AIT AIDER, ThiziriGRINE, Abderrahmane2022-02-272022-02-272020Anthropologie du patrimoine et de la culture amazighshttps://dspace.ummto.dz/handle/ummto/1659830cm.; 115p.; ill. en coul.; tabl.+cdAmzruy n tmetti taqbaylit yebna ɣef insayen d yidles wa yettaǧǧa-t-id i wa. « Aman » d azamul n tuddert, n tayri, n tumert, n leɣla di tmetti taqbaylit ama taqburt naɣ tatrart. Di tezrawt n taggara n lmaster, newwi-id awal ɣef usentel yerzan « aɣbalu n Telɣemt » id yezgan di taddart n « yiɣban » di lɛarc n Uzellagen id yezgan deg temnaṭ n Summam. Di leqdic n teẓrawt a, yebḍan ɣef 4 n yiḥricen, nesfahm-d, tidiwin tidelsanin, timezrayin d tarakalt, tidemsanin id yezzin usentel neɣ di yettmeslayen ɣef « uɣbalu n Telɣemt » i wakken ad nessaweḍ ad nesfhem d acu yeǧǧan « aɣbalu ad yilli d tigmi n twennaḍt akked d tigmi tadelsant n taddart n yiɣban d lɛarc n Uzellagen s umata. Deg tiddi taraklant nbegn-d anda id-yezga lɛarc n Uzellagen d taddart n yiɣban , nsegz-id akal deg wanda id-yezga uɣbalu d yemɣan id s d-yezzin d lesnaf n yiɣarsiwen. Deg tiddi tamzrayt, nsegz-id amzruy iqqnen ɣef uɣbalu n Telɣemt, tinafusin mazal yettiddiren deg imi n yimezdaɣ n taddart n Yiɣban d tuddrin id yezzin. Nsegz-id amzruy n uɛessas « jeddi ɛmer uyeɛla » id-yezgan rrif n uɣbalu n Telɣemt, d acu yeqqnen amzruy-is ar umzruy n uɣbalu. Akken daɣen nsegz-id tinafusin d wansayen ismrassen yemdanen ɣef uɣbalu n Telɣemt, anda nerra lwelhi ɣer cefayat taɣerfant i wakken id- nugem amek i bnan wansayen a d tinafusin yettezin deg awal. D akken daɣen nesfahm-d asermes n tdamsa n uɣbalu n Telɣemt, amek id yella beddu zikk d wamek i ttefraqen ɣef tuddrin d leqwanen n useqdec-i-nes. Deg tama nniḍen nemeslay-ed daɣen ɣef tesyar n zikk yellan yetteddun s waman n tergwa n uɣbalu n Telɣemt. Deg taggara n teẓrawt, nemslay-ed ɣef leqqdic n tejmaɛt n taddart d tiddukla tadelsant d twennaṭ n taddart n Yiɣban i yesḥbibiren ɣef uɣbalu akken ad yeqqim d tigmi n taddart, d amḍiq amerray anda ara d-rzun yemdanen i wakken ad kksen lxiq.frThesis