Tasleḍt n yiferdisen n tmellaɣt deg yiḍrisen n Slimane Chabi
| dc.contributor.author | MOUSSOUNI Rania | |
| dc.contributor.author | TALBI Cylia | |
| dc.date.accessioned | 2024-02-22T12:21:30Z | |
| dc.date.available | 2024-02-22T12:21:30Z | |
| dc.date.issued | 2023 | |
| dc.description | 139 p. ; 30 cm. (+CD-Rom) | |
| dc.description.abstract | Deg yixef amenzu, nemmeslay-d ɣef yiferdisen-nni yeqqnen ɣer tmellaɣt,nefka-d awal s tewzel ɣef wayen yerzan iferdisen-agi(tabadut d talɣiwin).Syin ɣer-s, nemmeslay-d ɣef yiferdisen n tmellaɣt deg tsekla timawit, anda nessaweḍ ad d-nini belli iferdisen-agi (wid yeqqnen γer tutlayt, yeqqnen γer tegnatin n teḥkayin, γer tigawin, γer ṭbiεa n uwadem akked γer wazalen d wansayen n tmetti) llan yakan di timawit. Iferdisen-agi,ttbanen-d s waṭas deg kra n tewsatin am teḥkayin n teḍsa, tiḥkayin n lekdeb akked tid n yiɣersiwen, tiḥerciwin n Ğeḥḥa d temseɛraq.Am akken daɣen nufa-ten ṭṭuqten deg tesrit. Ma deg tmedyazt, drus maḍi i yellan. Mi ara nuɣal ɣer yiferdisen n tmellaɣt deg tsekla yuran neɣ iwumi qqaren tasekla tatrart, nufa belli tella deg kraḍ n tewsatin ( amezgun, ungal, tamedyazt). Deg tewsit tamezwarut d tis kraḍ-t, i yellan d amezgun d tmedyazt, ad naf, ṭṭuqten deg-sen yiferdisen-agi ladɣa deg tmezgunin n Muḥya i d-nefren d amedya. Deg-s i nufa ttuɣalen-d s waṭas yiferdisen-agi si tama n tutlayt. Mi ara nuɣal ɣer yimedyaten id-nebder di tamedyazt, d wid yettuɣalen ɣer kra n yiḍrisen yexdem S.AZEM d N.MEZYAN (ccix Nureddin) i d-yusan s lqaleb n uɛekki ladɣa ɣef tmetti. D acu kan, deg tewsit n wungal, iferdisen icudden ɣer tmellaɣt drus maḍi i yellan. Nufa-ten kan di lebni n kra n yiwudam deg tewsit-agi, anda idnefka amedya ɣef wungal n B. AT ALI iwumi yefka azwel Lwali n udrar. Deg yixef wis sin, newwi-d awal γef yiferdisen n tmellaɣt seg tama n tutlayt deg yiḍrisen n S. CHABI. Nessaweḍ ɣer waṭas n yigemmaḍ i aɣ-d-yesbegnen amek tebna tutlayt n yiḍrisen-agi. Nufa-d, ameskar issemres awalen imerḍilen ladɣa si tutlayt tafrensist maca yesseɛwej-iten, imi ur ten-id-yessenṭaq ara s talɣa nsen taḥeqqanit. Ayagi iwakken ad d-yeslal aferdis-nni n tmellaɣt deg yiḍrisen-is. Syin akkin, yessemres allus n wawalen anda nufa yessṭṭuqet anaw-agi deg tesrit.Ma d urar s wawalen, nufa belli ur yeṭṭuqet ara deg yiḍrisen-is ama di tmedyazt, ama di tesrit. Tasleḍt n yiwudam deg yiḍrisen n S. CHABI, tella deg yixef wis kraḍ. Nufa belli iwudam d wid id-yettuɣalen s waṭas deg yiwen n uḍris iwumi yefka umeskar isem n lbak. Meḥsub, tasleḍt n yixef-agi, tettban-d s ṭṭaqa deg uḍris-agi, imi iruḥ akk d ismawen n yiwudam yebnan ɣef lqaleb n teḍsa. Mi ara nuɣal ɣer tama n uglam (ṭṭbiɛa, tafekka) d yinaw usrid,ad naf ameskar isemres-iten s tuget deg yiḍrisen-is. Ttbinin-d yiferdisen-agi n tmellaɣt deg tuddsa n kra yiwudam: tamγart yebγan ad tεiwed zzwağ, ilemẓi afenyan yugin ad yebru i yemma-s, atg. | |
| dc.identifier.citation | TASEKLA TAMAZIΓT D USUGEN | |
| dc.identifier.uri | https://dspace.ummto.dz/handle/ummto/23098 | |
| dc.language.iso | other | |
| dc.publisher | Université Mouloud Mammeri | |
| dc.subject | Iferdisen n tmellaɣt | |
| dc.subject | Timucuha | |
| dc.subject | Timseɛraq | |
| dc.subject | Ungal | |
| dc.subject | Tutlayt | |
| dc.subject | Tasekla taqbaylit | |
| dc.title | Tasleḍt n yiferdisen n tmellaɣt deg yiḍrisen n Slimane Chabi | |
| dc.type | Thesis |