiyeḍ.
Deg uxeddim nnaɣ newwi-d sa (7) n tedwilin s taqbaylit seg radyu n tizi Wezzu nura-ten-t
iwakken aten-t-nesleḍ, naxdem tasleḍt i wayen yellan di tedwilin. Sa (7) aki n tedwilin,
isental-nsen-t ɣef:
Timsal n lqanun
Leqraya ass-a
Agni n medden
-Syin akin nebḍa anadi nnaɣ ɣef kraḍ (3) yeḥricen :
Aḥric amenzu, d ayen yerzan tarrayt n unadi.
Yewwi-d ɣef tbadutin n wawalen igejdanen i nsemres yakan.
Sakin naxdem asenked ɣef radyu n Tizi Wezzu, syin akin nehder-d ciṭ ɣef umezruy n radyu.
Arr taggara nefka-d taferkit tatwilit n radyu n Tizi Wezzu, nebder-d kra n leqdic i
yettwaxedmen yakan, sɛan assaɣ akked usentel n ukayad nnaɣ.
Deg aḥric wis sin, nebbid awal ɣef tesnulfawalt, awalen ireṭṭalen d urwas asnilay
Tasnulfawalt : yekka-d seg wawal snulfu, asnulfu n wawalen neɣ awalen imaynuten id yernan
ɣer tutlayt, neɣ d awal yellan yakan deg tutlayt ad as-nefk anamek nniḍen amaynut.
Tasnulfawalt s talɣa: tettaleɣ s usuddem d usuddes
Asuddem : d tamerna n iwṣilen ama deg tazwara ama deg taggara.
Asuddes : d asdukel n sin wawalen. Deg-s sin leṣnaf:
Assudes s usenṭeḍ: yettili-d mebla tanzeɣt “n”: md:
Ger + aɣlan = Ageraɣlan
Asuddes n usdukkel: yettili-d s usdukkel n wawalen s tenzaɣt “n”:md:
Inemhalen n uɣerbaz
Tasnulfawalt s unamek : d awal yellan yakan deg tutlayt lamaԐna yettebedil unamek akken
tella tefyirt.Md:
Taggara (anamek is) = la fin / deg tefyirt ibedel unamek is yuɣal = conclusion.
Awal aṛeṭṭal : d awal id terḍal tutlayt sɣur tayeḍ akken ad iԐemmer lexsas ni yellan deg
umawal
Deg uxxedim agi nteɣ naԐreḍ ad nekkes awalen iṛeṭṭalen yellan. Nufa-d d akken smarsen ugar
n imarḍil n tefransist
Md : ttribiziɣ reviser
stressiɣ stresse
idifinid définir
llan daɣen awalen imarḍilen s taԐrabt
Md : lqanun القانون
Lluma الامة
Lmawad المواد
Nufa-d d akken awalen iṛeṭṭalen ɣer tefransist ugaren wid yellan ɣer taԐrabt.
ɣer taggara, newwi-d awal ɣef urwas asnilsay nenna-d d akken d asuqqel n tefyar neɣ
tenfaliyin akken lant deg tutlayt tanaṣlit ɣer tutlayt niḍen.
Arwas n tenfalit :tasuqilt n wawal ɣer wawal akken tella tenfalit is utettebeddil ara.
Arwas n usnamek: abeddel n unamek I wawal yesԐan yakan anamek deg tutlayt.
Arwas n talɣa: d talɣa tuddist, sin wawalen neɣ ugar, ger-asen tanzeɣt “n”
Deg aḥric wis kraḍ , di tazwara nekkes-d tanfaliyin n leḥdaqa id yettuɣalen di tedwilin idnewwi
seg radyu n Tizi Wezzu.
Amedya :
Tanfalit n tazwara :
Leqraya assa, yal ttlata si tlata ar rebɛa
Mselxir akk fell-awen merra kunwi i ɣ-d isselen lawan-agi srid ɣef lemwaji n radyu Tizi
Wezzu d tiԐad nniḍen ɣer tedwilt n leqraya assa ameslay ad yili ɣef leqdic n tdukliwin id
yettilin deg swiren i tlata…
Tanfalit n taggara:
Tanemmirt, ɛṭikun ssaḥa, tanemmirt meqqren kunwi inebgawen n radyu n Tizi Wezzu deg
uṭun-agi n tedwilt leqraya-assa, tanemmirt daɣen i umeddakel-nnaɣ Sliman Mecqan id
isuffɣen ttiɛad agi tanemmirt daɣen tameqqrent i wid iɣ-id yefkan tamezzuɣt, arr ttiԐad ttlata
id itteddun ma yrad rebbi, ǧǧiɣ-awen lisser lewqat lɛali id yegran deg ahil n Radyu Tizi
Wezzu.
Sakin, naxdem tasleḍt n tedwilin, nezwar s tfelwit n ufmiḍi iwakken ad naf acḥal n wawalen
ireṭṭalen d wawalen imaynuten i smersen ineɣmasen. Ad tbaɛ twinest i yal tadwilt.
Daɣen naɛreḍ ad d-nefk asumer i kra yaḥricen seg yal tadwilt anda llan wawalen ireṭṭalen,
ama d wid n taɛrabt ama d wid n tefransist. Naɛreḍ ad nefk agdazal-nsen s teqbaylit, ihi
uɣalen yaḥricen-agi s tutlayt nnaɣ kan, anect-aki iwakken ansaḥbiber ɣef tutlayt nnaɣ ur
tettruḥu ara.
Amedya :
«…dès fois quelques parents nheddar-asen af les problèmes aki id-nettmagar daxel n les
établissements akked warraw-nsen… »
► Tikwal kra n yimawlan nheddar-asen af wuguren aki id-nettmagar daxel n yiɣerbazen akked
warraw-nsen…
«…la période agi les examens, imawlan akk asɣarayen deg uxxam… »
► Tallit-agi n ikayaden, imawlan akk asɣarayen deg uxxam…
«…donc les actes aki arr tura seḥḥan usɛin ara ḥetta d aɣbel irkelli, imerra il y a pas de
problème c’est juste que on a avancé tura lqanun yecreḍ bessif akk ayen ara at-xedmeḍ
yeɛnan akal… »
► Ihi arraten-aki arr tura seḥḥan ur sɛin ara ula d aɣbel irkelli, imerra ulac ugur nedda kan arr
sdat tura aṣaḍuf yecreḍ bessif akk ayen ara at-xedmeḍ yeɛnan akal…
Arr taggara nefka-d asegzawal d amecṭuḥ.
Agemmuḍ n ukatay-agi :
Tasniremt n tɣamsa, d tin yellan yakan maci d tatrart.
Tsnulfawalt i d-yettuɣalen s waṭas di tedwilin n radyu d tasnufawalt n talɣa.
Awalen ireṭṭalen, nufaten-id s waṭas deg ugbur nnaɣ. Asaxdem n wawalen-aki ireṭṭalen
yekka-d seg lexsas n umawal n tutlayt taqbaylit, d ayen iɣ-yeooan nettarḍal-d awalen seg
tutlayin nniḍen am Tefransist d taɛrabt iwakken ad yili yinaw yettwafham.
Description
174 p. ; 30 cm. (+ CD-Rom)
Keywords
Analyse lexical, Analyse statistique, Le vocabulaire, L'émissions radiophonique, La radio, Tizi-Ouzou
Citation
Etude linguistique Amazigh