Analyse du héros dans les contes oraux (Textes collectés de Larbaa Nat Iraten)
| dc.contributor.author | Meddi, Saida | |
| dc.contributor.author | Mokrani, Djouher | |
| dc.date.accessioned | 2022-05-16T09:19:10Z | |
| dc.date.available | 2022-05-16T09:19:10Z | |
| dc.date.issued | 2021 | |
| dc.description | 30cm ; 115p. | en |
| dc.description.abstract | Tasekla tamaziɣt, tella zik d timawit, ur tettwaru ara. Tasekla tamaziɣt timawit, tebḍa d leṣnaf. Tella tesrit, tella tmedyazt, llant talɣiwin tiwezzlanin. Deg unadi nneɣ, nefren ad nexdem tazrawt ɣef tewsit n Tmacahut, ladɣa tamacahut ibedden ɣef umakun. D acu kan, nefren ad d-nawi awal ɣef waṣaḍ di tmacahut akken ad nwali amek i yebna ama seg tama n yiman (isem akked uglam n uwadem) ama seg tama n yiggan (tiggawin i ixeddem waṣaḍ deg tmacahut). Aṣaḍ-agi, yezmer ad yili d amdan am wiyaḍ, neɣ ad yesɛu tazmert yugaren tin n medden meṛṛa, amedya : Tamacahut n Selyuna, tesseḥla gma-s s tḍadect-is. Neɣ ad tafeḍ yesɛa tabɣest, amedya : Tamacahut n Arḍel d Msarḍel, anda Arḍel iruḥ ad yawi gma-s seg uxxam n yiwaɣzeniwen deg udefel. Yezmer waṣaḍ ad yekseb tiḥerci izaden am Mqidec, i isserɣen tteryel ɣer taggara, iɣleb-itt s tiḥerci-ines, neɣ ad yesɛu nniya am di tmacahut n Tarbibt yettwaḥeqren. Deg tezrawt-nneɣ, nebḍa anadi ɣef rebɛa n yiḥricin. Deg uḥric amezwaru, newwi-d awal ɣef tmiḍrant n uwadem acku awadem, d aferdis agejdan i-ɣef tbedd yal taḥkayt. Mebla yis-s, tamacahut ur d-tettili ara. Gar yiwudam yellan deg tmacahut, aṣaḍ, d netta i yesɛan azal ameqqran deg-s, d netta i iselḥuyen tiggawin n tmacahut. Deg uḥric wis sin, nemmeslay-d ɣef yisem n uwadem s umata, akked yisem n waṣaḍ. Nufa-d, asaḍ, di tmacahut yezmer ad yesɛu isem, am akken yezmer ad yili d udrig, ur yesɛi ara isem, qqaren-d kan ma yella d aqcic, d taqcict, atg. Deg uḥric wis krad, nemmeslay-d ɣef uglam n waṣaḍ di tmacahut. Seg tama n uglam n tfekka, nufa-d di tuget, d taṣaḍt i d-yettwagelmen aṭas ugar n waṣaḍ. Llant aṭas n tulmisin n taṣaḍt i d-yettuɣalen deg tmucuha am thuski (ccbaḥa), acebbub awraɣ, allen tizerqaqin, atg. Ma yella seg tama n uglam n ṭṭbiεa, ad naf d aṣaḍ i d-yettwagelmen ugar. Gar tulmisin i d-yettuɣalen aṭas, ad naf tabɣest, nniya, tiḥerci, atg. Deg uḥric aneggaru, nexdem tasleḍt i yiggan n yiwudam (tiggawin i ixeddem waṣaḍ deg tmacahut). Yal yiwen deg-sen, yesɛa iswi i ilaq ad yaweḍ, ɣef ayagi, ilaq-as ad yesɛadi aṭas n tedyanin akken ad yaweḍ ɣur-s. Nefren ad neḍfer azenziɣ n Greimas akken ad d-nekkes tiɣawsiwin tigejdanin i-ɣef yettnadi waṣaḍ deg yal tamacahut. Nufa-d llant kra n tɣawsiwin i d-yettuɣalen am unadi ɣef watmaten deg tmacahut Ɛli d Waɛli, am unadi ɣef tidet deg tmacahut Timellalin n uzrem, am usellek n yelli-s n selṭan deg tmacahut Ɛli d Waɛli, am trewla ɣef tmehqranit deg tmacahut Tarbibt yettwaḥeqren. Sumata, tiɣawsiwin-agi, qqnent meṛṛa ɣer twuri n uselmed d ttrebga is-i tettwassen tmacahut. | en |
| dc.identifier.citation | Littérature et imaginaire | en |
| dc.identifier.uri | https://dspace.ummto.dz/handle/ummto/17685 | |
| dc.language.iso | fr | en |
| dc.publisher | Université Mouloud Mammeri Tizi Ouzou | en |
| dc.title | Analyse du héros dans les contes oraux (Textes collectés de Larbaa Nat Iraten) | en |
| dc.type | Thesis | en |