Engagement villageois pour la valorisation du patrimoine culturel : Le cas de la fête de la figue dans le village Lemsella (Illoula-Oumalou)
Loading...
Date
2022
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Asentel iɣef yebna leqdic n taggara n turagt “tafaska n tbexsisin di taddart n Lemsella” id-yezan di tɣiwant n Yillulen Umalu n Tizi Wezzu, ttafaska idyettilin yal asseggas deg unebdu . Akatay-agi -nteɣ, yebna ɣef semmus n yeḥrichen igejdanen. Aḥric amenzu, yewwi-d awal ɣef usentel tafaska tadelsant tiỿilt Lemsella.Tafaska-agi, tebda deg useggas 2007 i tikkelt tamezwarut.
Tazrawt-agi-nteɣ, tetteki ɣer tesnalest tadelsant d tgemmi, deg unadi nesseqdec kra n tarrayin ad aɣ- yessiwḍen ɣer tririyin ilaqen i tmukrist id-nefka di tazwara n tezrawt, ɣef waya yella –d udiwenni di yimsulɣa neseqdec daɣen s tuget annay usrid d wannay imekki.
Deg uḥric wis sin newwi-d awal ɣef taddart n Lemsella anda i d-yezgan di tɣiwant n Yillulen Umalu, tamɛict n taddart, newwi-d awal ɣef tiddukla Tiɣilt n Lemsella d azal-is deg tudssa n taddart d uḥerrek adelsan; Imi d nettat id-snulfan tameɣra n tbexsisen deg taddart n Lemsella.
Deg uḥric wis krad, tazrawt-nteɣ tbegn-d melmi i d-tufrar tfaska-agi n tbexsisin di taddart n Lemsella seg imi tebda ar ass-a n wussan. Nsken-ed amek tebna tdukla-a d wid ittittmetilen gar iɛeggalen-is. Deg unadi-nteɣ nudder-d isswiyen i tesɛa tfaska n tbexsisin; gar yiswiyen-a ad-naf asehbiber ɣef wansayen d tgemmi , d tikci n wazal i tmeɣrusin, asnarni n tdamsa, d asali n ccan n yisem n taddart n Lemesella.
Deg uḥric wis ukkuz, neww-id awal ɣef uheggi n tfaska-agi n tbexsisin amek idyettili uheggi n leqdic-ines ama tadrimt, ama d ttawilat, ama d inbgawen arad-irzun ɣer taddart n Lemsella ad ttikin di tfaska.
Aḥric wis semmus, nessaweḍ ad nesken amek ittaken azal i tfaska-agi n tbexsisin di temnaḍt-agi n tmurt n Leqbayel. Tazrawt-nteɣ, tessaweḍ akken ad d-sken azal i tesɛa tfaska n tbexsisin n Lemssla deg tegmi, anegmu n tdamsa ,ansayen d umkan n tmeṭṭut di tfaska agi.
Description
74p.; Table.; Ill. en coul.; 30cm.(+cd)
Keywords
Citation
Anthropologie culturelle et du patrimoine amazigh