Browsing by Author "CHATBI, Lamia"

Now showing 1 - 1 of 1
  • Thumbnail Image
    Item
    Les valeurs socioculturelles dans les textes des manuels Scolaires de tamazight cas du primaire et du moyen
    (Université Mouloud Mammeri Tizi-Ouzou, 2021) DAHLIZ, Thanina; CHATBI, Lamia
    Yiwen gar yiswan n uselmed n tutlayt tamaziɣt, yiwet gar tutlayin n tyemmat di tmurt n Lezzayer, d asileɣ n uɣerman n uzekka. Ɣef way-a, ihallen n tsuta tis snat fkan azal meqqren I taɣult n wazalen deg uselmed/almad n tutlayt-a. Di leqdic-agi nneɣ, nexdem tazrawt i yiḍrisen yellan deg yidlisen iɣurbizen n uswir amenzu d uswir alemmas iwakken ad nẓer ma yella yettunefk wazal i taɣult-agi n wazalen icudden ɣer tmetti d yidles aqbayli d umaziɣ s umata. Leqdic-agi yebḍa ɣef sin n yiḥricen, aḥric amezwaru (aḥric aẓrayen), deg-s kraḍet (3) n yixfawen : Deg yixef amezwaru, nsegza-d kran n wawalen icudden ɣer usentel n tezrawt-nneɣ : tutlayt n tyemat , aselmed d unelmed , ahil n uselmed , adlis , azalen s umata d wid icudden γer tmetti d yidles , γer tumanit , γer twacult …ect , idles d yiḥricen-is . Deg yixef wis sin, nehḍer-d γef tutlayin yellan di tmurt n Lezzayer, syin nuwi-d awal ɣef umezruy n uselmed n tutlayt tamaziγt d yiswan-is. Deg yixef wis kraḍ , nefka amur i wawal γef yihallen n uselmed, nehḍer-d γef yiḍrisen d temlil i sɛan deg usiweḍ wazalen icudden ɣer yidles d tmetti. Ma d aḥric wis sin (aḥric n tesleḍt), yebḍa ɣef sin n yixfawen : Ixef amezwaru, deg-s nsenked-d iḍrisen i nsemres deg tezrawt-nneɣ. Ixef wis sin, d tasleḍt n yiḍrisen. 1. Azalen icudden ɣer yidles d tmetti I yellan deg yiḍrisen n tɣuri: Di tuget-nsen d azal yeεnan :  Tigemmi tanegawit : leεwayed n lejdud am tameγra n yennayer, Timecret , Tiwizi , Anzar  Tigemmi war tanegawit : taddart n leqbayel , iẓekwan iqburen , ixxamen iqburen , učči n zik am ubazin - Tigemmi yeccuden γer umezruy : llan yiḍrisen I d-yettmeslyen ɣef umezruy iswi-nsen ad yissin unelmad amezruy n tmurt-is d tmetti-ines, ad yissin imdanen ixataren yettwassnen. - 2. Tiddin n wazalen i d-yettunefken deg yiḍrisen d tmetti ideg yettidir unelmad - Nufa-d d akken llant kra n leεwayed d wansayen yewḍen γer yixef n tatut ladγa di temdinin n tmurt n leqbayel amedya n iselsa : taqendurt n leqbayel d ubenus , kra n lḥirfat d wansayen am umaggar n tefsut , tameγra n unẓar , taleγt d uẓetta … , d ayen yejjan n yihillen-agi uselmed ad Ԑarḍen ad tent- id seḥyun wa ad useḥbiberen fell-asent , s unekcum –nsent γer uγerbaz , imi din I d-ttenkarent tsutiwin uzekka. - Di tagrayt nessaweḍ ad d-nwekked iswi n yimeskaren deg wahillen n tusuta tis snat deg wayen yeεnan azalen n tmetti d useḥbiber γef tgemmi d yidles amaziγ