Analyse et étude à travers les expressions écrites chez les apprenants au cycle primaire
| dc.contributor.author | Boulahia, Yamina | |
| dc.contributor.author | Cherfioui, Cylia | |
| dc.date.accessioned | 2023-02-01T10:20:20Z | |
| dc.date.available | 2023-02-01T10:20:20Z | |
| dc.date.issued | 2022 | |
| dc.description | 92p.; table.; ill. en coul.; 30cm.(+cd) | en |
| dc.description.abstract | Tutlayt n tmaziɣt d tutlayt tayemmat n ugdud amaziɣ. Tekcem ɣer uɣerbaz tikelt tamezwarut deg useggas n 1995 tuɣal d taɣelnawt deg tmurt n Lezzayer deg useggas n 2003, d tunsibt seg 07 furar 2016 aya yeḍrad mbaɛd amennuɣ i d-yellan fell-as aṭas n yiseggasen-aya ; gar-asen tafsut n 1980. Tutlayt tamaziɣt am tutlayin akk niḍen n umaḍal tettmagar aṭas n iɛewiqqen deg uselmed-ines, daya i yaran lwelha nneɣ ɣer yiwen ger wuguren-agi d aselmed n tutlayt n tmazight deg uɣerbaz anda itt-lemden leqbayel ama di taddart ama di temdint. Xas akken ɛeddan ugar n 20 n yiseggasen ɣef unekcum n tmaziɣt ɣer uɣerbaz, maca inelmaden mazal-iten tafen-d uguren di tira. Deg unadi-agi nteɣ ad neɛreḍ ad nerr ɣef tmukrist-agi : -Anta tarayt isexdamen deg uselmed n tutlayt tamaziɣt ? -D acu-ten wuguren id ttmagaren yinelmaden ?d acu-ten wallalen iwatan i wakken ad nesmiret ? Uqbel ad nekcem deg umahil-nteɣ, nefka-d kra turdiwin : - Ad yilli lexṣas deg leqdicat n iluɣma neɣ deg usenfali s tira. - Tasegmisent n yisenfaren ara yawḍen ɣer usmutti deg uswir n ufara almud n tutlayin - Aflali n tuccḍiwin deg tirawalt n yinelmaden ad d- yesenɛet belli timsirin n tira ur sertint-ara - Ad naf belli inelmaden ur semgireden ara gar iswiren n tutlayt am tirawalt, taseftit, tajeṛṛumt,… Akken ad nerr ɣef tmukrist-nteɣ, nsaweḍ ad nexdem anadi-nteɣ deg wannar, nudef ɣer yiɣerbazen n temdint n Tizi-wezzu anda neḥder timsirin. Ayagi yeğğa-ɣ ad nili akked yinelmaden deg wennar-nsen daɣen nesexdem adiwenni, nesteqssa iselmaden n yiɣerbazen uɣur nerza. Arnu ɣef waya, numded kra n yisenfaliyen s tira. I wakken ad nezer d acu-ten wuguren, id ttemlilin inelmaden-agi ama di timawit ama di tira.Deg tezrwat- agi nteɣ yebḍan ɣef kraḍ n yeḥricen : Newwi-d awal deg uḥric amezwaru s tewzel ɣef tmuɣli tamazrayt ɣef uselmed n tutlayt tyemmat, syin akkin yewwi-d lḥal ad nsefhem kra n tbadutin yesɛan asaɣ akked usentel i wawalen igejdanen ; amedya : tasegmisent, uguren, almud, anelmad, tizemmar, d acu d tira, anekmar s tzemmar. Deg uḥric wis sin, nexdem ɣef tmuɣli tamazrayt n tnegmit tamagant n tutlayt n tmaziɣt seg tallit n tagrawla deg tmurt n lezzayer. Armi d asemi tuɣal d tutlayt taɣelnawt tunsibt. Syin akkin nmeslay-d ɣef kra tarrayin n uselmed i yettusmersen deg yiɣerbazen seg wasmi yebda uselmed n tutlayt n tmaziɣt almi d ass-agi, daɣen nefkad kra n tbadutin i tarrayin n tsegmisent. Гer taggara, nessaweḍ ad d-nebgen belli tuget n yiselmaden ttmagaren aṭas n wuguren