Browsing by Author "AMRIOU, Taous"

Now showing 1 - 1 of 1
  • Thumbnail Image
    Item
    Etude syntaxique et sémantique des expressions idiomatiques Kabyles. (Cas de la région At Ziki)
    (Université Mouloud Mammeri Tizi-Ouzou, 2022) AMRIOU, Taous; AMEZIANE, Chahira
    Asentel n uxxedim agi , d win yerzan taɣult n tesnilest, newwi-d awal s umata ɣef tenfaliyin tukrifin id-nejmeɛ di temnaḍt n tmurt n leqbayel, taddart at-zikki, d ammud deg id- nejmeɛ azal n 350 n tenfaliyin nesbedd leqdic-agi ilmend n snat n tlufa. Taluft tamezwarut, iwakken ad neg tasleɣt I tseddast n tenfaliyin tukrifin dayen yeɛnan talɣa-nsent, ad d-nefk tawuri n yal tayunt, d wassaɣ itt-icudden ɣer tayunin niḍen deg tenfalit, iwakken ad nessiweḍ diɣen ad d-nessukes tisekkiwin n tefyar. Ɣer taggar n weswir-agi, nesaweḍ nebḍa tinfaliyin-agi d lesnaf: Tinfaliyin yeddsen s sin n yiferdisen Tinfaliyin tumyigin tiḥerfiyin bnant deg tseddast Ɣef sin yiferdisen igejdanen: anuddus amseɣru umyig + asemmad, yezmer ad yili d asemmad imsegzi, d asemmad usrid, d asemmad arusrid, d asemmad s tenzaɣt, yezmer ad yili diɣen d anamel n usentel neɣ asemmad agensay. Tinfaliyin tumyigin tuddisin i nettaf bnant ɣef sin yisumar (2 inuddusen imseɣra umyigen). Tinfaliyin tirumiyigin tiḥerfiyin s ttasent-d di tuget s talɣa-ago: asemmad imsegzi + asilaw + aseɣru Tinfaliyin yebnan talɣa n usefru Tamsalt tis snat, d ayen yerzan aswir asnamkan, neɛreḍ ad d-nefk anamek n yal tanfalit, d tɣiwanin-agi, iwakken ad nẓer iḥricen n tmeddurt ideg ttusemrasent tenfaliyin- agi. skanent-d tignatin n yal ass ideg I ttidiren leqbayel, seqdacen tinfaliyin-agi iwakken ad ssiwḍen yi-s izen I win iwumi ttmeslayen s wudem arusrid, tikwal yettili-d asefru d ameẓẓyan, s wawal awezlan yeččuren d lemɛani. Imi nga asismel ilmend n tayunt i iggan akraf I unamek n tenfalit nufa-d d akken tinfaliyin-agi cuddent s waṭas ɣer yiḥricen n tudert, amur ameqqran n tenfaliyin qqnent ɣer umawal n tfekka n wemdan iferdisen ttilin d illelliyen, mi ara dduklen ttaken-d tanfalit tukrift, yettruḥu unamek-is amezwaru, ttakent-d anamek d amaynut, d amatu. Imi tutlayt d ayen yerzan imdanen, deg-s tenfaliyin i icudden ɣer umawal n twennaḍt amawal n yiɣersiwen, amawal n ugama d waṭas n yisental nniḍen. Deg wayen yerzan anamek, nufa-d tuget n tenfaliyin-agi, sɛant ugar n sin n yinumak, neqqar-asent tinfaliyin tigetnamkanin, yettbeddil unamek-nsent seg umdan ɣer wayeḍ, ad naf diɣen tenfaliyin d tinemgalin, tanmegla tezmer ad d-tili ama s tibawt n “ur……ara”, neɣ d sin wawalen. Tenfalit tukrift tezmer ad tili d aknaw n tenfalit nniɣen, yiwen unamek nsent. Imi neḥsa d akken leqdic ussnan d ayen ur n-keffu ara,aktay-agi nneɣ, d asurif id- nga, nessaram d win ara yeldin tiwwura I inadiyen nniḍen