Browsing by Author "ROUANE Samia"

Now showing 1 - 1 of 1
  • Thumbnail Image
    Item
    Taṣleḍt n uwadem deg wungal « Zaya » n Jedjiga Belaidi s tarrayt n PH.Hamon
    (Université Mouloud Mammeri Tizi-Ouzou, 2024) ROUANE Samia; BABOU Karima
    Ixef amezwaru iwumi nsemma “Awal ɣef wungal d uwadem s tarrayt n PH.Hamon” nesbadu-d ungal akken i d-nefka ula d tulmisin-is anda i d-nufa belli ungal d yiwet n tewsit tatrart, tebna ɣef waṭas n yiwudam, yettas-d d aɣezzfan, mgaraden yisental-is, yettili, akken nessaweḍ nesbadu-d awadem s uḍfer n tarrayt n PH.Hamon anda i d-nufa belli d win yesɛan azal d ameqqran deg teḥkayt imi d iwudam i yesselḥayen ineḍruyen ɣer sdat, deg uswir n tilin nesbadu-d akk ayen icudden ɣur uwadem ama d aglam n tfekka (iḥricen n tfekka am wudem, lqedd, ccbaḥa…), isem(anamek n yisem), tameddurt, tanefsit (ṭṭbiɛa), iselsa. Ma yella deg uswir n tigawt nufa-d belli tebna ɣef twuri tasentalant ayen yerzan lebɣi n uwadem d tmussniines, d tezmert-is, ma yella d tawuri tamasgant teɛna azenziɣ amesgan n Graimas. Ma yella deg uswir n tiddin n tigawt nufa-d belli tebna ɣef umgired deg ṣṣifa, amgitred deg twuri, d umgired deg beṭṭu, akked tfulmanit, d uskan amsisi d uwennet aflalay n umsawal. S umata nessaweḍ nefka-d akk tisura aɣ-yessawḍen ɣer teṣleḍt n uwadem deg wungal “Zaya” n Jedjiga Belaidi. Deg yixef wis sin iwumi nsemma “Taṣleḍt n uwadem deg wungal “Zaya” n Jedjiga Belaidi, nufa-d belli tamarut teglem-d s waṭas awadem “Zaya” ama seg tama n tfekka ama seg tama n ṭṭbiɛa, tenna-d belli d awadem ifazen deg ṣṣifa, yerna teččur d leɛqel, akken i d-teglem ula d llebsa-ines. Akken i d-tefka s telqayt tameddurt n kra n yiwudam am Zaya, Daya, Salas. Ma deg wayen yerzan ismawen seg wakken ṭṭuqten yiwudam deg wungal-agi nufa-d belli ṭṭuqten yismawen yesɛan inumak. Ma yella deg wayen yerzan tawuri tasentalant nufa-d belli yefka-d s waṭas tawuri tasentalant n Zaya ama d lebɣi-ines, neɣ d tamussni, neɣ ayen yerzan tazmert-is. Ma yella nufa-d belli Zaya d nettat i d aṣaḍ, ma deg wayen yerzan tiddin n tigawt; deg umgired n ṣṣifa yella-d uglam n uwadem Zaya s waṭas, deg wayen yeɛnan amgired n beṭṭu llan yiwudam i d-yettwabedren deg tazwara armi d taggara am Zaya, tameddakkelt-is Daya…akken llan yiwudam banen-d kan deg tazwara neɣ deg taggara. Ma yalla deg tfulmanit awadem Zaya ur yezmir ara ad yili ɣer yiman-is acku teqqen ɣer yiwudam nniḍen. Deg wungal-agi d Zaya i d awadem aṣaḍ, i d awadem agejdan yekka-ten ad yaweḍ lebɣi-is ɣes ma zgan yiɛewwiqen ttqabalen-tt-id. S umata d ungal s wazal-is acku yessebgen-d azal n tmeṭṭut, akken yuɣal cwiṭ ɣer tmetti tamensayt anda tameṭṭut tettcewwiq-d lḥif-is s yisefra. Tamarut tefka-as i uwadem Zaya tugna n tmeṭṭut yeɣran, yerna yeṭṭfen deg leɛwayed, ɣef waya i d-teẓḍa ungal icebḥen yuklalen taɣuri.