Browsing by Author "BECHAR Lydia"

Now showing 1 - 1 of 1
  • Thumbnail Image
    Item
    Amyeḍres di tmedyazt yecna Yidir
    (Université Mouloud Mammeri Tizi-Ouzou, 2024-10) ZENNOUCHE Yasmina; BECHAR Lydia
    Deg unadi-nnteɣ nexdem tasleḍt ɣef tmedyazt n Yidir nessaweḍ ad d-nawi awal fell-as nufa-d tamedyazt n Yidir ur yettfak ara wawal fell-as, nessaweḍ nejmeɛ-d ugar n 81 n yisefra neɛreḍ ad d-nessefhem amek i d-yettili d wamek i d-yettbin umyeḍres di temedyazt-ines. D wayen i d-yewwi d ccbaḥa d talɣa tamaynut i d-as-yefka i usefru-is. Deg yixef amenzu: newid awal ɣef tmeddurt n Yidir d wamek yenǧar abrid-is, d wamek iɛac tudert-is d umecwar n cenna-ines. Deg ixef wis sin newwi-d awal ɣef tbadut n umyeḍres d wamek i d-tlul sakin nemmeslay-d ɣef leṣnaf n umyeḍres anda i yenna G.GENETTE, amyeḍres d yiwen gar semmus n wassaɣen-agi: amyeḍres, azneḍres, afeḍres, afleḍres akked uwseḍres.Nemmeslay-d ɣef wannawen n wassaɣ n tilin n sin yeḍrisen; ad dnaf deg-s tabdert, takerḍa, aleqqem, tasɣilt. Ma yella annaw wis sin d win yebnan ɣef wassaɣ n usuddem (arwas amaslaɣ, arwas uqlib). Syin akkin nessebgan-d ṣṣenf n tmedyazt uɣur iteddu Yidir (tamedyazt tatrart) sakin nbder-d tiwsatin n tsekla tamensayt, imi aṭas n yemyura n tsekla i yerran lwelha-nsen ɣer tiẓri-agi n umyeḍres maca yal yiwen ɣef wacu i d-yebna tazrawt-ines ihi nekkni nebna-tt ɣef lesas n tmedyazt tatrart d usemres n tewsatin n tsekla timesayin imi amyeḍres yebna ɣef aya, d wayen i d-yewwi umyaru di timawit d wayen id yewwi s wudem amaynut . Ɣer taggara neɛreḍ ad d-nebder neɣ ad d-nessegzi kra yessemres uccenay ama d inzan ama timucuha , ɣer-s nesegzad-d assaɣ n tilin daxel-is ma yella tabdert neɣ tasɣilt neɣ d aleqqem, ma yella nebɣa ad d-nefk amedya ara d-yessegzin assaɣen-agi ad d-naf accenay yessemres s waṭas inzan, maca yal tikelt amek it-yessemres deg uḍris.Tikelt yettawi-t-id akken yella di timawit tikelt yettbedil-as, daɣen yettak-as lqaleb nniḍen.Yessemras aleqqem deg tmedyazt-is anda i d- yebder cix Muḥend, tawrirt mussa, Baba inuba... Imi amyeḍres gar tewsatin n uzɣan amaynut i d-yufraren i yeqnen ɣer teẓri yerzan aḍris imi amyeḍres yettnadi ɣef wassaɣ n uḍris d uḍris-nniden. Yidir yesseqdec talɣiwin n umyeḍres yezdin gar sin yeḍrisen neɣ ugar llant talɣiwin i d-yettbanen srid am tebdert dulaqqem akken llant tid ur dyettbanen ara am umeɛɛen, takerḍa, yebbi-d ɣef imeɣri ad d- yerr ddehn-is d tmusni-ines iwakken ad ten-yeɛqel.Iswi-nneɣ d akemmel deg uxebbel di tmedyazt n Yidir d usuffeɣ n kra yeffren deg-s.Ayɣer ala, ur nxeddem ara deg leqdicat i d-iteddun ɣef umyeḍres di tmedyazt taqbaylit d tirni. La nessaram daɣen amahil-agi-nneɣ ad yili d tawwurt i yisenfaren-nniḍen