Etude du festival de poésie de l’association culturelle Yusef Uqasi. Approche socio-anthropologique
| dc.contributor.author | HAMOU, Ferhat | |
| dc.contributor.author | KESSI, Fadhila | |
| dc.date.accessioned | 2019-05-23T11:47:58Z | |
| dc.date.available | 2019-05-23T11:47:58Z | |
| dc.date.issued | 2016 | |
| dc.description | 111p.;photogr.,ill.+(cd) | en |
| dc.description.abstract | Tazrawt-nneγ, d leqdic i d-nhegga γef tfaska n tmedyazt i d-yettilin yal aseggas di temnaḍt n At Jennad, i yewwin isem n umedyaz Yusef Uqasi i deg ttekkint snat n tdukliwin tidelsanin tin Yusef Uqasi d tin n Si Muḥend Umḥend. Amussu adelsan, d tiktiwin i yessduklen kra n widak yesran i wesnerni n yemdanen d tmetti isen-d-yezzin sumata, izdi-ten yiwen yiswi deg yal ahric, γef wanecta ad naf aṭas degsen snulfan-d tidukliwin yemxalafen. Tidukla tadelsant n Yusef Uqasi tlul-d deg useggas n 1992 di lɛarc n At Jennad, taγiwant n tmizart, taneggarut-a tesɛa assaγ deg ubeddel n temetti di temnadt-a ladγa imi teldi irebbi i yedles i yellan deg ubrid n tatut. Tazrawt-agi-nneγ tetteki γer tesnalest tadelsant, deg-s tufγa γer wannar, akken ad yili ugmar n yissalen d tmusniwin, deg unadi-ya nesseqdec kra n tarayin ad aγ-yessiwḍen γer tririyin ilaqen i tmukrist i d-nefka di tazwara n tezrawt, γef waya yella-d udiwenni gar-aγ d yimsulγa i d-nesteqsa, anda nesseqdec ladγa annay usrid, dγa γef wanecta yak i yebna leqdicagi- nneγ. Deg tazwara, newwi-d awal γef yiɛeggalen n tidukla tadelsant Yusef Uqasi, wigi d imdanen i d-yeslulen tidukla-ya amur ameqran seg-sen seg At Jennad, anda ad naf daγen tuget deg-sen lḥan-d amecwar deg uhric n yidles, tamusni-nsen tebda-d seg temẓi, tturebban-d deg rebbi n yidles d wannsayen, am wakken xulḍen imdanen-nniḍen i iqedcen deg yiḥricen yemxalafen ladγa idles, tasertit, γef waya mtawan akken llan d agraw γef kra n tiktiwin ladγa iwakken ad sehbiberen γef tgemmi-nsen wa ad tessiwden i tmetti akken as-yuγal wazal yerna ad tenerni wa ad tidir. Deg uḥric wiss sin nemmeslay-d γef leqdicat i d-yettilin s daxel n tidukla tadelsant Yusef Uqasi, yal leqdic yegla-d s ubeddel di temnaḍt-agi deg yihricen yemgaraden, ama di tmetti ama deg timagit, ama i yidles neγ tasekla sumata, γas akken akken mgaraden yehricen-agi, maɛa iswi d yiwen, seg leqdicat imezwura ad naf aselmed n tmaziγt i yebdan seg asmi id-tlul tidukla-ya, aṭas n yelmeẓyen umi tettunefk tegnit akken ad lemden tira s tutlayt tayemmat di tidukla, ayagi ila azal meqqer i tutlayt d yidles amaziγ sumata. Γer tama n uselmed n tmaziγt tella tmedyazt, ulamek ur yettili ara usefru neγ tamedyazt di leqdicat n tidukla, imi ahat d ta i d tigejdit γef ters tneggarut-a, arnu γer waya tamnadt n At Jennad tettwassen s lǧahd n wawal d usemres n tmedyazt deg tudert n yal ass, ahric-a n tmedyazt yuẓ mliḥ γer zdat ladγa imi tuget deg iɛeggalen n tidukla amakken id-nezwar deg awal mmalen γer yidles, llan kra ula d Résumé ennutni d