Browsing by Author "Cherifi, Ouerdia"

Now showing 1 - 1 of 1
  • Thumbnail Image
    Item
    L’utilisation de la langue Tamazight sur les réseaux Sociaux Sa place par rapport aux autres langues (Français et Arabe).
    (UNIVERSITE MOULOUD MAMMERI TIZI-OUZOU, 2020) Cherifi, Ouerdia
    Iswi n tezrawt-nneɣ d anadi ɣef umkan n tutlayt n tyemmat , tamaziɣt ,deg wallalen n usiweḑ imaynuten « le réseau social »,maca ilaq ad nẓar d akken tutlayt n tmaziɣt ,mazal ar ass-a n wussan ur tesεi ara amkan i tuklal daxel n tmurt n lzayer s umata,aṭas n yimaziɣen i iruḥen d asfel,d aqbayli neɣ acawi,d amẓabi neɣ d atergi…ekkren-d ɣer wannar iwakken ad taweḑ tmaziɣt ɣer wanida tella tura,amdya ,ass-agi tuɣel tesεa amkan deg kra n yiɣerbazen ,llan wid d-yekkren s wawal, win d-yekkren s ufus,s tira akken i as-yenna Mulud Mεemri : « win yebɣan tamaziɣt ,ad yissin tira-s »,neɣ win d-yekren s cna am win yettuɣeddren ɣef tutlyat-is ,wagi d Maεtub Lwennas. Deg tezrawt-nneɣ,uqbel ad nruḥ ɣer wannar ,nhegga-d kra n yisestan ara d-neffk i yimselɣa, nesteqsa azal n mraw yiwen n yimdanen yessexdamen allalen-nni,yal wa axeddim-is,wa d amejjay,wa d aselmad,wa d anelmad.arnu ɣer-s ,neddem-d seg yiwen seg wallalen n usiweḑ yettwasnen mliḥ « facebook », kra n tugniwin ,syin akin nexdem tasleḑt i tririt n yal amselɣu,d tamawt i tugniwin-nni.Nufa-d d akken tamaziɣt amur ameqqran ur tt-yessexdam ara deg wallalen-nni sexdamen tutlayin tiberraniyin ama d tafransist neɣ d taεabt. Tutlayt n tmaziɣt s umata ur tesεi ara amkan itt-iwulmen ,llan wid ɣef i tettuḥettem akken ad yessexdem tutlayin nniḑen,ayagi yuɣal ɣef waṭas n tmental ,llan wid i d-yennan d akken ur essinen ara ad arun s tmaziɣt ,aladɣa iskilen imaynuten am « ɣ » d «ε » ,acku ur d asen-tefki ara teswiεt akken ad tt-lemden ,llan wid tutlayt n yimɣelli twekki fell-asen , seg-sen wid ilemden tafransist ɣer wid umi neqqar atmaten d tiyesetmatin timasiḥiyin,llan wid d-yufan imawlan-nsen heddren-asen s tutlayin nniḑen, aṭas n wawalen ur essinen ara ad ten-id-inin s tmaziɣt ssexdamen tafransist… ɣef waya tutlayt n tmaziɣt,uqbel ad tesεu amkan-is deg wallalen n usiweḑ,ilaq ad tt-ssxedmen warraw-is deg tmetti ,ilaq ad tesεu amkan i tuklal deg tefriqt ugafa s umata.