Browsing by Author "BERKOUCHE, AMEL"

Now showing 1 - 1 of 1
  • Thumbnail Image
    Item
    Bilans de la procédure d’évaluation des productions écrites au lycée niveau troisième année
    (UNIVERSITE MOULOUD MAMMERI TIZI-OUZOU, 2020-03) BERKOUCHE, AMEL; CHIKH, LYNDA
    Tazrawt-nneɣ tewwi-d ɣef yiwen n usentel s wazal-is “aseɣti n usnfali s tira” tufɣa-neɣ s annar n unadi tegla-d s waṭas n umaynut i ukatay-neɣ. Ayen i aɣ-yeğğan ad nextir asentel-agi d adeg d wazal ameqqran yesɛa usenfali s tira, ladɣa d tagnit i wakken ad d-nawi tamuɣli ɣef tarrayt seqdacen yiselmaden deg usanfali s tira. Tirmitin i nedder deg unnar twelleḥ-aɣ ɣer uselqey deg unadi, neԐreḍ ad d-naf tucḍwin, akked wuguren i d-ttmagaren yinelmaden deg usenfali s tira, ama di tirawalt, deg usemres n umawal, deg yiugan n tseftit, tamawalt… Tazrawt-nneɣ tettnadi ad d terr ɣef watas yisteqsiyen yellan deg tmukrist-nneɣ : D acu-t tarrayt semarsen yinelmaden deg tmaduzt n usenfali s tira ? D acu-ten yisefranen n tmudest n usenfali s tira ? Yettnerni uswir n yinelmaden deg usenfali s tira di taggara useggas naɣ ala ? Akken ad teddu tezrwt-nneɣ akken iwata, iwakken ad d-nerr daɣen ɣef tmukrist-nneɣ, nextar (4) ukkuz n yiɣerbazen :( tasnnawit tajḍiṭ n ubizar, tasnnawit at bata, tannawit zamum muhend buɣni akked tasnawit teknikum dahmani muhend di buɣni). Mebla ma nettu ad d-nebdar taraka neseqdec deg unadi-nneɣ. tasastant i yiselmaden deg uswir wis (3) kraḍ di tsennawiyin yesԐa “13”mraw d kraḍ n yisteqsiyen. Amseqsi akked yinelmaden akken ad nessaweḍ ad-naf ugguran I d-ttmagar deg usenfali s tira. daɣen nesleḍ tiferkiwin n yinelmaden i d xedmen akken ad nwali aԐafer n tarrayt n useɣti (tugna n uḍris, taɣessa n uḍris, asexdem n umawal akked tirawalt). Akatay neɣ yebḍa ɣef ssin n yiḥricen: Ahric amezwaru: nexdem deg-s iferdisen n useɣti n usenfali s tira,( tabadut, annawen, taraka, tawuri, tamlilt, asefren akked tarrayt n useɣti). aḥric wis ssin: deg-s nesleḍ isenfaliyen n yinelmaden ayen akk yaԐnan (tugna n uḍris, taɣessa n uḍris, asexdem n umawal akked tirawalt). daɣen nehder-d ɣef wassaɣ yellan ger wayen i d nnan inelmaden deg umseqsi akked tasastant akked yiselmaden d wayen nufa deg yisenfaliyen s tira akken ad nesiweḍ ad neẓer tuccḍiwin n yinelmaden deg usenfali s tira. Di taggra nezmar ad d- nini d akken nessaweḍ ɣer yigemmaḍ-agi: iselmaden sexdamen tarrayt ibḍan ɣef tlata tikliwin tigejdanin tamzwarut deg usbedi n usenfer aselmad ad yesutar ɣer inelmaden ad darun asenfali s tira, tis snat d aseɣti n usenfali-nesen s tefelwit n uktazal, tis “3” kraḍ aselmad ad yaru asenfali s tira s tucḍiwin ixedmen i nelmaden s watas i waken ad tt yesɣti d yinelmaden-is deg tesmilt. Ayen yaԐnan uguren, nufa-d belli ugur ameqqran yettili-d deg tirawalt, ladɣa lexṣaṣ i d yellan deg umawal-nsen, ma d aswir yettnerni seg wakud ɣer wayeḍ ayagi yettuɣal ɣer leԐtab d leqdic, qeddcen yiselmaden i wakken ad snernnin tamusni n unelmad