deg uselmed n tmaziɣt, gar-asen : drus n wakud is yettwanefken i uselmed n tutlayt-agi, lexṣas n wallalen n uselmed iwatan, ilaq daɣen ad tselmaden deg useggas amenzu ma kecmen ɣer uɣerbaz. Ma deg uḥric aneggaru, nexdem tasleḍt i yisenfaliyen s tira n yinelmaden anda dnekkes igulen ama dayen yerzan talɣa, ama ayen yerzan agbur, nsegza-ten-id daɣen nebder-d kra n yimedyaten seg tenfaliyin id-nejmaɛ seg yiɣerbazen . Deg teggrayt nneɣ, i nexdem ɣef usentel : aswir n uslmed i yisenfaliyen ɣer inelmaden deg wallus amenzu. nesaweḍ ad nekkes kra turdiwin : Turda tamezwarut, inelmaden taffen-d aṭas n yiluɣma ɣef uzemal d tenfaliyin s tira. Turda tis snat, tasegmisent n usenfar d tarrayt iwulmen i uselmed deg iɣerbazen yemgaraden tuget n yiselmaden d yinelmaden nnan-d belli d tagi i d tarrayt yewulmen. Turda tis kraḍ, aflali n tucḍiwin deg tirawalt n yenelmaden yessenɛated d akken inelmaden ur as-fkin ara azal i temsirin n tira, aya nwalat deg tfarkiwin nsen, arnu ɣef waya ur taɛraḍen ara ad arun akken iwata. Turda taneggarut, inelmaden ur semxalafen ara gar yeswiren n tutlayt, ɣer leḥsab n usenked i nexdem i yiseklas akked yisenfaliyen s tira nufa-d belli tuget n yinelmaden ur semgaraden ara gar yeswiren-agi am : tirawalt, taseftit, tajeṛṛumt.Acu kan, deg wannar tarrayin-agi ur twaseqdecent ara akken iwata, acku llan aṭas iɣulifen ama d ayen yeɛnan tasileɣt n yiselmaden, arnu ɣers tismilin sɛant aṭas n yenelmaden ugar n 40. Yerna ur as yettwanefk ara aṭas n wakud i uselmed n tutlaytagi daɣen drus n tawilat i yellan. Гer taggara, nezmer ad nini tira n tmaziɣt tɛedda-d seg timawit ɣer tira. Aya yegla-d s waṭas n wuguren di tira n tutlayt-agi. Deg leqdic-agi nneɣ nwala-d akken aṭas n yinelmaden ur ssinen ilugan n tira aya-agi dayen i ten-yeğğan ad xedmen aṭas n tuccḍiwin deg yeḍrisen-nsen. Syin akkin, nufa-d di tesleḍt-agi belli turdiwin-agi seḥant, imi inelmaden ur semgiriden ara gar iswiren n tutlayt. Nessaram akatay-agi nneɣ ad yili d amedya akken inelmaden ad awin almad n tira, imi aṭas n temsal ur asen tufin ara tifrat yetunefk lḥal ɣef wid taɛna temsalt ad snarnin tutlayt akken ad neqsen wuguren-agi, nessaram d akken aselmed n tutlayt-agi ad igerrez aya ilaq-as aṭas n leqdic ama d ayen yeɛnan asenqes n wumḍan n yinelmaden deg tesmilt, asnerni n wakkud i tutlayt n tmaziɣt, syin ɣers ilaq tutlayt-agi ad ttlemden seg useggas amenzu n uɣerbaz amenzu, daɣen ilaq ad as-fken akk allalen iwulmen iwakken ad tawi igemmaḍ ifazen. | en |
| dc.identifier.citation | Linguistique appliquée, enseignement et communication | en |
| dc.identifier.uri | https://dspace.ummto.dz/handle/ummto/19495 | |
| dc.language.iso | fr | en |
| dc.publisher | Université Mouloud Mammeri Tizi-Ouzou | en |
| dc.title | Analyse et étude à travers les expressions écrites chez les apprenants au cycle primaire | en |
| dc.type | Thesis | en |