Browsing by Author "KAOUDJI Hayet"

Now showing 1 - 1 of 1
  • Thumbnail Image
    Item
    Tasleḍt taznuḍrest n wungalen seg 2011 almi d aseggas n 2020
    (Université Mouloud Mammeri, 2023-10) KAOUDJI Hayet; KHADIR Sabrina
    Nebda deg unadi-a s tbadut n kra n wayen i neḥwaǧ d tamiḍrant ɣef uzneḍris nufa-d kra n yigemmaḍ d igejdanen deg tesleḍt ad ten-id-nebder. Iferdisen izneḍrisen i yellan deg teɣlaft n tazwara, stuget ɛedlen ukk deg-s wungalen. Azwel d tasarut n uḍris, anecta yettban-d aṭas deg wadeg-ines d tira s ways yura. Asemres n tira n tfineɣ ur yuzzel ara aṭas deg wungal. Isem n umaru s umata d isem aheqqani n umaru i yettusun ɣef ungal slid kra n yimedyaten d imexḍa bḥal Dihya Louiz, isem-ines aḥeqqani d Louiza Aouzelleg akked Lynda Hentour tessemres taselfest n Wenza Dwala. Isem n umaru s umata yusa-d deg wadeg amenzu. Tugna d aferdis aznuḍris i yesɛan azal deg ungal, acku tuget n wungalen sɛan tugna, rnu ɣer-s tessenfalay-d akken iwata azwel n wungal. Isalen icudden ɣer uxxam n usezreg yemgarad seg ungal ɣer wayeḍ anect-a yettban-d belli d axxam n usezreg i yesɣan ilugan icudden ɣer tarayt n usezreg-ines . Tuget n wungalen sɛan agzul akked tmeddurt n umaru deg teɣlaft tis ukuẓ, llan kra xas akken drus, sɛan tikkest seg uḍris. Tugna n umaru tuɣal akken d lɛadda neɣ d ṭṭbiɛa i yebdan tettban-d deg ungal. Tazwert aṭas n yimyura i t-yesxadmen deg ungalen-nsen , ttaken ungal-nsen i yimyura nniḍen neɣ i yisdawanen ad d-mmeslayen fell-as, dɣa agbur n tezwar-a yettas-d s umata ɣed teḥkayt n uḍris n wungal, ɣef umecwar n tira n umaru akked d usenqed n tira-ines d wayen i d-yewwi deg-s damaynut. Timsal-a nufa-tent ula deg tagrayt i yellan ɣer tagara n wungal, maca d imexḍa n yimyura itent-ixedmen, ɣef 37 n wungalen slid 02 i yesɛan awal n tagara