Tamagit di ccna n Yidir
Loading...
Date
2022
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Akatay-agi-nnteɣ yewwi-d ɣef usentel n” tmagit di ccna n Yidir”. Iswi n tmukrist-nnteɣ d anadi ɣef wamek id-yewwi yidir tamagit d wamek id-tettban deg tezlatin-is, iwakken ad d-nerr ɣef waya nebḍa tazrawt-agi ɣef sin .
Di tazwara newwi-d awal ɣef tmedyazt taqbaylit anida id-nufa d akken tebḍa ɣef sin: tamedyazt tamensayt nefka-d tabadut-is d isental-is. Sakin nwala-d tamedyazt tatrart anida id-nefka tabadut-is, leṣnaf-is, tulmisin-is , d yisental id-ttawin yimedyazen di tallit tatrart . Syin newwi-d awal ɣef tmeddurt n ucennay Yidir anida id-nebder d anwat d umecwar-is di ccna aqbayli. Nefka-d tizlatin-is d iḍebsiyen id-yessuffeɣ; neɛreḍ ad nefk amek i tegga tmedyazt-is ama si tama n yisental id-yettawi di tezlatin anida ad nufa tugget n tezlatin-is ttawint-d ɣef tutlayt n tmaziɣt, ma yella d tulmisin yessexdem deg isefra-ines d tid id-yellan ama ɣef umawal d talɣa n yisefra-ines.
Tasleḍt-nnteɣ nebda-tt-id s tbadut n tmagit, imi tcudd s waṭas ɣer tmetti taqbaylit, nwala-d tamuɣli n Yidir ɣef tmagit .Nebḍa-tt ɣef ukuz n yiferdisen:
Tamagit icudden ɣer tutlayt, ɣer umezruy, d wayen icudden ɣer wansayen d tesekla.
Deg uferdis n tutlayt nessaweḍ belli Yidir yessebgan-d timetti taqbaylit yesṭaɛerf d akken netta d mmi-s umaziɣ iḥemmel tuylayt-is , d yidles-is , yessebgan-d tamagit-is s umawal i yessexdam ama d awalen imaynuten am umaziɣ, tilelli, tadukkli… , yessexdem daɣen awalen iqburen am ukufi , acbayli, abernus… Deg uferdis wis sin nwala-d tamagit icudden ɣer umezruy, anida id-yessebgan Yidir tamagit s yiwudam ineǧǧren ismawen-nsen deg umezruy, s imukan id-yebder di tezlatin-is am adrar . Deg uferdis wis kraḍ newwi-d awal ɣef tmagit icudden ɣer wansayen d tsekla anida id-yessebgan tigemmi n ugdud amaziɣ d wamek ssemrasen tasekla-nsen, yessexdem kra n yiḍrisen ansayen di tezlatin-is am tamacahut n tsekkurt, ssendu d kra n wansayen nniḍen di tezlatin-is ama d asarwet, tiwizi, d uẓeṭṭa….
Di taggara n unadi-agi-nnteɣ acennay Yidir yeṭṭef di tjaddit-is d yidles-is , yecud aṭas ɣer yidles amaziɣ d tutlayt-is, yettnaɣ mgal lbaṭel iwakken ad iḥelli tamagit-is, laṣel-is, amezruy-is d yizerfan-is . Yidir yebɣa ad yeṣsiweḍ timetti taqbaylit ɣer tegreɣlanit , anect-a iban-d deg tezlatin-is d wayen yexdem ɣef tmetti taqbaylit
Description
142p.; 30cm.(+cd)
Keywords
Citation
TASEKLA D TSUGENT