Browsing by Author "Mazouz Aghiles"

Now showing 1 - 1 of 1
  • Thumbnail Image
    Item
    Etudes Linguistiques des expressions figées culinaires kabyle
    (Université Mouloud Mammeri Tizi-Ouzou, 2024) Bachi Amokrane; Mazouz Aghiles
    Tazwart Akatay –agi-nneɣ, yerza taɣult n tesnilest, deg-s newwi-d awel ɣef usentel « tazrawt tasnilsant n tenfalyin tursilin yesɛan assaɣ ɣer tkuzzint. Asenked n wammud ammud-nneɣ yesɛa 100 n tenfaliyin tusbikin yesɛan assaɣ ɣer tkuzint nesmed ammud agi s tenfaliyin i nsexddam yal ass nesleḍ azal n :::: n tenfaliyin kra deg-sent nexddem-asent tasleḍt tasnamkayt, kra niden tasleḍt talɣaseddast ma d tiyad nxeddem-sent tasleḍt tasnamkayt n tugniwin n uɣanib. Iswi n unadi Ad nselqi deg taɣult agi n tesnilest, ad nesken azal sɛand tenfaliyin tursilin deg tutlayt n tmaziɣt Ad nesnerni timusniwin neɣ deg taɣult agi n tesnilest akken ad nefhem ugar ɣef usentel n tezrawt tasnilsant n tenfaliyin. Tamukrist : Tamukris-nneɣ tebna ɣef isteqsiyen-agi : Anti timṣukin n talɣaseddast i d-isenkaden tinfaliyin tursilin ? ɣur-sen timeẓliwin deg telɣaseddast ? Acu n wassaɣen inamkayen i yesɛa wanaw n tenfaliyin-a gar-asent ? Acu n taɣulin timeseɣbula ay ttamdent deg ukala-nsen anɣumnay ? Turdiwin Ha-tent-a turdiwin tigejdanin id-nsuffeɣ deg umahil-nneɣ : Deg wudem aleɣseddsan, nezmer ad nessers turda d akken tinfaliyin tusbiḍin mmalent-d tiɣessiwin taleɣseddsatin yecban tid n tenfaliyin tusbiḍin n teqbaylit yexḍan tasnafyirt. Deg tmuɣli tasnamkant, nezmer ad d-nger turda-agi belli tinfaliyin-agi tusbiḍin skanent-d inumak i yemgaraden aṭas. Taɣessa n umahil Amahil nneɣ yebda ɣef kraḍ n yehricen deg uhric amezwaru, nesegza-d kra n tmiḍranin d wawalen igejdanen yesɛan assaɣ d usentel n tezrawt tasnilsant n tenfaliyin tursilin icudden ɣer tkuzint nexddem-d kra n tbadutin n yal awal s usemres n yilugan id fkan imazrayen nselqi cituh deg taɣult agi n tesnilest d wazal-ines deg unegmu n uḥric. Aḥric wis sin nexddem tasledt tasnamkayt d tesledt n tesnalɣa wammud neɣ n tenfaliyin tursilin dagi nesled ugar n 40 n tenfaliyin yal tanfalit nxeddma-s taseledt n tesnalɣa n tseddast anida id nufa d akken tinfaliyin-agi farqent tefyar tudisin d tefyar tadayin. Si tama niden negga i tenfaliyin-agi tasledt tasnamkayt anida id nufa d akken mi ara nesemlil snat n tefyar yetili wassaɣ n takenwa akken daɣen llant tidak id-nettaf assaɣ aketnamkan d wassaɣ tameglawalt Deg uhric wis krad nsemres tasledt tasninawt n tugniwin n uɣanib. Taggrayt ɣer taggara n tezrawt nneɣ nuɣaled ɣer yigemmad uɣur d nessawed deg-sen nessawad ad nesled ugar n 40 n tenfaliyin nefka-d tirririyin ɣef tmukrist akked id-nebder, imi nufa-d sɛant azal d ameqran di tutlayt n tmaziɣt.