Tugna n tmeṭṭut deg wungal « Timegraḍ yessawalen » n Tilyuna Su
Loading...
Date
2023
Authors
Journal Title
Journal ISSN
Volume Title
Publisher
Université Mouloud Mammeri
Abstract
Deg yixef amezwaru i wumi nefka azwel "kra n tbadutin d laṣnaf n tsugent", di tazwara nemmeslay-d ɣef usenked n wungal,sakkin nessegza-d kra n tbadutin am: ungal, azamul, tugna d tsugent ɣer taggara nebder-d leṣnaf n tsugent.
Ma deg yixef wis sin, nefka-d amgired yellan gar tmeṭṭut n zik d tin n tura,i d-nufa ur tesɛi ara awal, ma d tameṭṭut taqbaylit tatrart d tin yesɛan azal ladɣa deg uxeddim; imi tesaweḍ tettak-d awal-is ula di tejmaɛt n yirgazen, ula d lacɣal-is tezmer ad ten-texdem .Syin ɣur-s negga-as tasleḍt i wungal "Timegraḍ yessawalen", nessuffeɣ-d akk tugniwin tesemres tameyarut, nerna nekkes-d tumnayin.
Ihi, nessaweḍ ad d-nesbgen d akken tameṭṭut tesnerna di tira n wungalen tewwi-d aṭas n yisental d imaynuten, tufa iman-is deg wayen i d-tesnulfa, tessaweḍ lebɣ-is deg tewsit-agi n tsekla.
Tasugent tesɛa azal meqqren deg tira n wungal, yerra-as-d ccbaḥa d unamek d waṭas n tenfaliyin d tugniwin, yella-d d amaynut di tsekla taqbaylit. Asugen yebḍa ɣef tilawt d war tilawt, yal yiwen s tmuɣl-is. Deg tallit-agi taneggarut yeṭṭuqet usugen imi yuɣal d llsas n tugniwin d walleɣ. Nessegza-d amek amdan yesamgared tugniwin-a di tudert-is nufa daɣen asugnan yesɛa assaɣ deg tsekla, imi di tazwara; tasekla dagemmuḍ n usugnan amsnulfay, sya ad aɣ-d-iban wazal n tugna deg usugnan s umata, d wazal-is deg usnulfu n tsekla d tigzi-ines.
Isefk, ad d-nerr ɣef tmukrist d turdiwin i d-nebder: nufa-d"Tilyuna Su" tsemres : semmus (05)gar-asent tugna n tebɣest, tin n leḥzen, tin n tyemmat, tin n lferḥ, d tugna tatrarit, d tugniwin i yettuqten deg wungal-agi, ay-agi s usemres n tugniwin n uɣanib, deg ungal-agi ad naf seg-s yiwen uzamul "tasedda". Tsebgan-d azal n tmeṭṭut di tudert-is, tin id-yewwin iman-is deg yal taluft, d useḥbiber fell-as deg tmetti taqbaylit acku tessaweḍ tettak-d awal-is di rray n taddart, imi nufa-d yella umgired gar tmeṭṭut taqburt d tmeṭṭut tatrart.
Nesarem amahil-agi nteɣ ad yili d win ara d-yawin ka i wid d tid i yettnadin deg wannar-agi n tsekla d usentel-agi i nefren, nesarem diɣen d win iɣef adarnun inadiyen nniḍen.
Description
51 p. ; 30 cm. (+CD-Rom)
Keywords
Tilyuna Su, Tugna n tmeṭṭut, Tasekla taqbaylit, Tameṭṭut taqbaylit
Citation
Tasekla d tsugent