Tadyizt n temṣeḍsa. Taṣleḍt n wamud Les fouberies de Si Dje’ha n Auguste Mouliéras
No Thumbnail Available
Date
2023
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Tasleḍt n udlis Les fourberies de Si Djeh’a tessaweḍ-aɣ ad negzu belli tasekla taqbaylit tamensayt d tamesbaɣurt, mačči anagar tamacahut tmakunt i yellan maca llant diγen temṣeḍsay tiwezzlanin s-way-s yessedhuy iman-is. Ihi, tura, di taggara n tezrawt-nneγ, nezmer ad d-nefk kra n yiferdisen s-way-s ara d-nesbadu tawsit. Di tazwara, aseḍru n teḥkayin-agi yemgarad γef tmucuha. Nwala deg yixef amezwaru, belli timucuha bnant di tuget γef umakun (ama d timucuha n umakun s timmad nsent neγ d timucuha n yiγersiwen). Aseḍru-nsent, yettili deg yiḍ. D timγarin i tent-id-yessawalen i yigerdan. Sεant tawuri n usedhu d uselmed. Maca, timseḍsa, neγ tiḥkayin-agi n teḍsa, aseḍru-nsent, yettili deg wass, deg yal taswiεt acku ur qqinent ara γer umakun. D irgazen i tent-yettemyeḥkun deg way-gar-asen. Seg tama n ugbur, mgaradent diγen γef tmucuha acku qqnent ɣer tilawt d wayen yettidir umdan deg tudert n yal ass. Ineḍruyen i nettaf deg teḥkayin-agi mačči d wid yessewhamen. Maca tebna γef tmellaγt d teḍsa i d-yesslalayen zzhu d unecreḥ.
Seg tama n tγessa, nufa-d belli tiḥkayin n Ǧeḥḥa, d tiwezlanin. Ur ṭṭuqten ara deg-sent yiwudam. Yerna ttasent-d sumata s wudem n udiwennni. Ma yella d tasiwelt, d tafessast, anya-s xfif. Ma yella seg tama n umseḍfer n yineḍruyen, ad naf belli tiḥkayin-agi ur cbikent ara. Bnant kan ɣef krad n tegnatin: tagnit tamezwarut, yiwet n tkerrist (di tuget tesεa yiwen n uneḍru neγ sin” akked tagnit n taggara i d-igellun s teḍsa. Ma d isental, nufa-d belli qqnen γer tmetti d tudert n yal ass. Deg-s, yettili-d useγti: aseγti n kra n leεyub (lekdeb, aγurru, takerḍa), aseγti n kra n yiwudam yettuqadaren di tmetti (sselṭan, lqaḍi, ṭṭaleb, atg.).
Seg tama n uwadem, nufa-d belli Ǧeḥḥa, d netta i d awadem agejdan yellan deg yal taḥkayt. Yettuγal-d, yal tikkelt, s yisem-agi. Ma deg wayen yeɛnan aglam, nufa-d belli Ǧeḥḥa yesɛa tafekka iǧehden ɣas ma yella, deg kra n yiḍrisen, nufa-t-id d amɣar, tettwakkes-as tezmert. Ma d ṭṭbiɛa-ines, tiḥerci, d aferdis imezgi deg yiḍrisen.Yessemras tiḥila akken ad d-yessenser iman-is deg yal tawaɣit. D imexḍa iḍrisen i deg yella d aɛeggun. D awadem yesseḍsayen, itekkes lxiq ɣef lexwaṭer s wayen ixeddem d wayen i d-yeqqar. Tikwal yelha, tikwal diri-t, yeskiddib, yettaker. Ɣef waya ara d-nini belli awadem-agi, d uddis. Meḥsub, yesεa aṭas n wudmawen. Tikwal, yezmer ad yessmlil snant n tulmisin d tinemgalin deg yiwen n uḍris (amedya tiḥerci d tibbuhelt). Inaw n uwadem, yesεa azal d ameqqran di lebni n tewsit. Di tuget, d inaw-agi aneggaru n uwadem Ğeḥḥa i d-yeslalayen taḍsa Ilmend n yiferdisen-agi meṛṛa yeεanan aseḍru, taγessa, d uwadem, nezmer ad d-nini belli tiḥkayin-agi, d tawsit i yiman-is. Ur ddint ara akked tmucuha imi ulac meṛṛa d acu i tent-yezdin.
Description
59 p. ; (+CD-Rom)
Keywords
Tadyizt n temṣeḍsa, Taṣleḍt n wamud, Auguste Mouliéras, Tasekla taqbaylit tamensayt
Citation
Tasekla d Usugnen