Browsing by Author "BOUAZIZ, Aghilas"

Now showing 1 - 1 of 1
  • Thumbnail Image
    Item
    Analyse morphologique et sémantique des toponymes de deux régions (Draa-El-Mizan- Béni-Douala)
    (Université Mouloud Mammeri Tizi-Ouzou, 2020) BOUAZIZ, Aghilas; BOUCEKRANE, Noureddine
    Amahil nneɣ newwi-t-id ɣef «yismawen n yedgan» si snat n tɣiwanin n Tizi Wezzu (Draɛ Lmizan akked Bni Dwala). Ammud nneɣ nebda-t s tezwart tamatut deg-s; tabadut s umata anda id nsebeggen amahil nneɣ. Iwakken aɣ-d-ban tezrawt nneɣ nefka-d tamukrist-agi: • Amek ttalɣen yismawen n yidgan? D acut wassaɣ yellan ger yal yissem d unamek-is? D tazwara nexdem anadi deg wannar anda id nesteqsa imselɣa id ilulen di yal taɣiwant, s unejmuɛ n isuklas, asteqsi agejdan id-nmud i yal amselɣa nehseb-it d isem n yideg n yal taɣiwant syin nedleb-asen d acu id anamek n yal isem. Amahil nneɣ nebda-t af sin yiḥricen, deg uḥric amezwaru, newwi-d awal ɣef usegzi n iberdan i neḍfer iwakken ad-n-sawed ɣer yiswi-nneɣ. Deg yixef wis sin, newwi-t-id ɣef tesleḍt ig bḍan ɣef sin yiḥricen : tasleḍt talɣawayt akked tasleḍt tasnamkayt . Tasleḍt talɣawayt neεred adenbeggen talɣwin yesεa yisem n wadeg ,nufa-d yezmar ad yili d a ḥarfi,d uddis , neɣ d areṭṭal akken daɣen yesεa ugar n timitar (tawsit, amḍan, addad Nufa-d ismawen n yidgan d ireṭṭalen si tutlayin niden seg-sent ( taεrabt , tafransist , talatinit). Tasleḍt tasnamkayt nebḍat ɣef sin leṣnaf : ssenf amezwaru nesbaned dges asaɣen isnamkiyen n yidgan deg sen : taknawa, tanmegla, tagetnamka, amaway akked umttaway, mkul yiwwen nefk-ad fell-as imdyaten. Di ssenf wis sin yeɛna amgarad n unamek n yismawen n yidgan id nejmeɛ sɣur imselɣa akked ayen nufa deg mawal n «DALLET.J». Iwakken ad nesleḍ amud-nneɣ nekkes-d aẓar akked d tbadut yal adeg id-d-nufa ɣer «DALLET.J». Syin nefka-d anamek n yismawen n yidgan ɣef laḥsab amek id-nnan yimselɣa. Nufa-d ismawen n yidgan cudden ɣer waṭas n tɣawsiwin (ismawen n yimɣan, n yimdanen, tɣaltin, n yezra, lemqam, tiɣbula n waman akked yini…). Ɣer taggara n tezrawt-nneɣ, nufa-d belli amawal n «DALLET.J» llan kra n yismawen iwumi ur id nufi ara anamek nsen. Ismawen n yidgan sɛan azal ameqqran di tmetti-nneɣ, yewwi-d fell-aɣ at neḥader akken ur tɣeli ara tmeslayt taqbaylit.