WALD BELKASEM, SunyaSAƐDI, Suεad2023-02-142023-02-142021TASNILSAWALT D TUSNAWALThttps://dspace.ummto.dz/handle/ummto/20048113p.; Table.; 30cm.(+cd)Tazrewt-agi neɣ teεna isefra n uzuzzen d userqes di tmnaḍt n Miceli akk Mεetqa negmred azal 63 n yiḍrisen n yisefra n uzuzzen d userqes. Nesaweḍ ɣer tiririt ɣef tmukrist d turdiwin i d nessumar, newwid ugar n tmusniwin yaεnan asentel-agi. Axeddim-agi-nneɣ yebḍa ɣef sin yiḥricen. Aḥric amenzu newwid awal ɣef tasnalɣa d wayen icudden ɣur-s. Aḥric wis sin ɣef tsenamka. Deg uḥric amezwaru nufa-d belli isem yesεa tawsit, amḍan, addad, nemslay-d daɣen ɣef talɣa n yisem aḥerfi d yisem uddis akk d ireṭṭalen. Nufa-d deg-s 148 n yismawen iḥufiyen deg uzuzzen, d 301 deg yisefra n userqes. Deg umḍan nufa-d belli isem asuf deg uzuzzen azal 54.05% ma deg userqes 46.51%. Deg twsit nufa-d amur ameqqran deg umalay llan 39.18% ma deg userqes llan azal n 40.19%. Nufa-d deg waddad ilelli yuget deg uzuzzen 23.64% ma deg userqes nufa-d 22.25%. Ma dayen yaεnan isem imefti nufa-d llan azal n 16% n usuddes s usdukkel deg yisefra n uzuzzen ma d asuddes n usenṭeḍ nufa-d ulac 0%. Ma deg yisefra n userqes nufa-d asuddes s usdukkel yuget s waṭas s wazal n 55.55%, ma d asuddes n usenṭeḍ yella lexṣaṣ s wazal n 2.77%, ma d asuddem yebḍan ɣef sin. Asuddem n teɣda deg uzuzzen nufa-d azal n 22.50%, ma d asuddem n tɣara yuget s wazal n 37.5%, ma deg userqes nufa-d asuddem n teɣda s wazal n 13.88% ama d wid yulɣen s tɣara nufa-d 22.77%, nemslay-d ɣef talɣiwin tisudimin tella talɣa taswaɣt, talɣa n tameyaɣt, talɣa tattwaɣt. Akken ngar tamawt daɣen ɣer talɣa n yimyagen nufa-d belli llan azal n 34.95% imyagen ftin ɣer yizri ilaway seg yisefra n uzuzzen. Ma deg yisefra n userqes 48%, ma d izri ibaway llan azal n 17.88%, ma 2% deg userqes Urmir s "ad" nufa-d azal n 36.68% seg yisefra n uzuzzen. Ma d imyagen deg userqes llan 40% yeftin ɣer wurmim ussid nufa-d deg yisefra n uzuzzen azal 10.59%, ma d wid n userqes llan 10%. Tamsalt tanegarut deg uḥric-agi yella-d usqedec n yimerḍilen i d-yekkan deg yal tutlayt. Am waken llan kra n wawalen ireṭṭalen deg umawal, tuget deg-sen di tutlayt taεrabt nufa-d deg yiḍrisen n uzuzzen azal 100%. Ma d wid n userqes llan azal 90%, ma d wid i d yekkan di tefransist nufa-d 0% seg yisefra n uzuzzen. Ma deg userqes nufa-d 1%, di tutlayin nniḍen nufa-d belli deg yisefra n uzuzzen ulac asexleḍ n yimerḍilen-agi wid n userqes nufa-d 8.57%. Deg uḥric wis sin, d tazrewt tasnamkit deg-s i d newwi awal ɣef unamek n wawalen iqburen ɣef yimesulɣa akk d yimawal n tmaziɣt, nesegza-ten nufa-d anda εdelan anamek fekkan imeslɣuyen akk d umawal n DALLET akked BOUAMARA lan daɣen anda mxalafen. Si tama nniḍen ad nehdar ɣaf wassaɣen isnamkayen yellan gar-asen, nufa-d abeddel n yinumak nesεa imdyaten n tagtenamka, talulɣa, tanemgla, takenwa. Ɣer taggara, ad nini belli yal leqdic ur yemmid ara akken yebɣa xdmen tizrawin fella-s, nessaram leqdic-a ad yeddu ɣer sdat, nessaram ad yili usenerni n umawal n tutlayt tamaziɣt, nessaram bellitamedyazt n tyemat ur ttruḥun ara, ilaq ad yili deg-s usenerni acku llan kra yisefra llan kan di timawit, ilaq ur ttruḥun ara, tasuta ad tt-id-ğğ-it tayeḍ yettunḥesab d ageruj ur nfenu ara xas εeddan fella-s leqrunotherThesis