Browsing by Author "DELHOUM Lydia"

Now showing 1 - 1 of 1
  • Thumbnail Image
    Item
    Tazrawt n wungal Leɣruṛ n ṭṭmeɛ (ṭṭmeɛ yessexsar ṭṭbeɛ) n Ṣadeq At Ɛli (Sadek Amirat)
    (Université Mouloud Mammeri Tizi-Ouzou, 2024) DELHOUM Lydia; BEN KHELIFA Lysa
    Di tagarra n umahil-nneɣ, i deg i nexddem tazrawt i ungal (Leɣṛuṛ n ṭṭmeɛ) i yura Sadaq at ɛli "Sadek Amirat". Ad a d-nerr ɣef yisteqsiyen i d-nefka deg tazwara n tezrawt-nneɣ. Leqdic-neɣ nebḍa-t ɣef kraḍ n yixfawen igejdanen, deg-sen negga-d taṣleḍt iglaqen i wungal s umata. Ixef amenzu d tasleḍt i wungal, deg-s agzul i teqsiḍt yeḍran d Meryem di tudart-is. Ncarew-itt-id si yal tama, ama si talɣa neɣ agbur aked tutlayt d wadeg aked wakud. Nemslay-d daɣen ɣef yiwudam aked imeḍqan id-yettwabdren deg ungal. Ixef wis sin, deg-s newwi-d awal ɣef isental yeseqdec umaru deg uḍris. Tuget n wungalen yettwarun s tmaziɣt wwin-d awal ɣef usentel n tayri, ama zikk ama tura. Maca deg ungal-a (Leɣrur n ṭṭmeɛ). Xass akken tella deg-s tayri acu kan asentel agejdan d lexdeɛ aked leɣder, neɣ nezmer ad d ninni d laman. Imi ulac tayri ma ulac laman, Tayri d laman akken i dukkulen "Ma ulac laman, kra yellan ad tawin waman". Mačči d yiwen neɣ ssin i sental i d yewwi umaru, deg-sen tilleli aked tebɣest aked tyemmat daɣen tayri. Acu kan si tseddart ɣer tayeḍ nettaf-d asentel lexdeɛ yettuɣal-d. Asentel n telleli d ayen i d yewwi umaru d amaynut ɣer temetti .Xass akka nuffa-d d akken taḥkayt teḍra di tmurt tabaranit, Maca s teqbaylit i tneɣra ihi yebɣa ad aɣ-d-yesaweḍ tikti n tlleli tuḥwaǧ tmeṭṭut. Daɣen tameṭṭut tezmar ad tebnu tuddert mebla ma tettwarez ɣer urgaz. Yebɣa ad aɣ d-yinni tameṭṭut tesɛa tabɣest ad taweḍ ayen tessaram weḥd-s tezmmar-as i tlleli. Ixef wis kraḍ d tamuɣli ɣer teɣssa n wungal. nṛṛuḥ nwala tutlayt n umaru, amek-it xfif-t d ttin iwumi ara yizmir umeɣri. Deg-s ncarew-d kra n wawalen nefka-d anamek n yal yiwen di tfelwit. d izamulen aked tugniwin n uɣanib. Ma nruḥ ad nwali ṣṣenf uɣur yettuɣal wungal yellan gar yiffasen-nneɣ d ungal amaynut. D win i yeldin tiwwura i teskla tabaranit attetwaru s yiskilen n tmaziɣt. Ihi s lfarḥ d ameqqran ad d nsaweḍ ɣer taggara n tegrayt-nneɣ. Nessaram leqdic-nneɣ, ad yili d win d yeddan di ṣṣwab, S umata ungal n Sadek Amirat, yewwi-d amaynut ɣer wannar n tira taqbaylit. Imi akken id-nenna yakan d ungal-is amezwaru i yura. ɣef waya azal-is meqqar nessaram ad yili d tawwurt iyimaruyen nniḍen ad-yawin amaynut ɣer tira s teqbaylit. Ula d tazrawt-nneɣ nessarem ad tili d alal n lemɛawna i tezrawin nniḍen id iteddun deg ubrid n teskla yettwarun s teqbaylit