imedyazen, yerna rran-as azal i as-iwulmen, deggren aṭas n imedyazen, fkan-asen tabγest akken ad xedmen ugar wa ad yennarni uswir-nsen. Amezgun d leqdic i d-yufraren di tidukla, yefka-d udem amaynut i yidles, acku yella ur yettwassen ara ladγa di temnadt n At Jennad, maɛna yessawed ad iger aquddim meqqren γer zdat, seg asmi id-snulfan tarbaɛt n umezgun umi semman Tacemlit, tennaggarut-a tqeddec ula berra n temnadt n At jennad, ticeqqufin i tturaren yelmezyen γur-sent izen yemxalafen aya ila azal meqqer, amezgun yettili-d srid d yemdanen yettḥaza tiktiwin-nsen, γef waya igellu-d s ubeddel deg tmetti d yedles sumata. Sin n leqdicat ineggura uγur terra lwelha tidukla n Yusef Uqasi d cana yaked taklut, tamezwarut-a tufrar mlih ladγa imi sɛan la chorale id-yesduklen lmezyen icennun akken ad lemden γef ufus n kra iɛeggalen yettfen ahric-a n can, cennun ama d axel neγ berra n temnadt n At Jannad, xeddmen leqdic d ameqran imi ula tuγac i d-ttawin d nutni itentyettarun, anect-a yessefk ad ssazlen izen wa d-ssiwden iswi-nsen γer tmezzuγin n yemdanen ladγa γer yimezdaγ n temnadt-a, taklut d aγen tesɛa amkan-is ger leqdicat n tidukla, d tagnit i yettunefken i yelmezyen d telmezyin i ihemmlen unuγen bγan ad lemden taklut. Γer tagara i nessawed akken ad d-nemmeslay γef tfaska n tmedyazt i d-ttheggi tidukla n Yusef Uqasi i yal seggas, tafaska-ya ur terzi ara kan tamnadt n At jennad maca tamurt n leqbayel merra, γas akken tewwi isem-a n tmedyazt maca maci anagar timzizelt n tmedyazt i d-yettilin deg-s, iwakken ad temmed tuddsa-ines, rnan-as kra n wahilen yemyekcamen, deg-s ad naf yak leqdicat iγef id-nemmeslay uqbel, γas akken maɛna azal ameqran yettuγal i temzizelt n temedyazt, tafaska i dummen i wazal n ɛecra n tedwilin tewwed atas n yiswiyen yerna d tin i d-yeglan s watas n tγawsiwin yelhan deg yihricen yemxalafen ma tamezwarut i tasekla imi tessawed tamedyazt n teqbaylit γer yiwen uswir tella ur tezmir ara ad tawed weqbel, tafaska-ya tella d allal akken tamedyazt ad tger aquddim meqqren, imedyazen wwind amaynut I wsefru ama di talγa ama deg yisental tuγal tmedyazt id-ttawin ur txulef ara tin n leǧnas nniḍen negh n imedyazen n tmura tibarraniyin, tafaska daγen tefka tagnit akken ad mlilen ama d imedyazen neγ d imdanen i wakken ad mbadalen tiktiwin, wa d snernin timusniwin-nsen, γef waya nezmer ad d-nini d akken tafaska tessawed γer lebγi n yiɛeggalenis imi yuγal wazal i yidles, yerna yewwed γer tmetti akken ad yedder wa ttidir s yis, akken qqaren wat zik agdud melba idles am umdan melba iles. | en |
| dc.identifier.citation | Anthropologie culturelle et du patrimoine amazigh | en |
| dc.identifier.uri | https://dspace.ummto.dz/handle/ummto/3204 | |
| dc.language.iso | fr | en |
| dc.publisher | UNIVERSITE MOULOUD MAMMERI DE TIZI-OUZOU | en |
| dc.title | Etude du festival de poésie de l’association culturelle Yusef Uqasi. Approche socio-anthropologique | en |
| dc.type | Thesis | en |