Browsing by Author "BRAHIMI Afifa"

Now showing 1 - 1 of 1
  • Thumbnail Image
    Item
    Tasleḍt n yisental n tceqqufin n umezgun "susem kemmini" i yura Ḥemmar Meqran
    (Université Mouloud Mammeri, 2022) BRAHIMI Afifa; BOUTELDJA Nawal
    Axeddim agi yebḍa ɣef sin yeḥricen , aḥric amezwaru d amezruy n umezgun aqbayli , anda d nufa dakken wlac aṭas n yissalen fell-as acku d aɛiwed n wayen xedmen iberraniyen ulac d acu bedlen deg-s , ad naf tidukliwin i mazal xedment ar assa . amezgun aqbayli iɛeddad ɣef semmus (5 ) n talliyin , tallit tamezwarut (1945 – 1952 ) amezgun n radyu , tallit tis-snat (1952-1964) , tallit tis kraḍ (1964 – 1979) , tallit tis ukkuẓ ( 1979 – 1990 ) , tallit tis semmus ( 1990 ar assa ). Deg uḥric wis sin nefren-ed ticequfin n umezgun i yura Meqran Hemmar : ‹‹ Sussem Kemini›› , ‹‹ Imeḥbas›› ‹‹ Tamsalt n igudar ›› d ‹‹ Anza ›› , nexdem- asent tazrawt n tesleḍt tasentalant , nsemres tarrayt n Jean Pierre Richard : ‹‹ asenked asentalan d ajemmel i fardisen id yettɛawaden deg uḍris akken id yettwafham uḍris ›› . S tarrayt-a nesswed nsufɣed isental ɣef id yemmeslay umaru deg tcequfin-is , yal tacequft s usentel-is amatu , tacequft tamzewarut d ‹‹tamuḥqran-it n tmeṭṭut ›› , tis snat ‹‹ tasartit di tumra n lmaɣreb ameqran›› ,tis kraḍ ‹‹timant›› ma d tis ukkuẓ ‹‹ tasartit ›› nessaweḍ n farned asentel yezdin ukkuẓ n tcequfin agi ‹‹tamuḥaqran-it ›› ma d ( imeḥbas , tamsalt n igudar anza ) yezditent usentel n ‹‹ tsertit ›› . Amezgun yesɛa azal meqren di tmetti akken qqaren ‟ amezgun d baba-s n tẓuri ″, d tagnitt anda i yesenfalay wemdan timsal n tmetti-s , d asiweḍ n yizen d asaki d asmekti , d netta id lemri n tmetti ,d tadukli n yemdanen i waken ad ksen ɣef lxaṭar n yemdanen s tmezgunin ixedmen s wudem n teḍsa , amezgun d taẓuri n cbaḥa n tsekla . Deg ukatay agi nufad kra iɣeblan ulac aṭṭas n yissalen ɣef umezgun aqbayli ur dnufi ara wid ara ɣdimeslayen fellas , ur ɣtefki ara teswiɛt anruḥ ɣer Rradyu tis snat di lzayer. Di taggara nessaram amahil agi-nneɣ ad yili d timerna ɣef tezrawin yettwaxedmen yakan , wa ad yili d win ara yefken lemɛawna iwid ara yxedmen tazrawt sya ɣer zdat .