Browsing by Author "Chekkal, Rahma"

Now showing 1 - 1 of 1
  • Thumbnail Image
    Item
    Analyse morphologique et sémantique des Toponymes dans deux régions :( Illoula Oumalou et Chabet El Ameur) Villages Ait Ali Ou-Mohand, Mezeguène et Beni Entas, Matoussa
    (Université Mouloud Mammeri Tizi-Ouzou, 2022) Chekkal, Rahma; Dahmani, Lamia
    Tasmedga, d yiwen n uḥric yesƐan assaɣ d ameqqran d yidles d umezruy, ayen i aɣ-d-yettaken isallen akken ad nissin amezruy n yal tamnaḍt. Imi tamnaḍt n Leqbayel d tamesbaɣurt deg unnar-agi n tesmedga (neɣ deg yismawen n yimukan) d ayen i aɣ-yettcuddun ɣer yimezwura-nneɣ. Di tezrawt-agi-nteɣ n unadi, nettef amedya n snat n temnaḍin ideg d –neddem deg yal yiwet snat n tudrin « Tamnaḍt n Ilula Umalu : Taddart n At Ɛli Umuḥend d taddart n Mzeggen akked Temnaḍt n CaƐbet El Ɛamer : Tuddar n Bni Ɛentas d Matussa » ayagi iwakken ad d-nessukkes tulmisin tismedganin n yal tamnaḍt. Di tmukrist nefka-d isteqsiyen ɣef ansi d-kkan yismawen-agin yidgan (anta tutlayt) ? Ad nernu amek ulɣen d wamek ddsen yinumak-nsen? Akken ad iban wassaɣ yellan ger yal adeg d yisem-is. Deg unadi-nteɣ nessaweḍ nejmeƐ-d (169) n wawalen (ismawen nyidgan). Ma d ayen yeƐnan ansi d-kkan yismawen-agi ad nebder 03 tutlayin: tamaziɣt, taƐrabt, tafransist ulamma amur ameqqran n yismawen agi d imaziɣen, akken yella diɣen later n tutlayt taƐrabt d kra n wawalen kkand si tefransist. Axeddim-agi nteɣ yebḍa ɣef sin yihricen :( talɣawit d tesnamkit). Deg yixef amenzui d yewwin ɣef tezrawt talɣawit; nefka-d tabadut tamawalt i uḥric-agi akked kra n tbadutin ama (i wawal, awalen iḥerfiyen, awalen uddisen, addad ilelli d waddad amaruz). Nessebgen-d daɣen d-akken deg yismawen –agi n yidgan id nejmeƐ: ismawen iḥerfiyen llan s tuget ɣef yismawen uddisen, anda d-nufa (89) d iḥerfiyen ma d uddisen nufa-d (73).Ayen yeƐnan awalen uddisen; nger tamawt d akken ulac ula d isem seg usget, nufa-ten-id akk seg wasuf amalay neɣ asuf unti.Deg yixef wissin i d yewwin ɣef tesnamkit; neƐreḍ ad d-naf anamek n yal isem id-nejmeƐ. Syin akkin nexdem tafelwit i taṣleḍt tasnamkit i yismawen anda d nbeggen anamek nsen s usexdem n isegzawalen n DALLET, HADDADOU akk-d TIDJETakk-d usegzi nyimezdaɣ. Seg tesleḍt i nexdem nufa-d deg yismawen-agi wid yesƐan anamek yettemcabi seg temnaḍt ɣer tayeḍ, akken diɣen llan wid yesƐan yiwet n talɣa maca s wugar n yinumak acku nufa-d d-akken cudden ama ɣer imawlan-nsen, ɣer waman, ɣer yidurar d luḍat, ɣer yigran d iƐessasen…tgr.Di taggara n uktay-agi nteɣ, nessaram d akken axeddim-agi i nexdem ad yili yewwi-d leṣlaḥ i tutlayt n tmaziɣt, akken diɣen ad ilin wid ara ixedmen inadiyen-nsen ɣef usentel-agi i d-newwi yeƐnan ismawen n yidgan akken ad d-yeqqim deg umezruy nneɣ