Browsing by Author "TERMOUL Nawel"

Now showing 1 - 1 of 1
  • Thumbnail Image
    Item
    Tasleḍt takanit i uḍebsi n ccna n Yidir « Ici et ailleurs », 2017
    (Université Mouloud Mammeri Tizi-Ouzou, 2023) SMAILI Cylia; TERMOUL Nawel
    Asentel n ukatay-agi yewwi-d ɣef yisefra i d-yugem Yidir seg tutlayt n tafransist, yecnadtizlatin i d-yufraren nyinaẓuren yettwasnen, deg uḍebṣi-is n ccna aneggaru « Ici et ailleurs» 2017, d tasuqilt i iga d Kezzar Ameziane, iswi nneɣ d tasleḍt i wayen i d-suɣlen, d tarrayin i sseqdecn di tigawt-agi nsen, akken ad tent-id sawḍen ass-a s wudem atrar, ɣef waya i d-nefka tamukrist i tezrawt-a: D anti tarrayin i ɣef sebedden tasuqilt-nsen? Neɣ acḥal n tarrayin i semarsen di tsuqiltagi?. Deg yixef amezwaru, neɛreḍ ad d-nexdem tabadut n tsuqilt, amezruy-is, ayen i dyettwasuqlen ɣer teqbaylit (iḍrisen n tsekla, n ddin, n tsertit, d wayen nniḍen...), syen nefka-d isekkiren n tsuqilt; aṛeṭṭal, ankaz, agedazal, taserwest... Deg yixef wis sin, nemmeslay-d ɣef tmeddurt n umedyaz anaẓur Yidir, syin nebder-d tisfifin d tezlatin i yecna seg mi d-yebda amecwar-is n ccna. Ma deg yixef aneggaru, naɛreḍ ad nexdem tasleḍt takanit gar tezlatin yettwacnan s tafransist d tezlatin i d-yerra Yidir ɣer teqbaylit, ma nerra lwelha nneɣad d-naf; Mi nga tasleḍt-agi nwala belli ur yesbed ara tasuqilt-is ɣef yiwet kan n tarrayt, nezmer ad tnaf yesmres di tezlit ugar n snat n tarrayin, acku yal afir neɣ taseddart acu n usekkir is-iwulmen, daɣen yal tarrayt tettak-as azal yemgared ɣef wayeḍ i tsuqilt, d acu kan amsuɣel imal ɣer tarrayt n tsarwest ugar n tiyaḍ, imi deg-s ara yaf tilelli-is akken ad ibeddel, ad yeǧǧ neɣ ad yernu ayen i d-asyehwan, wa ad yeḍfer ayen ara yeddun d yidles-is, d tmetti-is. Deg uferdis n tutlayt nsaweḍ-d belli Yidir d anaẓur, yesufɣen tazlit taqbaylit ɣer beṛṛa, yerna-as-id amaynut ama deg wayen yerzan talɣa, neɣ asentel ( lɣerba, tamagit, tayri, tameṭṭut...). Ma nedem-d kan aḍebṣi-is n ccna aneggaru « Ici et ailleurs » ad d-naf yewwi-d deg-s aṭas n umaynut, anda yesaweḍ yecna-d s teqbaylit d tferansist tizlatin yettwasnen nezzah di tefransist, d yicnayen-nsent imezwura am Cabrel Francis, Aznavour Charles,...yerna yesnṭeq-iten-id s teqbaylit di tezlatin-is imi yessaweḍ-iten ad d-ccnun yid-s s teqbaylit s lferḥ di tezlatin-nni nsen i d-yesuqel netta d Kezzar. Am akken i d- yenna Mounin: «Tasuqilt n tmedyazt , d ahil n umedyaz: akken ad dtsuqleḍ isefra, yewwid ad tisineḍ ad beyyneḍ d amedyaz » Ɣer taggara ahat llan kra n yiferdisen uɣur ur nsaweḍ ara ad asen-nexdem tasleḍt telqayt, acku yekkes-aɣ-tt wakud d wallalen n tesleḍt akka am yidlisen d yindiyen isdawanen ad d-naf ɣef waggag-agi ameqqran maca ad yili waya d afud d ubrid i win yebɣan ad ikemmel deg nadi–agi, ad as-yexdem ula d netta tasleḍt tamesɣanibt d tislaḍ tiyaḍ i wayen i d-yesuqel Yidir ɣer teqbaylit deg uḍebṣi-is n ccna aneggaru « Ici et ailleurs ». Nesaram ula d nekni ukatay-agi ad yili d aferdis i yinadiyen i d-teddun imi newwi-d deg-s kra deg uḥric n unadi di tmedyazt yettwacnan