Browsing by Author "Bey, Samira"

Now showing 1 - 1 of 1
  • Thumbnail Image
    Item
    Peintures rupestres d’Ifri n Dllel : étude archéologique et anthropologique
    (Université Mouloud Mammeri Tizi Ouzou, 2021) Bey, Samira
    Di tmurt n leqbayel, Bulifa d amusnaw amezwaru i yefkan awellih-ines i yifran d yixxamen, yellan ddaw n uẓru n tmurt, am win i d-yufa di tɣiwant n yifiɣa di 1909, i wumi qqaren Ifri n Dllel. Di tezrawt-nneɣ newwi-d awal ɣef tẓuri tamarut taqburt n Yifri n Dllel akked wazal tesɛa di tɣerma akked Yidles Amaziɣ s umata . Tazrawt-nneɣ nebḍa-tt ɣef semmus (05) n yiḥricen : - Aḥric amezwaru(Akatar alɣaway) : Uqbel ad nebdu ahil-nneɣ (axeddim) neɛreḍ ad d-nsuffeɣ awalen igejdanen ɣef wacu i yebna wahil-agi. - Aḥric wis sin (Addad n Usekamadal) : Nmeslay-d ɣef tɣiwant n Ifiɣa s umata ama ayen yerzan neɣ yeɛnan ( agam,Tadamssa …), d wayen i as-d-yezzin si yal tama. - Aḥric wis kraḍ (Tasastant n Wanar) : Nruḥ ɣer wadeg ( amkan) n Ifri n Dllel, nwala anda i d-yuzga, daɣen nexdem-d aṭas n twellafin n ujarred d usunnaɣ yuran ɣef uẓru-nni. - Ahric wis ukkuz (Tasleḍt) : Mi nejmaɛ akk tiwellafin n ujarred d usunnaɣ yellan ɣef ,uẓru n yifri n Dllel, syin nebḍa tiwellafin-nni akk tira-nsent iwakken ad nesaweḍ ad dnexdem tasleḍt i yal yiwet deg-sent. - Ahric wis semmus (Tazrawt Taɣarmawt) : Aṭas n yimezdaɣ n tɣiwant n Yifiɣa mi walan azal n umezruy d wuṭṭun n teklutin i yeffer uẓruYifri n Dllel ḥudren-t swayen i wumi izemren. Amedya : zzin-as-d s ẓerb iwakken ad seḥbibren ɣef tigawin ixeddmen kra n yimsebriden iyettɛeddin ttẓurun adeg-agi (amkan) am u sxerbec ɣef uẓru-agi d ucɛal n tmest din-a. Isenfaren n useḥbiber ɣef Yifri n Dllel drus deg-sen ɣas ma tnulfa-d yiwet n tdukli i waya, ɣas akken adeg n Yifri n Dllel d wazal yesɛa deg umezruy n tmetti-nneɣ ur iban sani la iteddu.