Browsing by Author "Yedou, Azouaou"

Now showing 1 - 1 of 1
  • Thumbnail Image
    Item
    L’imaginaire dans la chanson engagée de Ferhat Mehenni
    (Université Mouloud Mammeri de Tizi-Ouzou, 2016-11) Mahroug, Djamal Eddine; Yedou, Azouaou
    Nefren ad nexdem tazrawt ɣef usugen di ccna amḥaddi n Ferḥat Mhenni, acku mači aṭas n tezrawin d leqdic s umata, i yettwexdmen deg taɣult-agi. Isefra n Ferḥat Mhenni cudden s waṭas ɣer tsertit, d yiwen ger inaẓuren n teqbaylit yettnaɣen ɣef tmagit, tugdut d izerfan n umdan, ɣef aya akatay-agi ad t-nebnu ɣef usugen asertan n ccna n unaẓur-agi, acku deffir ccna-ines, ad d-naf aṭas n tugniwin n usugen. Anadi-agi yebḍa ɣef tlata (krad) n waxfiwen : Uqbel ad nekcem deg yixef amenzu, nemmeslay-d ɣef tesnarayt, ɣef terrayin, ɣef wayen icudden akk ɣer tezarwt-nneɣ, am temdirant, ttawilat i nessexdem d wamek i nextar asentel-agi, am akken i d-nebder iɛekkiren i d-nemmuger deg leqdic-agi-nneɣ. Ixef amezwaru, d tameddurt d usmekti ɣef tudert n unaẓur d wargaz n tserti Ferḥat Mhenni, anda i d-nemmeslay ɣef temẓi-ines, anda yeɣra d tigawin yexdem di tsertit. Ixef wis sin, deg-s nesken-d abrid i d-yuɣ ccna amḥaddi n teqbaylit d wamek yennerna, ladɣa seg wasmi i yella yidles n teqbaylit di timawit, abeɛda deg usefru, d wamek ass-a i d yennulfa ccna amḥadi atrar. Aḥric wis tlata (krad), d aneggaru di tezrawt-nneɣ, d tasleḍt n yiḍrisen yecna Feḥrat Mhenni. Nemmeslay-d ɣef isental di ccna n unaẓur-agi, amedya : tamagit, tasertit, timetti, tijmilin, am akken i d nesken asugen d tugniwin yellan di tezlit n Ferḥat Mhenni. S yin akkin, newwi-d awal ɣef amek yezmer usugen ad yesɛu assaɣ d tsertit, idles akked d tmagit. Tagrayt n unadi-agi-nneɣ, d asegzal ɣef wayen akk i d-nenna d wayen i ɣer nessaweḍ. Nenna-d d akken isefra n Ferḥat Mhenni d imesbaɣuren deg tgensas tizumal d usugen, i icudden ɣer tmetti, idles d tmagit. Ihi, axeddim-agi yebna ɣef usegzi n usugen deg yiwen n uḥric n tsekla, abeɛda di ccna, d wazal yeṣɛa, d anecta ara aɣ-iɛewnen i wakken ad negzu ayen akken yefren d wayen ur d yenni ufennan s wudem usrid deg isefra-yines.