Awadem aɣersiw deg udlis Le roman de chacal n Brahim zellal.
Loading...
Date
2023
Authors
Journal Title
Journal ISSN
Volume Title
Publisher
Université Mouloud Mammeri
Abstract
Seg teṣleḍt n uwadem aɣersiw i nexdem i tmucuha n BRAHIM Zellal, nufa-d belli ula
d timucuha n yiγersiwen ɣas ma yella iwudam-is d iɣersiwen acu kan ayen ixeddmen, dayen
ixeddmen yiwudam i yellan d imdanen. Iswi n tmucuha-agi d ttrebga d aseḥrec n yigerdan d
yimengaḍen.
Seg yixef amezwaru, nesbadu-d awadem sumata, akken i d-nesbadu awadem aɣersiw
ɣef leḥsab n yinagmayen d yimnadiyen. Nufa-d belli, yesεa tawuri n ttrebga. Nwala belli llan
sin n leṣnaf n yiwudam iɣersiwen :wid n lexla d wid n uxxam.
Ma yella seg yixef yeqqnen γer tesleḍt n yiman n uwadem, nufa-d belli llan aṭas n leṣnaf
n yismawen yellan deg yiḍrisen-agi. Llan yismawen imagnuyen, akken llan yiɣersiwen yesɛan
ugar n yiwen n yisem. Akken llan wid yesɛan kan yiwen n yisem. Llan diɣ yismawen n
timarewt. Ma yella deg wayen yerzan aglam, nufa-d yella uglam n tfekka am lewṣayef i dyettunefken
i yizem belli yeǧhed. Ma yella d uccen, ɣezzif ufus-is. Ma yella d aglam n ṭṭbiɛa,
yeṭṭuqet ladɣa izem d wuccen.Izem, d bu-tissas, d win yesɛan lhiba. Ma yella d uccen d butḥila
d txidas d tḥerci ur nelhi ara. Ma yella seg tama n udiwenni, ad t-naf yeṭṭuqet ladɣa gar
yizem d wuccen, neɣ gar wuccen d yiɣersiwen niḍen neɣ gar yizem d yiɣersiwen niḍen. Ma
yella d adiwenni ufrid, yella kan gar wuccen d yiman-is.
Seg yixef wis krad yeqqnen γer tigawin n yiwudam, nefka-d azenziɣ amesgan n yal
aḥric anda i d-nufa belli deg yal tikkelt uccen yesɛa tawuri . Seg tama n leṣnaf n yiwudam,
nufa-d belli uccen d awadem agejdan n 4 n yiḥricen. Ula d izem, d awadem agejdan n yiḥricen
amezwaru d uneggaru. Akken yella yinisi d awadem agejdan deg uḥric wis sin. Ma yella deg
uḥric wis 3, aydi i d awadem agejdan. Ma yella d iwudam inaddayen, ṭṭuqten am ulɣem, ilef,
ayaẓiḍ, atg. Ma yella deg wayen yerzan tigawt nufa-d belli tigawin akk yeṭṭuqten d tid n
yizem d wuccen.
Sumata, ɣas ma yemxalaf lqaleb n tmacahut n lewḥuc ɣef leṣnaf n tmucuha niḍen maca
iswi d yiwen. Nessaram ad ilint tezrawin ɣef ṣṣenf-agi n tmacahut.
Description
47 p.; 30 cm. (+CD-Rom)
Keywords
Tasekla taqbaylit, Tamacahut n yiγersiwen, Brahim Zellal, Le Roman de Chacal
Citation
Tasekla Tamazight