Browsing by Author "BENINI, Siham"

Now showing 1 - 1 of 1
  • Thumbnail Image
    Item
    L’importance de la dictée dans le développement de la compétence de l’écrit en langue Amazighe chez les apprenants du premier Cycle « 5ème année primaire» au niveau de la Wilaya de Tizi-Ouzou
    (Université Mouloud Mammeri Tizi-Ouzou, 2021) BERSI, Ryma; BENINI, Siham
    Tutlayt Tamaziɣt, d tutlayt n tyemmat n yimezdaɣ n tefriqt n ugafa, tedder d leqrun s timawit kan mebla ma tettwaru, tasuta tettaǧǧa-tt i tsuta almi d-tewweḍ ɣer tizi n wass-a. Deg useggas n 1995 i tudef ɣer uɣerbaz di tmurt n Lezzayer imi aṭas i yennuɣen fellas akken ad as-yuɣal wazal deg tmurt-is. Yewwi-d ad tt-lemden warraw-is, ad tt-arun am tutlayin-nniḍen deg umaḍal. S umata almud n tutlayt-agi immuger-d aṭas n uguren ladɣa deg wannar n tesnalsit, ɣef waya i neɛreḍ ad d-nefk tamuɣli ɣef uselmed-is deg uḥric amenzu wa ad d-nsenked uguren i d-ttemlilen yinelmaden n uswir wis semmus n ulmud amenzu deg tirais. Agnu : Aselmad n tutlayt n tmaziɣt yenǧer abrid, d ayagi i yeǧǧan leqdic-agi-nneɣ ad yili deg tesnalmudt acku aselmed n tutlayt n tmaziɣt tura ur yeqqim ara kan di temnaḍin n Leqbayel imi yelḥaq ula ɣer temnaḍin-nniḍen n tmurt n Lezzayer. Ɣef waya i nefren amahil s usentel “ Azal n tzabut deg usnerni n tezmert n tira n tmaziɣt ɣer yinelmaden n useggas wis semmus n uswir amenzu ”. nefka-d asteqsi agejdan deg tmukrist-a: - D acu i d azal n tzabut deg usnerni n tezmert n tira n tmaziɣt ɣer yinelmadeg n useggas wis semus n uswir amenzu ? Turdiwin : - Tazabut d ttawil n ulmad n tirawalt. - Armud n tirawalt tesnernay tazmert n tira ɣer yinelmaden. Afran n usentel d yiswi-s: Tutlayt n tmaziɣt tettmagar aṭas n wuguren deg uselmed-is d yinelmaden n uswir amenzu d wamek ttwalin tira n tmaziɣt. Akken ad nessiweḍ ɣer yiswi n leqdic, nhegga-d azal n 30 n yimsteqsiyen, nerza ɣer 24 n yiɣerbazen n uswir amenzu anda selmaden tutlayt-agi nneɣ, syin akkin nezzuzer imesteqsiyen-agi i yeselmaden, maca ur d aɣ-tettunefk ara taswiɛt i wakken ad nehḍar i temsirin n tzabut deg yiɣerbazen ɣef liǧal n unfafad. Assisen n umahil : Amahil-nneɣ nebḍa-t ɣef kraḍ n yiḥricen : Deg uḥric amenzu newwi-d deg-s tasnalmudt n tira akked ufares s tira. Syin akkin deg uḥric wis sin, nesbadu-d timiḍranin (Tazabut akked tirawalt). Ma d aḥric wis kraḍ d tasleḍt n yimseqsiyen i nefka i yeselmaden deg kra n yiɣerbazen n tɣiwant n Draɛ Lmizan d Yiɛezzugen. Tagrayt: Deg unadi-nneɣ nessaweḍ deg tesleḍt belli Inelmaden ttemlalen-d uguren yemgaraden di tira n Tmaziɣt, s umata widak icudden ɣer tirawalt, tajerrumt, taseftit. Maca s ttawil n tzabut anelmad ilemmed tira, tettɛawan-it adyissin igulen ixeddem akken ad yaru akken ilaq.