Asuneɣ asenmetti n Muḥ Saɛdud d umecwar-is deg uẓawan
| dc.contributor.author | SELLAM, Zakaria | |
| dc.date.accessioned | 2023-02-14T08:12:05Z | |
| dc.date.available | 2023-02-14T08:12:05Z | |
| dc.date.issued | 2022 | |
| dc.description | 74p.; Table.; Ill. en, coul.; 30cm.(+cd) | en |
| dc.description.abstract | Ccna, d annar i d-yeddan seg tallit tamensayt ar tura. Amedyaz yeṭṭef deg-s abrid akken ad d-isekfel akk ayen i t-yeqqerḥen neɣ ayen yellan d uffir, neɣ ayen yebɣu ad as-yerr azal. Anaẓur, neɣ amedyaz s umata, deg tmetti taqbaylit d win yettarran assaɣ gar umdan d tmetti-is, tikwal d netta i iferrun timsal, yesseḥbibir ɣef wazalen n tmetti, tutlayt-is, assaɣen-is,…atg. Yedda-d umedyaz amecwar d alqayan armi d tallit tamirant, netta mazal yessenfali ɣef temsal n tudert, ɣef wadeg-is deg tmetti; mazal yesseḥbibir ɣef waṭas n tɣawsiwin iɛeddan, ddrent deg tensayit yerra-asent tudert ad qqiment i lebda. Muḥ Saɛdud, d yiwet gar yinaẓuren, ira ad yerr tizlatin-ines d lxiḍ, ad cuddent neɣ ad ssemlilent gar snat talliyin: tansayit d tetrarit. Tansayit yuwi-d sɣur lejdud-ines, ma d tatrarit seg wayen yedder, yettidir d wid i t-yezdin. Гer taggara n ukatay-nneɣ, yessefk fell-aneɣ ad d-nessebyen igemmaḍ iɣer nessaweḍ, iswan i aɣ-yeğğan nefren asentel-agi-nneɣ. D asentel i aɣ-yeğğan nessebyen-d s wudem ubriz tamedyazt taqbaylit d ucennay Muḥ Saɛdud, d asentel i aɣ-yeğğan ad nnudi ɣef wazal i yesɛa ccna n teqbaylit. Tazwert-agi, teqqen ɣer taɣult-inu deg tussna n umdan s umata, anda i d-meslayeɣ ɣef yiwen gar yinaẓuren n ccna n teqbaylit, win iwumi qqaren MUḤ Saɛdud. Muḥ Saɛdud, d yiwen ucennay seg yicennayen iqbayliyen iḥarzen taqbaylit s ṣṣut-is. Akken i d-nniɣ di tazwara, Muḥ yebda tikli-is di ccna deg useggas n 1973 imiren i yexdem tizlit tamenzut isemma-as “Aḥeckul”. Deg useggas n 1985, yessekles aḍebsi amezwaru, syin deg useggas n 1986 yessekles-d aḍebsi wis sin deg Yiɛeẓẓugen, lameɛna ur d-yeffiɣ ara armi d 1990. Muḥ, yella gar yimezwura i as-yefkan udem atrar i ccna n teqbaylit, isexdem allalen d imaynuten, d ayen i as-yefkan aẓawan i tezlatin-is. Iwakken ad nebnu asuneɣ asenmetti n unaẓur-agi d umecwar-is di ccna, nebḍa tazrawt-agi-nteɣ ɣef kraḍ n yiḥricen: 1. Aḥric amezwaru, d akatar n tesnarayt, anda ara d-nesken amek i nebna tazrawt d wallalen n unadi i nessemres iwakken ad nessaweḍ ɣer yiswi-nteɣ. 2. Deg yixef wis sin, nemmeslay-d ɣef tmeddurt n unaẓur d umecwar ɣer ubrid n ccna 3. Deg yixef wis kraḍ, nerra tasledṭ tasentalant i wammud n tezlatin-is. Deg tegrayt tamatut, nefka-d agzul i yigemmaḍ uɣur neṣṣaweḍ deg tezrawt-nteɣ. Γer taggara, nezmer ad d-nini, Muḥ Saɛdud, d win iḥemmlen tamurt-is, yeṭṭef di tutlayt-isd tmagit-ines, ur yettu ara laṣel-is, anect-a iban-d mi nexdem tezrawt i tezlatin-is axaṭer isental iɣef yecna d ayen yeɛnan timetti, yecna daɣen ɣef yiḥulfan n umdan, am tayri. Muḥ Saɛdud, d yiwen gar wid i d-yeğğan agerruj ameqqran i yidles amaziɣ, ɣef way-a ilaq fell-aɣ ad nesseḥbiber ɣef tezlatin-ines i wakken ad tent-id-afen tsutwin i d-iteddun. Tizlatin n unaẓur-agi, ččurent d tikta, d tid ara yeqqimen deg umezruy n ccna n teqbaylit, tizlatin-ines reṣṣant deg tmetti i lebda. Isem-is, yura deg yigenwan n ccna aqbayli. | en |
| dc.identifier.citation | TASNALAST N TGEMMI | en |
| dc.identifier.uri | https://dspace.ummto.dz/handle/ummto/20045 | |
| dc.language.iso | other | en |
| dc.publisher | Université Mouloud Mammeri Tizi-Ouzou | en |
| dc.title | Asuneɣ asenmetti n Muḥ Saɛdud d umecwar-is deg uẓawan | en |
| dc.type | Thesis | en |