Browsing by Author "AMMOURA, Mohamed"

Now showing 1 - 1 of 1
  • Thumbnail Image
    Item
    L’APPORT DE L’APPROCHE PEDAGOGIQUE NOUVELLE DANS L’ENSEIGNEMENT DE LA LANGUE TAMAZIGHT
    (UNIVERSITE MOULOUD MAMMERI TIZI-OUZOU, 2020) AMMOURA, Mohamed; BELAMINE, Nawal
    Akatu-agi nneɣ yebḍa ɣef sin n yiḥricen. Aḥric amenzu , nebder-d deg-s tibaduyin n kra n wawalen igejdanen yerzan tarrayt tamaynut , sin ɣer-s nebder-d iṣuḍaf iẓrayanen ig wulmen iwakken aselmad ad t-tyessemres di temsirin-is ; nessfahm-d daɣen akken tarrayt n tzemmar tettiki di tarrayt tamaynut deg way deg anelmad ad yili di liḥala n unadi d usteqsi yerna d netta ara yesɛun lebɣi ad inadi tamusni mebla ma yenna-as uselmad. Izmer ad d-yerbaḥ aṭas n tmusniwin ama af tmetti ama d tadelsa ines. Nessexdam tafelwit akken ur nettettu ara kra n yiḥricen deg unadi nneɣ s wannay deg uɣarbaz, iwakken ad n-seqɛed isalli ara d-nawi. Ad neɛreḍ ad nwali axeddim n yiselmaden af warmud n yinelmaden deg ugraw s wahil nsen. Yella wegraw, annar, ttembaddalen imeslayen s leqdaṛ n tiktiwin. Aṭas n liḥalat yellan, neglem-itent-id, deg taggayt s yiḥricen n unadi ; s wannect-a nufa-d belli deg unekmar s tezemmar tebbi-d abeddel d ameqṛan deg uselmed n tutlayt tamaziɣit , imi aselmad ibeṭṭu inelmaden-is d tagrumma n yigrawen si kraḍ ar semmus n yinelmaden . Ma deg wayen ye3nan isental. Llan kra n yiselmaden I yettakken kan yiwen n usentel i yal agraw , tin ɣer-s d netta ara t-id-ifernen, ma d wid nniḍen ttajan tagnit I yinelmaden-nsen d nutni ara yextiren iyimansen isental n unadi nsen ; di tegnitt am ta I nettwali anelmad d ilelli anida yettḥulfu iyimani-s yezmer , yekkes-as ukukru , tiktiwin-nni uyezmir ara aten t-id yefk di temsirin , ad as-t-id-isarraḥ ger yimdukal-is ulama llant tucḍiwin acku ad m3awanen ger-asen wa ad d-yefk ifukal-is I wayeḍ alama ttuqenɛen akken ma llan d ayen ara ten-yesleḥqen ɣer yiswi-nsen ; d wagi I dazal ameqṛan i aɣ-d-fka tarrayt-agi tamaynut. Deg uḥric wis sin nextar seddis n yiɣarbazen , Aɣerbaz allemmas n hosini cabḥa , abdic Mehdi ; ukked tasnawit xuwwas Aḥsen d tesnawit n abdarreḥman n iluli I d-yezgan di temnaḍt n laṛebɛa n at yiraten , neqqim 2 wagguren iwakken nessaweḍ ad d- nerr ɣef yisteqsiyen -nneɣ nexdem astaki ɣef usentel-agi , nefka-d 17 n yisteqsiyen iyal agraw n yiselmaden. Di tarrayt tamezwarut nexdem annay di yal aɣerbaz iwakken anwali amek sɣaṛayen yiselmaden, dacu n temsirin I ttextiṛin , amek ssitigen inelmaden-nsen. Di tarrayt tis snat ; disteqsiyen deg sen : 1. Ahil aɣerbiz ? 2. Agzam n wahil ? 3. Asexdem n wedlisfus ? 4. Asexdem n isalalen nniḍen ? 5. Tarrayt n tesnedwelt I sexdamayen yiselmaden ?... Ar tagara. Nexdem-asen tasleḍt tasmektant deg tfelwiyin, imiren nefka-d axfawal i yal yiwen deg-sen yal axfawal nefka-d deg-s ayen i d-nufa deg udiwenni neɣ deg wannay. Nekkes-d kra n uguren deg uselmed n tdelsa n tmaziɣt s tarrayt tamaynut. Ugur n timanit n yinelmaden, uguren ɣef tagrawit…ar tagara. Deg uḥric n umuɣ n tuttriwin, nettaɛraḍ ad anẓaṛ ɣef uxemmem asnamnar n yiselmaden af wayen yeɛnan tarrayim n uselmed i sexdamen s tiririt-nsen deg umuɣ n tuttriwin. Sin akin, nuɣal nefhem tamlilt n umaswaḍ ukked temlilt n yiselmaden i udlis aɣurbiz neɣ amek sexdamen adlisfus s lemɛawna n tesleḍt nneɣ. Di taggara, nufa-d belli akken yebɣu yili yelha ayen yettwaxdamen ameɛna llan kra n yiḥricen ur llin ara d iwuranen akken iwata deg unagraw asinas. Di taggara, nufa-d belli axeddim n ugraw d yiwet n tarrayt i yesɛan azal acku zik anelmad ur yes3i ara azref ad d-yerr tiririt i as-yehwan xas ulamma tṣehḥa, ilaq dayen kan ara d-yetunefken s ɣur uselmad ara yerr deg wallaɣ-is.Ɣef waya i d-yella uxeddim n ugraw i wakken ad yessemlil gar yinelmaden d yiselmaden. Nufa-d daɣen yettaken azal d ameqqran i unelmad akken ad yesɛu azal gar yimeddukkal-is d wid ara d-yawin tasuɣlt igerzen.