Tazrawt n yiwudam deg wungal “Anza”
| dc.contributor.author | SADOUN Kamélia | |
| dc.date.accessioned | 2026-06-11T07:49:45Z | |
| dc.date.available | 2026-06-11T07:49:45Z | |
| dc.date.issued | 2024 | |
| dc.description | 48 p. ; (+CD-Rom) | |
| dc.description.abstract | Axeddim-a d win i d-yuwin awal ɣef yiwudam deg wungal «Anza» n Fahim Mesɛuden, xedmeɣ ɣef yiwudam i d-yexlaq umeskar d tulmisin d temliliyin i yettak i yal yiwen deg-sen. Ɛerḍeɣ ad geɣ tasleḍt n tiẓri n «Philippe Hamon» iwakken ad d-sbeggneɣ d akken d tasleḍt mačči kan d aglam n yiwudam. Leqdic-agi-inu, yebḍa ɣef sin n yixfawen. Deg yixef amezwaru, wiɣ-d awal ɣef tsekla sumata, mmeslayeɣ-d ɣef umezruy n tsekla taqbaylit, syin akkin wiɣ-d awal ɣef umaru n wungal d wayen i yura. Ɣer taggara, xedmeɣ-d agzul I wungal-is d wayen i ɣef i d-yettmeslay. Deg yixef wis sin, giɣ-d tazrawt i yiwudam i yessexdem umaru deg wungal-is, deg-s ferqeɣ wid i yellan d igejdanen d wid yellan d inaddayen. Ufiɣ llan yiwudam iwumi yefka isem, llan wid i d-yebder kan d abdar mebla isem. Dɣa imi i d-bedreɣ isem, rriɣ-d lwelha dakken llan aṭas n leṣnaf n yismawen i yettilin neɣ i yessemras umaru daxel n wungal-is, yal isem s unamek-ines. I wakken ad rreɣ tiririt ɣef tmukrist i iɛeddan i d-yennan: D acu i d azal n yiwudam daxel n teḥkayt? Iban-d d akken iwudam ɣur-sen azal d ameqqran imi d nuni i yesselḥuyen taqsiḍt si tazwara alama d taggara, mebla yis-sen taḥkayt ur tbeddu ur tkeffu, ineḍruyen-is fell-asen ibedden, yis-sen i d-ttilin. Ɣef waya, amaru deg uḍris-is ur yezmir ara ad ten yekkes, d agejdan i yella neɣ d anadday. Ma yella d asteqsi: Amek i d-ttwassnekden yiwudam deg ungal? Walaɣ d akken amaru yessen amek ara iseggem timliliyin d twuriwin n yal awadem. Dɣa taḥkayt tetteddu, s wallen n win i d-yettalsen i yettnerni wullis: d netta i d awadem agejdan, d netta i d asaḍ. Iwudam nniḍen i d-yeqqimen daxel ayen i xedmeɣ fell-asen d ayen i aɣ-d-yeḥka umsawal-agi, yettader-iten-id kan mi ara ten-yeḥwiǧ deg yineḍruyen-is, ur sɛin ara azal meqqren deg wullis am uwadem agejdan:d nutni i d iwudam inaddayen. D ayen iyi-ǧǧan ad d-iniɣ d akken ameskar ur yessexdem ara iwudam-is deg ungal akken kan ad yaru aḍris, maca yextar-iten daɣen ilmend n txutar-nsen n umyellel di teḥkayt, dɣa awadem agejdan yuwi amur d ameqqran ɣef yiwudam inaddayen. Taḥkayt tettwaru di ṣa (7) n yixfawen, taqsiḍt n wungal teɛreḍ-d ameɣri ad yettruḥu ad yettuɣal gar tudert d lmut. Daɣen tezmer ad tettwafham d amciwar gar yir tudert d usirem. Di tazwara, asdawan yettwaṭṭef s layas ɣef wassaɣ yettwarwin gar-as d baba-s d yiɣeblan swayes yettceɣɣib yemma-s. Awadem agejdan yettemḍerkal gar lebɣi-s d tlelli n liḥala-ines n win ur nxeddem d ambur d win i iqeḍɛen layas, d temliliyin-ines n yal ass i yessewhamen yecban tiselbi. Aḍris-agi yuwi-d yiwen n usexleḍ yelhan ama d tasugna ama d ayen yessewhamen. Ayagi d ayen yesɛan azal n tidet deg unerni n tira taneglant s teqbaylit. Imi d tin nuɣ tanumi nettaf-itt tetteddu d tilawt. Zemreɣ ad d-iniɣ belli amaru Fahim Mesɛuden, yessaweḍ yefka-d tugna n tilawt i yettidiren aṭas n yilmeẓyen i yeddren di tallit ideg i nettidir. Ayagi seg ufran iwulmen n yiwudam ladɣa awadem agejdan d wayen i t-yerzan, seg wakken ur yezmir ara ad yefraq ɣef tmetti ideg i yettidir: yal yiwen d lemri n wayeḍ. Ɣer taggara,sarameɣ axeddim-agi-inu d win ara yeldin kra tezrawin timaynutin ara itekkin di tneflit n unadi usnan n tmaziɣt | |
| dc.identifier.citation | TASEKLA D USUGNEN | |
| dc.identifier.uri | https://dspace.ummto.dz/handle/ummto/30262 | |
| dc.language.iso | other | |
| dc.publisher | Université Mouloud Mammeri Tizi-Ouzou | |
| dc.subject | Asenked n umeskard tṣekka-s | |
| dc.subject | Tazrawt n yiwudam | |
| dc.subject | Tasekla | |
| dc.title | Tazrawt n yiwudam deg wungal “Anza” | |
| dc.type | Other |