Browsing by Author "Bachir Wissam"

Now showing 1 - 1 of 1
  • Thumbnail Image
    Item
    Tasleḍt n umsawal d yiwudam deg wamud n tullisin « Taxatemt » n Madjid Oumnia
    (Université Mouloud Mammeri, 2023) Bachir Wissam; Amziane Yasmine
    Deg tezwart-agi, nega tasledṭ i yiwen n wammud n tullisin, nessaweḍ үer kra n tulmisin n tullist taqbaylit. Nefren ammud n tullisin n Madjid OUMNIA i wumi yefka azwel « TAXATEMT ». Nsleḍ sin yixfawen amsawal akked iwudam, neεṛeḍ ad nessbgen amk i tega tesledṭ-nsen үer Madjid OUMNIA. Anadi-agi yebḍa үef tlata n yiḥricen. Deg yixef amezwaru newwi-d awal үef umaru d wayen yura d ugzul n tullisin iwakken imeүri ad iẓer asentel i үef wacu i d-tewwi yal tullist. Deg yixef wis sin nga tasledṭ i umsawal d uḥeṣṣen nesbeggen-d leṣṣnaf n umsawal i yessemres Madjid OUMNIA d wanta tamuүli n uḥeṣṣen i d-yettuүaken deg yal tullist. Madjid OUMNIA yessebgen-d yessexdem kan sin n leṣnaf n umsawal. Amsawal aniri yella deg tullist « TAXATEMT », « TAXḌIBT », « TAJMILT S WARKASEN », « IZEN », « IMSEBBEL ». Ma yella d agensay yella kan deg tullist « IMWUNAS ». Deg tullisin-agi nufa-d d aḥeṣṣen ilem i yellan s waṭas. Deg tullisin « TAXATEMT », «TAXḌIBT », « IZEN », « IMSEBBEL », « TAJMILT S WARKASEN », ma d aḥeṣṣen agensay yella kan deg tullist « IMWUNAS ». Deg yixef wis tlata n unadi-agi nega tasledṭ i yisem n uwadem neẓra amek i yettesmi Madjid OUMNIA iwudam-is deg yiḍrisen-is, yettader-iten-id s usemres n waṭas n yisfran ama dtawsit-nsen (argaz, tameṭṭut) ama d leεmer-nsen (taqcict, tamүart) neү ismawen n timarewt (ultma-s, gma-s) neү s twiri-nsen d tүara-nsen (lqaḍi, tarbaεt n yiṛumyen), tuddsa n sin neү ugar n wawalen (argaz, tameṭṭut n umeddakel), llan daүen iwudam iwumi yefka ismawen ntmetti. Amdya (Mḥend, Akli), llan ismawen i d-yekkan seg idelsan iberraniyen (klara, Robert), ismawen i yekkan seg idels amaziү (agellid n yimzikiyen). Deg unadi-agi nesbeggen-d kra n tulmisin n tullist s tesledṭ n wammud n tulisin-agi. Yelha ukkan ad ilin inadiyen iwakken ad gen tasledṭ i yiḥricen nniḍen n tullist.