Tasleḍt tasensiwelt n wungal «Tibratin, Anyaten-nni n tsusmi… d tudert… » n SALḤI Muḥend Akli

Simple item page
dc.contributor.authorBABARI Tassadit
dc.contributor.authorAMRIOUI Aldjia
dc.date.accessioned2026-07-06T13:02:03Z
dc.date.available2026-07-06T13:02:03Z
dc.date.issued2024
dc.description68 p. ; (+CD-ROM)
dc.description.abstractTazrawt-iw tewweḍ ɣer taggara-s, tazrawt-a d tin i d-yewwin ɣef tesleḍt n tsiwelt deg wungal “ Tibratin, Anyaten-nni n tsusmi… d tudert“ i yura SALḤI Muḥend Akli, ungal-a, d amaynut yeffeɣ-d ɣer wannar deg useggas-agi n 2024. Yesɛa 153 n yisebtaren i yebḍan d tibratin, deg-s 15 n tebratin i d-yewwin taḥkayt n yal awadem , d wamek i d-tella tsiwelt di yal taḥkayt. Ilmend n tesleḍt n tsiwelt i nexdem i wungal-a, nessaweḍ nebḍa axeddim-nteɣ ɣef kraḍ n yixfawen igejdanen, yal ixef newwi-d fell-as awal, deg yixef amenzu newwi-d awal ɣef tlalit n wungal aqbayli di tsekla tatrart, ma deg yixef wis sin d aḥric n teẓri, deg-s nefka-d akk tibadutin yerzan tasiwelt d yiferdisen-is, deg yixef wis kraḍ, yerza tsiwelt deg wungal “ Tibratin, Anyaten-nni n tsusmi… d tudert“ n SALḤI. Deg wayen yerzan tasiwelt, nufa-d d akken amsawal yettuqten s waṭas d agensay, imi ula d netta d awadem s daxel n teḥkayt-a, ayen yeẓra netta yeɛdel d wayen ẓran yiwudam niḍen, acku amsawal yeḥka-d taḥkayt n tudert-is d tin yiwudam niḍen maca am akken is-t-id-ḥkan nutni ur izegged ur issenqes, am akken i d-yettban ssenf-agi n umsawal s udiwenni i d-yellan gar yiwudam. Imsawalen deg wungal-a usan-d s sin udmawen, ad naf amsawal awadem, akked umsawal agensay ; nezmar ad d-nini tasiwelt deg unagl-a“ Tibratin, Anyaten-nni n tsusmi… d tudert“ d tin yemcebaken, imi imsawalen ttembadelen seg ssenf ar wayeḍ. Seg tama n tesleḍt n wakud, nessaweḍ ad d-nessuffeɣ tiram n tsiwelt, nufa-d kan kraḍ seg-sent, tamenzut d tin yeggran ɣef taḥkayt, anida amsawal yettales-d ineḍruyen yeḍran deg yizri, tis snat tasiwelt yeddan d teḥkayt, amsawal yettales-d ineḍruyen n teḥkayt di tiremt i deg ḍerrun, wis kraḍ tasiwelt deg tiremt n tigawt ṣṣenf-agi ur t-nufi ara s waṭas, deg-s amsawal yessexleḍ gar snat n tiram n tsiwelt gar yizri d yimir, ma yella d ṣṣenf aneggaru tasiwelt yezwaren taḥkayt ur telli s daxel n uḍris, acku amsawal ur d-yessugen ara ayen ara yeḍrun ɣer sdat. Ma yella nuɣal-d ɣer tirurda n tsiwelt, nufa-d d akken amsawal yurar s wakud n tsiwel, imi yella anida yesɛedday ineḍruyen s temɣawla ur ten-id-yules ara s telqay, am akken yella wanda yesseɣzef deg-sen ay-agi iban-s s ustuqqet n wuglam d udiwenni, ma yella deg wayen yerzan iwudam, nufa-d iwudam i gejdanen d inaddayen fell-asen i tebna teḥkayt. Yezmer deg unadi-neɣ ad yili deg-s lexsas, maca ssarameɣ ad yili d abrid n ukemmel n tezrawin ara d-yilin ar sdat
dc.identifier.citationTasekla d usugen
dc.identifier.urihttps://dspace.ummto.dz/handle/ummto/30388
dc.language.isoother
dc.publisherUniversité Mouloud Mammeri Tizi-Ouzou
dc.subjectTasekla
dc.subjectUngal aqbayli
dc.titleTasleḍt tasensiwelt n wungal «Tibratin, Anyaten-nni n tsusmi… d tudert… » n SALḤI Muḥend Akli
dc.typeThesis

Files

Original bundle
Now showing 1 - 1 of 1
No Thumbnail Available
Name:
BABARI Tassadit et AMRIOUI Aldjia.pdf
Size:
1.38 MB
Format:
Adobe Portable Document Format
Download
License bundle
Now showing 1 - 1 of 1
No Thumbnail Available
Name:
license.txt
Size:
1.71 KB
Format:
Item-specific license agreed upon to submission
Description:
Download

Collections

Département de langue et Culture Amazighes