Browsing by Author "TAFAT Thileli"

Now showing 1 - 1 of 1
  • Thumbnail Image
    Item
    Asileγ n usegzawal ameẓyan aynutlayan n usewwi s teqbaylit deg temnaḍin n Tmizar (Bushel, Ibḍac d Ixuca)
    (Université Mouloud Mammeri, 2023) TAFAT Lila; TAFAT Thileli
    Deg tazwara, mi d-nemmeslay ɣef umezruy n tseknawalt n tutlayin tafṛansist, taglizit d tmaziɣt ; nufa-d isegzawalen imezwura i d-yefɣen s tutlayt n tefṛansist d teglizit d isinutlayanen : tafṛansist d tlatinit neɣ taglizit d tlalinit. Ula s tutlayt n tmaziɣt isegzawalen imenza i d-yefɣen ṭaqqa d isinutlayanen : tafṛansist d tmaziɣt (s tentaliyin-is yemxallafen.) Beṭṭu n tmaziɣt ɣef waṭas n tentaliyin, ur yelli ara d ugur ɣer imseknawalen, imi llan isegzawalen yettwaxdmen s tantaliwin : tacelḥit, tamẓabit, tarifit, tacawit, … Sakin, nesbadu-d taseknawalt, asegzawal d wanawen-is yemgarraden, yerna nessegza-d amagrad n usegzawal d yiferdisen-is. Rnu ɣer waya nefka-d tarrayt i neḍfer deg usumer n usegzawal. Xas akken nmuqel asegzawal n Bouamara ama d ayen yerzan taγesmγert d tγesmeẓẓit-ines, maca ur neḍfir ara akk abrid i d-yewwi, ladγa deg usesmel n tedfayin d wanaw n tbadutin. Asesmel n wawalen i neḍfer, d asesmel agemmayan n wawalen imi nxemmem ɣef wid ur nessin ara tutlayt n tmaziɣt yakan. Deg tbadut nmud-d isallen isnilsanen (asusru, taggayt n tjeṛṛumt...), nessegza-d tidfayin s yisallen inmessunen, drus anda nessemres tabadut tamegdawalt, am wakken isent-id-nefka imedyaten. Nessaram wid yebɣan ad lemden tutlayt-a neɣ tantala-a, ad d-sfaydin s usegzawal-a ; nessaram diɣ ad d-yernu kra i usegzawal n teqbaylit aynutlayan ara d-yennulfun ɣer sdat. Am wakken ara ykemmel leqdic deg weḥric n tseknawalt tamaziɣt s umata