Browsing by Author "Hourga, Siham"

Now showing 1 - 1 of 1
  • Thumbnail Image
    Item
    Trajectoire sociale et artistique de la chanteuse kabyle Bahia Farah
    (Université Mouloud Mammeri de Tizi-Ouzou, 2016) Mokrani, Lydia.; Hourga, Siham
    Anadi-agi nneɣ ɣef wayen yeɛnan tusna n tmetti sumata. Deg tezrawt-nneɣ nemmeslay-d ɣef tmeddurt akked wayen i tecna yiwet n tcennayt taqbaylit iwumi qqaren Bahia Farah. Axeddim-nneɣ yebḍa ɣef tlata n yeḥricen: Deg uḥric amenzu newwid awal ɣef tarrayin i netbaɛ iwakken ad nexdem tazrawt-agi akken iwata. Nefren asentel-agi acku ixus unadi di taɣult-agi, deg wayen yeɛnan tameddurt n tcennayt-agi akked tizlatin-is, ur yettwasnen ara atas deg tmetti taqbaylit. Di tazwara n uxeddim-agi, yessefk ad neffaɣ ɣer wannar iwakken ad nessiwed ad d nefren ayen ilaqen akken ad nexdem axeddim igerzen. Iwakken daɣen ad nessiweḍ s iswi-nneɣ ,yessefk ad nessexdem kra n tuttriwin I nefka I kra n yicennayen it yessnen am Kamal Ḥemmadi, Akli yaḥyaten ,Lǧida tamectuḥt. S tririyin-nsen ad nessiweḍ ad nexdem tasleḍt-nneɣ akked d tezrawt-nneɣ. Ma d ayen yeɛnan tizlatin-is nessaweḍ ad d-nawi 22 I yettwaseǧlen seg wexxam n Rradyu n Tizi-Uzzu. Am yal anadi, neḥwaǧ leqraya n kra n tektabin imi ilaq ad d-nawi tikta seg-sent, iwakken ad d nettef imedyaten deg-sent. Di taggara yessefk ad d-ner ɣef tuttriwin yellan, ad nessefsi timukrisin s way-s yebna uxeddim. Deg uḥric wis sin: Nemmeslay-d ɣef wayen yeɛnan tameddurt n tcennayt akked leqdic id d-ǧǧa I tmetti taqbaylit. Di tazwara niwwi-d awal ɣef tmeddurt-is,tawacult-is,anda id nenna belli d yiwet n tqcict id d-yekren d taguǧilt lamaɛna tufa-d ɣer tama-s xalis it yiwin ɣer tmurt n Tunes dinna i tebda tlemmed cḍaḥ . Nenna-d belli tekcem Tamurt n lɣerba nettat mezziyet, texdem sin n leqdicat deg wayen yeɛnan abrid-is n lfen,tella d tacettaḥt syin akin tuɣal d tacennayt. Ɣef waken id yenna Kamal Ḥemmadi tella tḥemmel atas cḍaḥ, dɣa tuɣal tcettaḥ deg watas n tmeɣriwin. Tuɣal tebda ccena s taɛrabt deg useggas 1949; cwit kan tuɣal ɣer ccena s teqbaylit akked ufennan ameqran Sliman ɛazem am: “atas isebraɣ” d yiwet n taɣect I yetwasnen atas akked kra nniḍen. Ɣef waken id yenna Kamal Ḥemmadi Bahiya faraḥ tella d yiwet n temjahdet; acku d timḍebbart n tlawin I yettawin idrimen I FLN di lweqt-nni n tegrawla, d tin iḥurben atas ɣef yimjuhad di lweqt-nni. Tekcem-d ɣer tmurt n ass n 01 di furar deg useggas n 1965, iwakken ad teqqim deg tmurt ɣer tama n wargas-is deg lzayer tamanaɣt. Temmut ass n 01 di yebrir aseggas n 1984 tesɛa 67 n sna deg lɛamr-is. Ɣef waken id yenna kamal ḥemmadi temḍel deg yiwen n uẓekka I wumi iqqaren “lqettar laqdim” di lzayer. Bahiya d yiwet n tcennayt I wumi arran tajmilt tameqqrant deg uxxam n yidles n tubiret, azal n tlata wussan nutni d asmekti ɣef tudert- is d wayen akk tecna. Arzan-d atas n yinaẓuren degsen kamal ḥemmadi, akli yahiyaten, abd elqadar ben damac, taleb rabaḥ d wiyaḍ nniḍen iwakken yal yiwen deg-sen ad yefk cfayat-is ɣef tnaẓurt-agi. 51