Analyse thématique et stylistique d’un corpus de la poésie chanté par Slimane AZEM
| dc.contributor.author | HAMIDI Souhila | |
| dc.date.accessioned | 2024-02-14T08:28:15Z | |
| dc.date.available | 2024-02-14T08:28:15Z | |
| dc.date.issued | 2021 | |
| dc.description | 94 p. : ill. ; 30 cm. (+ CD-Rom) | |
| dc.description.abstract | Tasekla taqbaylit (tamaziɣt) ; d tasekla yebḍan ɣef sin n leṣnaf ; ṣṣenf amenzu d tasekla timawit i yettilin seg yimi ɣer umeẓẓuɣ, wa ittajja-tt-id i wayeḍ , azayes (public) yettili sdat n win i d-yettalsen tamacahut-nni neɣ timɛayin d yinzan. Ṣṣenf wis sin d tasekla yuran i d-suffuɣen deg wungalen ; anda imeɣriyen ur ttwalin ara amyaru i yuran taḥkayt-nni… imi ad yili kan udlis ger ifassen nsen. Tasekla teɛna s kra yellan ; d tamedyazt, tullist d tmedyazt yettwacnan… Deg unadi-nneɣ, nexdem ɣef tmedyazt yettwacnan sɣur ucennay Slimane AZEM ; newwi-d awal deg-s ɣef yisental d tiɣunba (stylistique) i yellan deg 24 n tezlatin i d-nefren deg unadi-nneɣ ;acku ulac aṭas n yinadiyen ɣef usentel-agi deg ugezdu nneɣ (Agezdu n tutlayt d yidles n tmaziɣt, taseddawit n lmulud at mɛemmer). Slimane AZEM d yiwen n unaẓur, i d-yufraren s ṣṣut-is d yisental yemxallafen i d-yewwi ladɣa ɣef tmurt d lɣerba, imi yettwanfa seg tmurt-is. Membeɛd mi nexter asentel, nexdem-d aɣawas ara netbeɛ, sakin nura-d tizlatin i ɣef ad nexdem i nufa deg udlis n Yusef Nasib i yexdem ɣef Slimane AZEM iwumi isemma : « Slimane AZEM, le poète ». Anadi nneɣ nebḍa-t ɣef sin n yeḥricen yemxallafen i deg neɛreḍ ad d-nehder s telqay ɣef wayen yerzan asentel nneɣ : Deg uḥric amenzu, nehder-d ɣef tudert n unaẓur ‘’Slimane AZEM’’ d wayen akk yexdem deg umecwar-ines n ccna. Daɣen newwi-d awal ɣef umezruy n tezlit taqbaylit, d umekkan n tezlit n Slimane AZEM deg tizlatin tiqbayliyin. Deg uḥric wis sin i nebḍa ɣef sin n yixfawen, newwi-d awal ɣef : -Ixef amenzu: nexdem tasleḍt tasentalant i yisental yecna deg tezlatin-is. -Ixef wis sin: nexdem tasleḍt n tiɣunba (stylistique), anda i d-nekkes ayen yessexdem i ucebbaḥ n tezlatin-is ama d aserwes ama d tumnayin acku d tigi i d-yufraren s waṭas. Di tagara n unadi-agi, d asegzel ɣef wayen i d-nenna d wayen iɣer nessaweḍ; nufa-d akken Slimane AZEM yecna ɣef yisental yemxallafen am lɣerba, tayri, lexdeɛ, … Maca isental i d-yettɛawaden s waṭas deg tezlatin-is d lɣerba d tmurt maɛna aya-agi ur t-yeṭṭif ara akken ad yecnu ɣef wayen nniḍen. Daɣen nufa-d yessemres aṭas n tumnayin d userwes; akken ad yefk cbaḥa i tezlatin-is daɣen akken ad yejbed lwelha n wid ara sent-yeslen; yessemres daɣen ayen iwumi neqqar s tefransist ‘’personification’’ anda i d-yessenṭaq iɣerṣiwen am tizlit-nni ‘’taqsiḍt n yemqerqer’’. Γer tagara, nessaram akken nessaweḍ ad nexdem anadi igerrzen ara yilin di lmendad i yinadiyen ara d-iteddun. | |
| dc.identifier.citation | Littérature et imaginaire | |
| dc.identifier.uri | https://dspace.ummto.dz/handle/ummto/22945 | |
| dc.language.iso | other | |
| dc.publisher | Université Mouloud Mammeri | |
| dc.subject | Analyse thématique | |
| dc.subject | Analyse stylistique | |
| dc.subject | Poésie chanté | |
| dc.subject | Slimane Azem | |
| dc.subject | Corpus | |
| dc.title | Analyse thématique et stylistique d’un corpus de la poésie chanté par Slimane AZEM | |
| dc.type | Thesis |