Browsing by Author "DIAL, El Hocine"

Now showing 1 - 1 of 1
  • Thumbnail Image
    Item
    Approche ethnographique de l’engagement des acteurs du conseil de l’âarch des At Iraten dans le mouvement de contestation de 2001
    (Université Mouloud Mammeri Tizi-Ouzou, 2021) DIAL, El Hocine
    Deg unadi-agi nneɣ i d-yuwin awal ɣef "Tḥerbunin n yimeggan n usqamu n Lɛarc n At Yiraten, d umyadar-nsen ameɣnas deg umussu aɣerman n 2001", neɛṛeḍ ad d-neglem wa d- nesban asatal anda i d-ilul usqamu n Lɛarc n At Yiraten, d wamek yedda, d yidgan n temliliyin, d tigawin akk s wayes i d-yegla, d yimeggan i t-irrefden, d tigawin-nsen deg usqamu-agi. Ass n 18 deg yebrir 2001, iǧadarmiyen n At Dwala uwweten s rṣas yiwen n yilemẓi iwumi qqaren Germaḥ Masiniṣa, i yessuffɣen taṛwiḥit tlata n wussan umbeɛd, d ayen i yeǧǧan ilmeẓyen n temnaḍt n ḷeqbayel, kkren-d am yiwen iwakken ad d-inin ɣer tazwara, ala i tmenɣiwt n yilemẓi-agi, tin ɣer-s iwakken ad d-cetkin wa d-skeflen iɣeblan meṛṛa i icudden ɣer tudert-nsen n yal ass, ama d aɣbel amagan, ama d aɣbel asertan, ama d aɣbel adamsan, ama d aɣbel adelsan, d yiɣeblan akk icudden ɣer tmeḥqranit. Ɣef waya iseqquma n tudrin gren-d tiɣri, iwakken ad ḥebsen amennuɣ s yiẓra, ad kemmlen s taktiwin. Tamnaḍt n Larbεa n At Yiraten am temnaḍin nniḍen ula d nettat tedder timesbaniyin n yal ass, i d-yellan gar yilmeẓyen d yimûulta. Si tmesbaniyin d umennuɣ-agi aṭas n tiɣtas i swayes d-glan, d ayen i yeǧǧan ad d-ufraren kra n yimeggan ara d-yeslalen snat n temṣukin : tamezwarut d « Tanmettit » i yettwassnen s yisem « Asqamu n temsetlelt i tiɣtas n At Yiraten » i yettεawanen tiwaculin n tiɣtas-agi. Tis snat d « Tasertant » i yettwassnen s yisem « Asqamu n lεerc n At Yiraten », iswi-is asuddes d lebni d useqεed n trebbuyaε n yilmeẓyen akken ad brun i tekriḍt wa ad ddun di tmeskant tamelwit, ɣef waya heggan-d tiɣerɣert anda sutren akk ayen ḥwaǧen, akked temliliyin n uskasi ɣef tigawin ara d-yawin tifrat i umussu aɣerman n 2001