Etude morphologique et sémantique des toponymes des localités d’Ait Houel Hadj (Commune Ait Yahia Moussa) et Tizi Lakhmis(Commune de Tizi Gheniff ) .[Wilaya deTizi Ouzou ]
Loading...
Date
2023
Authors
Journal Title
Journal ISSN
Volume Title
Publisher
Université Mouloud Mammeri
Abstract
Seg timawit ɣer tira, i d-tuwi tmaziɣt abrid-is. Zik, ur tettwaru ara tetteddu kan seg tqemmuct
ɣer tmeẓẓuɣt , maca s lmenddad n warraw-is itt-iqudṛen, tenǧer-d abrid ɣer tira ddac ddac, akken ad
aɣ-d-taweḍ di tizi n wass-a. Am wakken i as-yenna umedyaz Lewnis AYT MENGUELLAT: « Zik wa
ihedder-itt i wayeḍ, ass-a di lkaɣeḍ, ad tt-id-afen yineggura».
Tameslayt mi ara tili s timawit kan, ur tettwaḥrez ara akken iwata ladɣa deg wayen yerzan
amawal n tutlayt. Ass-a , s lmenddad n uselmad-nneɣ neɛreḍ deg umahil-nneɣ ad d-nessekfel, neɣ ad
nekkes agu ɣef kra n temsal yurzen ɣer umawal n yismawen n yidgan, akken ad naweḍ ɣer unamek n
tidet, tadra-nsen d wassaɣ iten-yurzen ɣer tmetti taqbaylit sumata.
Amahil-nneɣ, d leqdic yerzan tasnisemt i yellan d tussna n yisem.Tebḍa ɣef sin n yifukkawen:
Isem n wumdan (tasmiddent), Isem n wadeg (tasmedga). Ihi nekkni amahil-nneɣ yuwi-d awal ɣef
tesmegda deg temnaḍt n At Ëewelḥağ (Taɣiwant At Yaḥya Mussa) d Tizi Lexmis (Taɣiwant Tizi
£ennif). Nebda-t s tezwert tamatut deg-s nemmeslay-d ɣef taɣult-aki nefka-d tabadut-is sumata,
nessenked-d timnaḍin anida id-nemger ammud-nneɣ nerna-d imselɣuyen uɣur it-id-nuwi; ammud-a, d
agraw n yismawen n yidgan ; azal n twinest d yiwen (101) i d-negmer di snat n temnaḍin-aki (At
Ëewelḥağ d Tizi Lexmis). Syen akkin nɛedda ɣer tmukrist, nefka-d deg-s krad n yisestanen yurzen ɣer
tulmisin talɣawiyin, tiseddasanin d tesnamkanin n yismawen-a.
Ixef amezwaru: d tazrawt talɣasddast: Deg yixef-aki nefka-d tabadut-ines d kra n tbadutin
nniḍen: Awalen uddisen, awalen iḥerfiyen, addad ielli d umaruz, ismawen issudimen d yimerḍilen.
Akken i d-nemmeslay ɣef tulmisin n yisem di kraḍ yid-sent: Tawsit, amḍan d waddad.
Ixef wis sin: D tazrawt tasnamkant anida i nga tasleḍt tasnamkant n yismawen seg tama n
unamek s usenned ɣef wayen i aɣ-d-nnan yimselɣuyen-nneɣ akked wayen nufa deg yimawalen ladɣa
amawal n DALLET.J.M .(Dictionnaire Kabyle – Français), akked umawal n HADDADOU. M.A.
(Dictionnaire des racines berbères communes).
Di teggrayt, nessaweḍ nerra-d ɣef yisteqsiyen i d-nefka di tmukrist. Nufa-d tuget n yismawen
tadra-nsen d Tamaziɣt; rnan-d fell-asen yiregnaten1 , wid i d-yekkan seg Taԑrabt drus ma seg
Tefransist drus maḍi.
Description
61 p.; 30 cm. (+CD-Rom)
Keywords
Les toponymes, Etude morphologique, Etude sémantique, L’onomastique
Citation
Etudes Linguistiques Amazighes