Browsing by Author "ZEMMOUCHE Amina"

Now showing 1 - 1 of 1
  • Thumbnail Image
    Item
    Taṣleḍt n tsiwelt deg wungal « Tiṭ d yilleḍ, ayen i d-qqarent tewriqin» n Salhi Mohend Akli
    (Université Mouloud Mammeri, 2023) YOUS Silia; ZEMMOUCHE Amina
    Deg yixef-nteɣ amezwaru nessaweḍ nefka-d tabadut n snat n tmiḍranin yesɛan azal deg tsekla, tamezwarut d tasensiwelt i d-nesbadu ɛlaḥsab n yimnadiyen d yinagmayen aya yessaweḍ-aɣ ɣer wayen iɣef tebna tmiḍrant-agi, amezwaru d ullis i yellan d aferdis agejdan, akken i d-nefk ula dayen iɣef yeddes wullis-agi, nesbadu-d tagzemt, tigawt, takerrist…nuɣal nesbadu-d tamiḍrant tis snat i yellan d tasiwelt, akken i d-nefka ula d leṣnaf-is amsawal d umsiwel, akken i d-nefka leṣnaf n umsawal ama d amsawal aniri, amsawal agensay, amsawal awadem, aya i aɣ-yeǧǧan ad d-nesbadu amek i d-tettas twuri n umsawal, nuɣal nefka-d tawuri n wakud d leṣnaf-is ama d akud agensay neɣ akud aniri, akken i d-nefka tabadut n wadeg d uglam aya yessaweḍ-aɣ nefka-d leṣnaf n uglam aglam n ṭṭbiɛa, aglam n tfekka, aglam n yiselsa d uglam n wadeg, akken i d-nesbadu awadem d leṣnaf-is; awadem agejdan d ismawanen, akken i d-nesbadu azenziɣ amesgan, akken i d-nesbadu tarrayt n Gerard Genette. Deg yixef wis sin n tezrawt-nteɣ i yellan ɣef teṣleḍt n tsiwetl deg wungal “Tiṭ d yilleḍ, ayen i d-qqarent tewriqin, nexdem taṣleḍt n umsawal deg wungal-agi aya yessaweḍ-aɣ nufa-d belli amyaru yessemres akk leṣnaf n umsawal deg wungal-is ama d amsawal aniri neɣ awadem neɣ amsawal agensay, ladɣa amsawal awadem ad t-naf yeṭṭuqet deg aṭas deg wungal-agi, amyaru ikeččem iteffeɣ gar yimsawalen-agi yal tikkelt anwa ara d-yebder, akken nexdem taṣleḍt n uḥeṣṣen deg wungal-agi aya yessaweḍ-aɣ nufa-d belli yella-d usemres akk leṣnaf n uḥeṣṣen akken ma llan acu kan yeṭṭuqet uḥeṣṣen ilem acku ṭṭuqten yiḥulfan, akken id-tettili tuɣalin ɣer deffir seg umyaru, akken i nexdem taṣleḍt i tmuɣli n umsawal deg teḥkayt anda i d-nufa belli amsawal yettak-d aṭas array-is akken ixeddem ula d azɣan tikwal, akken i nexdem taṣleḍt i yiswiren n umsawal aya yeǧǧa-aɣ nufa-d sin yiswiren deg wungal-agi Extradiégétique-hétérodiégétique d umsawal Inradiégétique-homodiégétique