Base de données toponymique kabyle suivie d’une analyse morphologique et sémantique des trois daïras (Ain El Hammam, Iferhounene et Azazga)
| dc.contributor.author | ABERDACHE, Karima | |
| dc.contributor.author | AIT TALEB, Salima | |
| dc.date.accessioned | 2023-01-29T12:33:20Z | |
| dc.date.available | 2023-01-29T12:33:20Z | |
| dc.date.issued | 2021 | |
| dc.description | 111p.; tabl.; cartes; 30cm.(+cd) | en |
| dc.description.abstract | Seg zik, Imaziɣen qqnen ɣer wakal, ddren yis-s, ttidiren deg-s ; ayen i ten-icudden dayen ur nezmir ad d-nesugen, akal d netta i d tamagit n umdan. Amhil-nteɣ, yewwi-d ɣef tigrin n uzadur n yisefka yerzan ismawen n yidgan n kraḍ n wasunen n ugezdu n Tizi-Uzzu (Ԑin Lḥemmam, Iferḥunen d Yiԑeẓẓugen). Negmer-d 251 n yismawen n yidgan (n yismawen n tuddar) n temnḍin n tmurt n Leqbayel. Ammud, negmer-it-id deg unnar n temnaḍin-nni, nekka-d akk i tɣiwanin n krad-nni n wasunen, nesteqsa imselɣa d imezdaɣ n tuddar rnu nruḥ ɣer yixxamen n tɣiwanin fkan-aɣ-d ismawen n tuddar n tal taɣiwant. Negmer-d akk 251 yismawen n tuddar, nefka-d inumak-nsen. Tamukrist Deg tezrawt-agi, ad neԑreḍ ad d-nesban tudrin n Leqbayel ɣef tkerḍa taraklant ? S yin akin ad nezrew ismawen n yidgan n krad n temnadin, ad neԑred ad d-naf ansi ay d-kkan ? ad nernu ad nnadi ɣef wamek ddsen yinumak-nsen d wamek ulɣen akken aɣ-d-iban wassaɣ yellan gar yal adeg d yisem-is. Turdiwin Ahat nezmer ad d-nesken akk tudrin n Leqbayel ɣef tkerḍa tarakalant imi d- nufa amsideg araklan n yal tamnaḍt ? Yal isem n wadeg (isem n taddart) n Leqbayel ad t-naf yeqqen ɣer wayen i as-d-yezzin : wakal-is neɣ ar yidurar, ismawen n lejdud, tiliwa, iger…... Tazrawt-nteɣ, nebḍa-tt ɣef ukuẓ n yixfawen : Ixef amenzu : Newwi-d deg-s awal ɣef teẓri anda i d-nefka tibaduyin timeḍranin yesɛan assaɣ akked tesmedga. Nebder-d daɣen imyura i ixedmen tizrawin ɣef tesmedga, gar-asen : • CHERIGUEN.F « Toponymie Algérienne des lieux habités (les composés) ». • HADDADOU.M-A « Dictionnaire toponymique en Algérie ». • TIDJET Moustapha, « dictionnaire d’hydronymie générale de l’Afrique du Nord Algérie, Maroc, Tunisie, 2014 ». • BENRAMDANE Farid, « toponymie et études des transcriptions française et francisée des noms de lieux de la région de Tiaret ». Ixef wis sin : nsenked-d deg-s azadur n yisefka yerzan ismawen n yidgan n kraḍ n wasunen n ugezdu n Tizi-Uzzu (Ԑin Lḥemmam, Iferḥunen d Yiԑeẓẓugen). Imi d-nufa imsidgen iraklanen n yismawen n tuddar, nga tikerḍiwin i yal taɣiwant s ttawil n useɣzan asenselkam QGIS. Yal taɣiwant, nesken-d tuddar-is ɣef tkerḍa. Ixef wis krad : Deg-s nesleḍ talɣiwin n yismawen n tuddar n kraḥ n wasunen : Ԑin Lhemmam, Iԑeẓẓugen d Yiferḥunen. Nesken-d deg-s amek ulɣen yismawen n tuddar d yiberdan n usileɣ. Ixef wis ukuz : Deg-s nesleḍ inumak n yismawen n tuddar n krad n wasunen : Ԑin Lhemmam, Iԑeẓẓugen d Yiferḥunen. Nesken-d deg-s inumak i-ɣef bnan yismawen-nni n tuddar d wamek i asen-ttunefken yismawen-nni. Taggrayt Di tezrawt-nteɣ i d-yewwin ɣef tigrin n uzadur n yisefka yerzan ismawen n yidgan d tesleḍt talɣawit akked tesnamkit, negmer-d 251 n yismawen n yidgan si kraḍ n wasunen n ugezdu n Tizi-Uzzu : Ԑin Lḥemmam, Iferḥunen d Yiԑeẓẓugen. Tuget n yismawen n tuddar, nufa-asent-is imsidgen iraklanen-nsent, ma d 48 tuddar, ur asent-id-nufi ara imsidgen irakalanen-nsent mi nnuda di google maps neɣ di google Earth. Nga 12 n tkerḍiwin ɣef leḥsab n tɣiwanin yettekkin ɣer krad n wasunen-nni. Neɛreḍ nesleḍ talɣiwin d yinumak n yismawen-nni n tuddar. Ar taggara, nessaram anadi-agi-nteɣ ad yili d amedya i wakken ad ilin yimahilen-niḍen ɣef tigrin n uzadur n yisefka yerzan ismawen akk n tuddar n tmurt n Leqbayel, imi nezmer ad d-nesken tuddar ɣef tkerḍiwin tirakalanin s wallal n QGIS | en |
| dc.identifier.citation | Linguistique et didactique | en |
| dc.identifier.uri | https://dspace.ummto.dz/handle/ummto/19196 | |
| dc.language.iso | fr | en |
| dc.publisher | Université Mouloud Mammeri Tizi-Ouzou | en |
| dc.title | Base de données toponymique kabyle suivie d’une analyse morphologique et sémantique des trois daïras (Ain El Hammam, Iferhounene et Azazga) | en |
| dc.type | Thesis | en |