Browsing by Author "BERKAT Wassila"

Now showing 1 - 1 of 1
  • Thumbnail Image
    Item
    Etat des lieux de l’enseignement/apprentissage du théâtre dans l’acquisition de la langue amazighe au cycle secondaire
    (Université Mouloud Mammeri, 2023) BERKAT Wassila; CHABBI Farid
    Tazwert: Amezgun d tawsit n tsekla, iban-d deg tallit n teglest, yuɣ adeg deg waṭas n tmura deg umaḍal. Deg tsekla tazzayrit iban-d deg useggas n 1920, syin yekcem ɣer tsekla tamaziɣt deg yiseggasen n 40 . Assentel n tezrawt-nneɣ ad d-yawi ɣef uselmed d ulmad n umezgun deg tutlayt n tmaziɣt deg tesnawit. Yesɛa azal d ameqqran deg tesnalmudt imi yesnernay tizemmar n unelmad ama deg tigzi neɣ deg ufares, ama deg tira neɣ deg timawit. Maca aselmed n umezgun deg uɣerbaz ur yelli ara fell-as waṭas n yinadiyen d tezrawin, d ayen i aɣ-yeǧǧan ad nefren asentel-a. Agnu: Iwakken ad nessiweḍ ɣer yiswi n umahil-agi, nheyya-d kraḍ n yisteqsiyen iɣef tebna tmukrist : - Iselmaden n tmaziɣt n tesnawit semrasen amezgun deg uselmed d ulmad n tmaziɣt ? - Aselmed n umezgun yesnernay tizemmar n yinelmaden ama d tid n timawit neɣ tid n tira, yeslalay-d assaɣ yelhan gar yinelmaden deg umahil n yigrawen ? - Inelmaden ssawaḍen ad d-farsen ticeqqufin n umezgun yenna ad tent-uraren ? Turdiwin: Almend n ugnu-a nezmer ad d-nefk turdiwin-a: - Iselmaden n tmaziɣt n tesnawit, ad yili semrasen amezgun deg uselmed d ulmad n tmaziɣt. - Aselmed d ulmad n umezgun yezmer ad yesnerni tizemmar n yinelmaden ama d tid n timawit neɣ tid n tira, yerna yemer ahat ad d-yeslal assaɣ yelhan gar yinelmaden deg umahil n yigrawen. - Inelmaden sawaḍen ad d-farsen ticeqqufin n umezgun, yerna ad tent-uraren. Afran n usentel d yiswi-s: Aṭas n tɣawsiwin i aɣ-yeǧǧan ad nefren asentel-a acku ur iṭuqet ara unadi fell-as, neḥṣa d belli amezgun d ttawil, yesɛa azal meqqren deg uselmed n tutlayt. Iswi n usentel-am ad nẓer amek iteddu uselmed n umezgun rnu ɣer tzemmar i tesnernay tewsit-a deg uselmed n tutlayt n tmaziɣt. Tasnarayt : Iwakken ad nawed ad narr ɣef isteqsiyen i d-nefka di tazwara n unadi nheyyad amsteqsi yesɛa 30 n yisteqsiyen i yiselmaden n tesnawit. Assisen n umahil: Amahil-a yebḍa ɣef sin n yiḥricen: - Deg umenzu, newwi-d deg-s awal ɣef umezruy n umezgun s umata d wazal i yesɛa deg tmurt n Lezzayer d tmurt n Leqbayel s wuzzig. Newwi-d dɣen ɣef umezruy n uselmed n tmaziɣt d wasmi tuɣal d tutlayt tunṣibt. Nesbadu-d daɣen kra n tmiḍranin yerzan amezgun d tid icudden ɣer uselmed. - Aḥric wis sin d tasleḍt n yimseqsiyen, n yinefkan n wannar i d-negmer ɣer yiselmaden n tutlayt n tmaziɣt deg tesnawit. Tagrayt: Deg tagrayt, ad d-nebder kan belli asentel-nneɣ yerza aselmed n umezgun deg tesnawit. Almend n tesledt i nga i yimestesqiyen, nufa-d amezgun d allal s wayes yezmer unelmad ad yesnerni tizemmar-is, ama deg timawt ama deg tira. Nessaweḍ ad nẓer belli iselmaden akken ma llan semrasen amezgun deg uselmed n tmaziɣt deg yirmad yemgaraden i yellan deg tegzemt. Ad d-nebder armud n tigzi n tira d timawit ideg yettili umezgun d aḍris asallel, iferdisen n tutlayt d ufares s tira. Almend n waya ad d-nini nessentem turda tamezwarut. Amezgun yesnernay tizemmar yemgaraden n yinelmaden s yimahilen n yigrawen mi ara tthayyin timezgunin, yerna d ttawil n uẓeṭṭa n tegmat d wassaɣen yelhan. Inelmaden daɣen sawaḍen ad d-farsen timezgunin, yerna ad tent-uraren. S waya nessentem-d turda tis snat akked d tis kraḍet. Nessaram ad as-yuɣal wazal ilaqen i umezgun deg uselmed, ur yettɣimi ara kan deg uswir n tesnawit, a win yufan ad yili ula deg yiswiren-nniḍen ama deg uɣerbaz amenzu, ama deg ulmud alemmas. Nessaram daɣen nerẓa asalu, neldi tiwwura s usentel-nneɣ i yinadiyen-nniḍen.